निमेषान्तरमात्रेण भीष्मो ऽन्यत् कार्मुकं रणे ॥
समादाय महाबाहुः सज्यं चक्रे महाबलः ॥
शरांश् च सुबहून् क्रुद्धो मुमोचाशु धनंजये ॥
अर्जुनो ऽपि शरांश् चित्रान् भीष्माय निशितान् बहून् ॥
चिक्षेप सुमहातेजास् तथा भीष्मश् च पाण्डवे ॥
तयोर् दिव्यास्त्रविदुषोर् अस्यतोर् अनिशं शरान् ॥
न विशेषस् तदा राजंल् लक्ष्यते स्म महात्मनोः ॥
अथावृणोद् दश दिशः शरैर् अतिरथस् तदा ॥
किरीटमाली कौन्तेयः शूरः शांतनवस् तथा ॥
अतीव पाण्डवो भीष्मं भीष्मश् चातीव पाण्डवम् ॥
बभूव तस्मिन् संग्रामे राजंल् लोके तद् अद्भुतम् ॥
पाण्डवेन हताः शूरा भीष्मस्य रथरक्षिणः ॥
शेरते स्म तदा राजन् कौन्तेयस्याभितो रथम् ॥
ततो गाण्डीवनिर्मुक्ता निरमित्रं चिकीर्षवः ॥
आगच्छन् पुङ्खसंश्लिष्टाः श्वेतवाहनपत्रिणः ॥
निष्पतन्तो रथात् तस्य धौता हैरण्यवाससः ॥
आकाशे समदृश्यन्त हंसानाम् इव पङ्क्तयः ॥
तस्य तद् दिव्यम् अस्त्रं हि प्रगाढं चित्रम् अस्यतः ॥
प्रेक्षन्ते स्मान्तरिक्षस्थाः सर्वे देवाः सवासवाः ॥
तद् दृष्ट्वा परमप्रीतो गन्धर्वश् चित्रम् अद्भुतम् ॥
शशंस देवराजाय चित्रसेनः प्रतापवान् ॥
पश्येमान् अरिनिर्दारान् संसक्तान् इव गच्छतः ॥
चित्ररूपम् इदं जिष्णोर् दिव्यम् अस्त्रम् उदीर्यतः ॥
नेदं मनुष्याः श्रद्दध्युर् न हीदं तेषु विद्यते ॥
पौराणानां महास्त्राणां विचित्रो ऽयं समागमः ॥
मध्यंदिनगतं सूर्यं प्रतपन्तम् इवाम्बरे ॥
न शक्नुवन्ति सैन्यानि पाण्डवं प्रतिवीक्षितुम् ॥
उभौ विश्रुतकर्माणाव् उभौ युद्धविशारदौ ॥
उभौ सदृशकर्माणाव् उभौ युधि दुरासदौ ॥
इत्य् उक्तो देवराजस् तु पार्थभीष्मसमागमम् ॥
पूजयाम् आस दिव्येन पुष्पवर्षेण भारत ॥
nimeṣāntaramātreṇa bhīṣmo 'nyat kārmukaṃ raṇe ||
samādāya mahābāhuḥ sajyaṃ cakre mahābalaḥ ||
śarāṃś ca subahūn kruddho mumocāśu dhanaṃjaye ||
arjuno 'pi śarāṃś citrān bhīṣmāya niśitān bahūn ||
cikṣepa sumahātejās tathā bhīṣmaś ca pāṇḍave ||
tayor divyāstraviduṣor asyator aniśaṃ śarān ||
na viśeṣas tadā rājaṃl lakṣyate sma mahātmanoḥ ||
athāvṛṇod daśa diśaḥ śarair atirathas tadā ||
kirīṭamālī kaunteyaḥ śūraḥ śāṃtanavas tathā ||
atīva pāṇḍavo bhīṣmaṃ bhīṣmaś cātīva pāṇḍavam ||
babhūva tasmin saṃgrāme rājaṃl loke tad adbhutam ||
pāṇḍavena hatāḥ śūrā bhīṣmasya ratharakṣiṇaḥ ||
śerate sma tadā rājan kaunteyasyābhito ratham ||
tato gāṇḍīvanirmuktā niramitraṃ cikīrṣavaḥ ||
āgacchan puṅkhasaṃśliṣṭāḥ śvetavāhanapatriṇaḥ ||
niṣpatanto rathāt tasya dhautā hairaṇyavāsasaḥ ||
ākāśe samadṛśyanta haṃsānām iva paṅktayaḥ ||
tasya tad divyam astraṃ hi pragāḍhaṃ citram asyataḥ ||
prekṣante smāntarikṣasthāḥ sarve devāḥ savāsavāḥ ||
tad dṛṣṭvā paramaprīto gandharvaś citram adbhutam ||
śaśaṃsa devarājāya citrasenaḥ pratāpavān ||
paśyemān arinirdārān saṃsaktān iva gacchataḥ ||
citrarūpam idaṃ jiṣṇor divyam astram udīryataḥ ||
nedaṃ manuṣyāḥ śraddadhyur na hīdaṃ teṣu vidyate ||
paurāṇānāṃ mahāstrāṇāṃ vicitro 'yaṃ samāgamaḥ ||
madhyaṃdinagataṃ sūryaṃ pratapantam ivāmbare ||
na śaknuvanti sainyāni pāṇḍavaṃ prativīkṣitum ||
ubhau viśrutakarmāṇāv ubhau yuddhaviśāradau ||
ubhau sadṛśakarmāṇāv ubhau yudhi durāsadau ||
ity ukto devarājas tu pārthabhīṣmasamāgamam ||
pūjayām āsa divyena puṣpavarṣeṇa bhārata ||
Бхишма за мгновение взял другой лук, натянул его и, разгневанный, быстро выпустил множество стрел в Дхананджаю. Арджуна также бросал в Бхишму множество острых чудесных стрел, и Бхишма отвечал Пандаве тем же. Когда эти два знатока божественных оружий непрерывно выпускали стрелы, между ними не было видно превосходства. Киритин Каунтея, великий колесничий, закрыл стрелами десять сторон, и Шантанава сделал то же; в том сражении это было чудом для мира. Вокруг колесницы Каунтеи лежали убитые Пандавой герои, охранявшие колесницу Бхишмы. Стрелы, выпущенные Гандивой и стремившиеся сделать поле свободным от врагов, летели плотно сомкнутыми; в небе они были подобны рядам лебедей. Все боги во главе с Васавой смотрели из пространства на это глубокое и дивное оружие Партхи. Увидев чудесное и пёстрое зрелище, могучий гандхарв Читрасена восхвалил его перед царём богов: «Смотри на эти стрелы, раздирающие врагов, идущие словно сплетёнными рядами; это дивное оружие Джишну проявляется в чудесном виде. Люди не поверили бы такому: этого нет среди них. Это необыкновенное соединение древних великих оружий. Войска не могут смотреть на Пандаву, сияющего в небе, как полуденное солнце. Оба знамениты своими делами, оба искусны в войне, оба равны в поступках и оба труднодоступны в битве». Услышав это, царь богов почтил встречу Партхи и Бхишмы божественным дождём цветов».
89fb26a48209 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Небесное одобрение падает не на грубую победу, а на явление совершенного искусства в служении долгу. Поэтому цветы сыплются над схваткой, где оба героя велики, но правда стоит за одним.