परिचिन्त्य तु पार्थेन संनिपातो न नः क्षमः ॥
एकः कुरून् अभ्यरक्षद् एकश् चाग्निम् अतर्पयत् ॥
एकश् च पञ्च वर्षाणि ब्रह्मचर्यम् अधारयत् ॥
एकः सुभद्राम् आरोप्य द्वैरथे कृष्णम् आह्वयत् ॥
अस्मिन्न् एव वने कृष्णो हृतां कृष्णाम् अवाजयत् ॥
एकश् च पञ्च वर्षाणि शक्राद् अस्त्राण्य् अशिक्षत ॥
एकः सांयमिनीं जित्वा कुरूणाम् अकरोद् यशः ॥
एको गन्धर्वराजानं चित्रसेनम् अरिंदमः ॥
विजिग्ये तरसा संख्ये सेनां चास्य सुदुर्जयाम् ॥
तथा निवातकवचाः कालखञ्जाश् च दानवाः ॥
दैवतैर् अप्य् अवध्यास् ते एकेन युधि पातिताः ॥
एकेन हि त्वया कर्ण किं नामेह कृतं पुरा ॥
एकैकेन यथा तेषां भूमिपाला वशीकृताः ॥
इन्द्रो ऽपि हि न पार्थेन संयुगे योद्धुम् अर्हति ॥
यस् तेनाशंसते योद्धुं कर्तव्यं तस्य भेषजम् ॥
paricintya tu pārthena saṃnipāto na naḥ kṣamaḥ ||
ekaḥ kurūn abhyarakṣad ekaś cāgnim atarpayat ||
ekaś ca pañca varṣāṇi brahmacaryam adhārayat ||
ekaḥ subhadrām āropya dvairathe kṛṣṇam āhvayat ||
asminn eva vane kṛṣṇo hṛtāṃ kṛṣṇām avājayat ||
ekaś ca pañca varṣāṇi śakrād astrāṇy aśikṣata ||
ekaḥ sāṃyaminīṃ jitvā kurūṇām akarod yaśaḥ ||
eko gandharvarājānaṃ citrasenam ariṃdamaḥ ||
vijigye tarasā saṃkhye senāṃ cāsya sudurjayām ||
tathā nivātakavacāḥ kālakhañjāś ca dānavāḥ ||
daivatair apy avadhyās te ekena yudhi pātitāḥ ||
ekena hi tvayā karṇa kiṃ nāmeha kṛtaṃ purā ||
ekaikena yathā teṣāṃ bhūmipālā vaśīkṛtāḥ ||
indro 'pi hi na pārthena saṃyuge yoddhum arhati ||
yas tenāśaṃsate yoddhuṃ kartavyaṃ tasya bheṣajam ||
«Подумав, мы увидим: столкновение с Партхой для нас не годится. Он один защищал Куру, один удовлетворил Огонь. Один пять лет держал брахмачарью; один, посадив Субхадру на колесницу, вызвал Кришну на поединок. В этом самом лесу Кришна победил за похищенную Кришну. Один пять лет учился оружию у Шакры; один, победив Саямини, сделал славу Куру. Один, истребитель врагов, силой победил в битве царя гандхарвов Читрасену и его крайне труднопобедимое войско. Так же ниватакавачи и калакханджи, данавы, неуязвимые даже для богов, были повержены им одним в бою. Что же прежде сделал здесь ты один, Карна, как каждый из них подчинил земных царей? Даже Индра не достоин сражаться с Партхой в битве; тому, кто надеется с ним сражаться, нужно лекарство».
e1e8dc5cc009 · опубликовано 16 июл. 2026 г., 18:27:29 UTC
Доступно наRUENЛистайте стихи клавишами
Крипа противопоставляет словам Карны дела Арджуны. Дхарма уважает заявленную смелость, но проверяет её памятью о совершённом.