वैशंपायन उवाच
तं दृष्ट्वा क्लीबवेषेण रथस्थं नरपुंगवम् ॥
शमीम् अभिमुखं यान्तं रथम् आरोप्य चोत्तरम् ॥
भीष्मद्रोणमुखास् तत्र कुरूणां रथसत्तमाः ॥
वित्रस्तमनसः सर्वे धनंजयकृताद् भयात् ॥
तान् अवेक्ष्य हतोत्साहान् उत्पातान् अपि चाद्भुतान् ॥
गुरुः शस्त्रभृतां श्रेष्ठो भारद्वाजो ऽभ्यभाषत ॥
चलाश् च वाताः संवान्ति रूक्षाः परुषनिःस्वनाः ॥
भस्मवर्णप्रकाशेन तमसा संवृतं नभः ॥
रूक्षवर्णाश् च जलदा दृश्यन्ते ऽद्भुतदर्शनाः ॥
निःसरन्ति च कोशेभ्यः शस्त्राणि विविधानि च ॥
शिवाश् च विनदन्त्य् एता दीप्तायां दिशि दारुणाः ॥
हयाश् चाश्रूणि मुञ्चन्ति ध्वजाः कम्पन्त्य् अकम्पिताः ॥
यादृशान्य् अत्र रूपाणि संदृश्यन्ते बहून्य् अपि ॥
यत्ता भवन्तस् तिष्ठन्तु स्याद् युद्धं समुपस्थितम् ॥
रक्षध्वम् अपि चात्मानं व्यूहध्वं वाहिनीम् अपि ॥
वैशसं च प्रतीक्षध्वं रक्षध्वं चापि गोधनम् ॥
vaiśaṃpāyana uvāca
taṃ dṛṣṭvā klībaveṣeṇa rathasthaṃ narapuṃgavam ||
śamīm abhimukhaṃ yāntaṃ ratham āropya cottaram ||
bhīṣmadroṇamukhās tatra kurūṇāṃ rathasattamāḥ ||
vitrastamanasaḥ sarve dhanaṃjayakṛtād bhayāt ||
tān avekṣya hatotsāhān utpātān api cādbhutān ||
guruḥ śastrabhṛtāṃ śreṣṭho bhāradvājo 'bhyabhāṣata ||
calāś ca vātāḥ saṃvānti rūkṣāḥ paruṣaniḥsvanāḥ ||
bhasmavarṇaprakāśena tamasā saṃvṛtaṃ nabhaḥ ||
rūkṣavarṇāś ca jaladā dṛśyante 'dbhutadarśanāḥ ||
niḥsaranti ca kośebhyaḥ śastrāṇi vividhāni ca ||
śivāś ca vinadanty etā dīptāyāṃ diśi dāruṇāḥ ||
hayāś cāśrūṇi muñcanti dhvajāḥ kampanty akampitāḥ ||
yādṛśāny atra rūpāṇi saṃdṛśyante bahūny api ||
yattā bhavantas tiṣṭhantu syād yuddhaṃ samupasthitam ||
rakṣadhvam api cātmānaṃ vyūhadhvaṃ vāhinīm api ||
vaiśasaṃ ca pratīkṣadhvaṃ rakṣadhvaṃ cāpi godhanam ||
Вайшампаяна сказал: «Увидев лучшего из людей в облике бесполого, сидящего на колеснице, едущего к шами и посадившего Уттару на колесницу, лучшие колесничие Куру во главе с Бхишмой и Дроной были все испуганы в уме из-за страха перед Дхананджаей. Посмотрев на них, потерявших решимость, и на удивительные знамения, учитель, лучший из носящих оружие, Бхарадваджа сказал: “Переменчивые ветры дуют, сухие, с грубым звуком. Небо покрыто тьмой пепельного цвета. Облака видны грубого цвета, необычайного вида; разное оружие выходит из ножен. Эти страшные шакалы воют в пылающей стороне; кони проливают слёзы; стяги дрожат, хотя их не колебали. Какие здесь видны многочисленные знамения, такие и говорят: стойте настороже, может быть, близится битва. Защитите себя, выстройте войско, ждите бойни и защитите коровье богатство”».
9173a77650a7 · опубликовано 16 июл. 2026 г., 18:23:49 UTC
Доступно наRUENЛистайте стихи клавишами
Знамения Дроны не суеверная декорация. Мир сам реагирует на возвращение Арджуны к оружию: скрытое время заканчивается, и поле чувствует перемену раньше людей.