वैशंपायन उवाच
आहूयमानस् तु स तेन संख्ये; महामना धृतराष्ट्रस्य पुत्रः ॥
निवर्तितस् तस्य गिराङ्कुशेन; गजो यथा मत्त इवाङ्कुशेन ॥
सो ऽमृष्यमाणो वचसाभिमृष्टो; महारथेनातिरथस् तरस्वी ॥
पर्याववर्ताथ रथेन वीरो; भोगी यथा पादतलाभिमृष्टः ॥
तं प्रेक्ष्य कर्णः परिवर्तमानं; निवर्त्य संस्तभ्य च विद्धगात्रः ॥
दुर्योधनं दक्षिणतो ऽभ्यगच्छत्; पार्थं नृवीरो युधि हेममाली ॥
भीष्मस् ततः शांतनवो निवृत्य; हिरण्यकक्ष्यांस् त्वरयंस् तुरंगान् ॥
दुर्योधनं पश्चिमतो ऽभ्यरक्षत्; पार्थान् महाबाहुर् अधिज्यधन्वा ॥
द्रोणः कृपश् चैव विविंशतिश् च; दुःशासनश् चैव निवृत्य शीघ्रम् ॥
सर्वे पुरस्ताद् विततेषुचापा; दुर्योधनार्थं त्वरिताभ्युपेयुः ॥
स तान्य् अनीकानि निवर्तमानान्य्; आलोक्य पूर्णौघनिभानि पार्थः ॥
हंसो यथा मेघम् इवापतन्तं; धनंजयः प्रत्यपतत् तरस्वी ॥
ते सर्वतः संपरिवार्य पार्थम्; अस्त्राणि दिव्यानि समाददानाः ॥
ववर्षुर् अभ्येत्य शरैः समन्तान्; मेघा यथा भूधरम् अम्बुवेगैः ॥
ततो ऽस्त्रम् अस्त्रेण निवार्य तेषां; गाण्डीवधन्वा कुरुपुंगवानाम् ॥
संमोहनं शत्रुसहो ऽन्यद् अस्त्रं; प्रादुश्चकारैन्द्रिर् अपारणीयम् ॥
ततो दिशश् चानुदिशो विवृत्य; शरैः सुधारैर् निशितैः सुपुङ्खैः ॥
गाण्डीवघोषेण मनांसि तेषां; महाबलः प्रव्यथयां चकार ॥
ततः पुनर् भीमरवं प्रगृह्य; दोर्भ्यां महाशङ्खम् उदारघोषम् ॥
व्यनादयत् स प्रदिशो दिशः खं; भुवं च पार्थो द्विषतां निहन्ता ॥
ते शङ्खनादेन कुरुप्रवीराः; संमोहिताः पार्थसमीरितेन ॥
उत्सृज्य चापानि दुरासदानि; सर्वे तदा शान्तिपरा बभूवुः ॥
vaiśaṃpāyana uvāca
āhūyamānas tu sa tena saṃkhye; mahāmanā dhṛtarāṣṭrasya putraḥ ||
nivartitas tasya girāṅkuśena; gajo yathā matta ivāṅkuśena ||
so 'mṛṣyamāṇo vacasābhimṛṣṭo; mahārathenātirathas tarasvī ||
paryāvavartātha rathena vīro; bhogī yathā pādatalābhimṛṣṭaḥ ||
taṃ prekṣya karṇaḥ parivartamānaṃ; nivartya saṃstabhya ca viddhagātraḥ ||
duryodhanaṃ dakṣiṇato 'bhyagacchat; pārthaṃ nṛvīro yudhi hemamālī ||
bhīṣmas tataḥ śāṃtanavo nivṛtya; hiraṇyakakṣyāṃs tvarayaṃs turaṃgān ||
duryodhanaṃ paścimato 'bhyarakṣat; pārthān mahābāhur adhijyadhanvā ||
droṇaḥ kṛpaś caiva viviṃśatiś ca; duḥśāsanaś caiva nivṛtya śīghram ||
sarve purastād vitateṣucāpā; duryodhanārthaṃ tvaritābhyupeyuḥ ||
sa tāny anīkāni nivartamānāny; ālokya pūrṇaughanibhāni pārthaḥ ||
haṃso yathā megham ivāpatantaṃ; dhanaṃjayaḥ pratyapatat tarasvī ||
te sarvataḥ saṃparivārya pārtham; astrāṇi divyāni samādadānāḥ ||
vavarṣur abhyetya śaraiḥ samantān; meghā yathā bhūdharam ambuvegaiḥ ||
tato 'stram astreṇa nivārya teṣāṃ; gāṇḍīvadhanvā kurupuṃgavānām ||
saṃmohanaṃ śatrusaho 'nyad astraṃ; prāduścakāraindrir apāraṇīyam ||
tato diśaś cānudiśo vivṛtya; śaraiḥ sudhārair niśitaiḥ supuṅkhaiḥ ||
gāṇḍīvaghoṣeṇa manāṃsi teṣāṃ; mahābalaḥ pravyathayāṃ cakāra ||
tataḥ punar bhīmaravaṃ pragṛhya; dorbhyāṃ mahāśaṅkham udāraghoṣam ||
vyanādayat sa pradiśo diśaḥ khaṃ; bhuvaṃ ca pārtho dviṣatāṃ nihantā ||
te śaṅkhanādena kurupravīrāḥ; saṃmohitāḥ pārthasamīritena ||
utsṛjya cāpāni durāsadāni; sarve tadā śāntiparā babhūvuḥ ||
Вайшампаяна сказал: «Окликнутый в бою, великодушный сын Дхритараштры был остановлен словами Арджуны, словно пьяный слон стрекалом. Задетый речью великого колесничего, могучий герой не вынес этого и повернул колесницу, как змей, которого задели подошвой. Карна, сам раненный, увидел, что Дурьодхана возвращается, и стал справа от него; Бхишма, подгоняя коней с золотыми подпругами, защитил его сзади; Дрона, Крипа, Вивимшати и Духшасана поспешили впереди, растянув луки. Видя, что войска возвращаются, подобные полноводным потокам, стремительный Дхананджая устремился на них, как лебедь на набегающее облако. Они со всех сторон окружили Партху и, взяв божественные оружия, обрушили на него стрелы, как тучи — воду на гору. Тогда Гандиводержащий отразил их оружие оружием и явил другое оружие, саммохану, непреодолимое для врагов. Острыми, хорошо оперёнными стрелами и звуком Гандивы он поколебал их умы. Потом Партха, истребитель врагов, обеими руками взял великую раковину со страшным голосом и наполнил звуком стороны, пространство и землю. Герои Куру, смущённые этим звуком, выпущенным Партхой, бросили свои труднодоступные луки и стали искать мира».
8493dec570a5 · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Арджуна мог бы уничтожить окруживших его врагов, но выбирает саммохану. Сила, подчинённая дхарме, знает не только как поражать, но и как удерживать руку.