वैशंपायन उवाच
ततः शांतनवो भीष्मो दुराधर्षः प्रतापवान् ॥
वध्यमानेषु योधेषु धनंजयम् उपाद्रवत् ॥
प्रगृह्य कार्मुकश्रेष्ठं जातरूपपरिष्कृतम् ॥
शरान् आदाय तीक्ष्णाग्रान् मर्मभेदप्रमाथिनः ॥
पाण्डुरेणातपत्रेण ध्रियमाणेन मूर्धनि ॥
शुशुभे स नरव्याघ्रो गिरिः सूर्योदये यथा ॥
प्रध्माय शङ्खं गाङ्गेयो धार्तराष्ट्रान् प्रहर्षयन् ॥
प्रदक्षिणम् उपावृत्य बीभत्सुं समवारयत् ॥
तम् उद्वीक्ष्य तथायान्तं कौन्तेयः परवीरहा ॥
प्रत्यगृह्णात् प्रहृष्टात्मा धाराधरम् इवाचलः ॥
ततो भीष्मः शरान् अष्टौ ध्वजे पार्थस्य वीर्यवान् ॥
समपर्यन् महावेगाञ् श्वसमानान् इवोरगान् ॥
ते ध्वजं पाण्डुपुत्रस्य समासाद्य पतत्रिणः ॥
ज्वलन्तः कपिम् आजघ्नुर् ध्वजाग्रनिलयांश् च तान् ॥
ततो भल्लेन महता पृथुधारेण पाण्डवः ॥
छत्रं चिच्छेद भीष्मस्य तूर्णं तद् अपतद् भुवि ॥
ध्वजं चैवास्य कौन्तेयः शरैर् अभ्यहनद् दृढम् ॥
शीघ्रकृद् रथवाहांश् च तथोभौ पार्ष्णिसारथी ॥
vaiśaṃpāyana uvāca
tataḥ śāṃtanavo bhīṣmo durādharṣaḥ pratāpavān ||
vadhyamāneṣu yodheṣu dhanaṃjayam upādravat ||
pragṛhya kārmukaśreṣṭhaṃ jātarūpapariṣkṛtam ||
śarān ādāya tīkṣṇāgrān marmabhedapramāthinaḥ ||
pāṇḍureṇātapatreṇa dhriyamāṇena mūrdhani ||
śuśubhe sa naravyāghro giriḥ sūryodaye yathā ||
pradhmāya śaṅkhaṃ gāṅgeyo dhārtarāṣṭrān praharṣayan ||
pradakṣiṇam upāvṛtya bībhatsuṃ samavārayat ||
tam udvīkṣya tathāyāntaṃ kaunteyaḥ paravīrahā ||
pratyagṛhṇāt prahṛṣṭātmā dhārādharam ivācalaḥ ||
tato bhīṣmaḥ śarān aṣṭau dhvaje pārthasya vīryavān ||
samaparyan mahāvegāñ śvasamānān ivoragān ||
te dhvajaṃ pāṇḍuputrasya samāsādya patatriṇaḥ ||
jvalantaḥ kapim ājaghnur dhvajāgranilayāṃś ca tān ||
tato bhallena mahatā pṛthudhāreṇa pāṇḍavaḥ ||
chatraṃ ciccheda bhīṣmasya tūrṇaṃ tad apatad bhuvi ||
dhvajaṃ caivāsya kaunteyaḥ śarair abhyahanad dṛḍham ||
śīghrakṛd rathavāhāṃś ca tathobhau pārṣṇisārathī ||
Вайшампаяна сказал: «Когда воины гибли, неприступный и могучий Бхишма, сын Шантану, двинулся на Дхананджаю. Он взял лучший лук, украшенный золотом, и острые стрелы, пробивающие жизненные места. Под белым зонтом над головой этот тигр среди людей сиял, как гора при восходе солнца. Гангей затрубил в раковину, радуя Дхартраштров, обошёл Бибхатсу справа и преградил ему путь. Каунтея, истребитель вражеских героев, радостно принял его, словно гора принимает дождевую тучу. Тогда могучий Бхишма послал восемь быстрых стрел в стяг Партхи; эти крылатые стрелы, достигнув знамени сына Панду, сверкая, ударили обезьяну и существ, живших на вершине стяга. Пандава большим широколезвийным бхаллой быстро срезал зонт Бхишмы, и тот упал на землю. Затем Каунтея крепко поразил стрелами его стяг, быстрых возниц колесницы и обоих задних возниц».
b6f158c465e9 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Встреча с Бхишмой величественна и болезненна. Обход справа сохраняет честь, но бой сразу показывает: почтение не освобождает от ответа за выбранную сторону.