क्षमयित्वा तु कौरव्यं रणाद् उत्तरम् आगतम् ॥
प्रशशंस ततो मत्स्यः शृण्वतः सव्यसाचिनः ॥
त्वया दायादवान् अस्मि कैकेयीनन्दिवर्धन ॥
त्वया मे सदृशः पुत्रो न भूतो न भविष्यति ॥
पदं पदसहस्रेण यश् चरन् नापराध्नुयात् ॥
तेन कर्णेन ते तात कथम् आसीत् समागमः ॥
मनुष्यलोके सकले यस्य तुल्यो न विद्यते ॥
यः समुद्र इवाक्षोभ्यः कालाग्निर् इव दुःसहः ॥
तेन भीष्मेण ते तात कथम् आसीत् समागमः ॥
आचार्यो वृष्णिवीराणां पाण्डवानां च यो द्विजः ॥
सर्वक्षत्रस्य चाचार्यः सर्वशस्त्रभृतां वरः ॥
तेन द्रोणेन ते तात कथम् आसीत् समागमः ॥
आचार्यपुत्रो यः शूरः सर्वशस्त्रभृताम् अपि ॥
अश्वत्थामेति विख्यातः कथं तेन समागमः ॥
रणे यं प्रेक्ष्य सीदन्ति हृतस्वा वणिजो यथा ॥
कृपेण तेन ते तात कथम् आसीत् समागमः ॥
पर्वतं यो ऽभिविध्येत राजपुत्रो महेषुभिः ॥
दुर्योधनेन ते तात कथम् आसीत् समागमः ॥
kṣamayitvā tu kauravyaṃ raṇād uttaram āgatam ||
praśaśaṃsa tato matsyaḥ śṛṇvataḥ savyasācinaḥ ||
tvayā dāyādavān asmi kaikeyīnandivardhana ||
tvayā me sadṛśaḥ putro na bhūto na bhaviṣyati ||
padaṃ padasahasreṇa yaś caran nāparādhnuyāt ||
tena karṇena te tāta katham āsīt samāgamaḥ ||
manuṣyaloke sakale yasya tulyo na vidyate ||
yaḥ samudra ivākṣobhyaḥ kālāgnir iva duḥsahaḥ ||
tena bhīṣmeṇa te tāta katham āsīt samāgamaḥ ||
ācāryo vṛṣṇivīrāṇāṃ pāṇḍavānāṃ ca yo dvijaḥ ||
sarvakṣatrasya cācāryaḥ sarvaśastrabhṛtāṃ varaḥ ||
tena droṇena te tāta katham āsīt samāgamaḥ ||
ācāryaputro yaḥ śūraḥ sarvaśastrabhṛtām api ||
aśvatthāmeti vikhyātaḥ kathaṃ tena samāgamaḥ ||
raṇe yaṃ prekṣya sīdanti hṛtasvā vaṇijo yathā ||
kṛpeṇa tena te tāta katham āsīt samāgamaḥ ||
parvataṃ yo 'bhividhyeta rājaputro maheṣubhiḥ ||
duryodhanena te tāta katham āsīt samāgamaḥ ||
Попросив прощения у Кауравьи и видя Уттару, вернувшегося с битвы, царь Матсьев стал хвалить его в присутствии Савьясачина: «Тобой я спасён от наследственных врагов, о радость Кекайев; такого сына, как ты, у меня не было и не будет. Тот, кто, проходя тысячу шагов, не ошибётся ни в одном, — Карна: как была твоя встреча с ним, сын? А с Бхишмой, которому нет равного в мире людей, который невозмутим как океан и нестерпим как огонь времени, как была встреча? А с Дроной, брахманом, учителем героев Вришни, Пандавов, всего кшатрийского рода и лучшим из носителей оружия, как была встреча? А с сыном учителя, героем, известным как Ашваттхаман, как была встреча? А с Крипой, при виде которого в битве люди слабеют, словно купцы, потерявшие имущество, как была встреча? А с царевичем Дурьодханой, который мог бы пробить гору великими стрелами, как была встреча?»
ded4998303be · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Вирата ещё хвалит сына, но его вопросы сами выдают масштаб невозможного. Список имён делает очевидным: обычный юноша не мог победить таких противников.