उत्तर उवाच
न मया निर्जिता गावो न मया निर्जिताः परे ॥
कृतं तु कर्म तत् सर्वं देवपुत्रेण केन चित् ॥
स हि भीतं द्रवन्तं मां देवपुत्रो न्यवारयत् ॥
स चातिष्ठद् रथोपस्थे वज्रहस्तनिभो युवा ॥
तेन ता निर्जिता गावस् तेन ते कुरवो जिताः ॥
तस्य तत् कर्म वीरस्य न मया तात तत् कृतम् ॥
स हि शारद्वतं द्रोणं द्रोणपुत्रं च वीर्यवान् ॥
सूतपुत्रं च भीष्मं च चकार विमुखाञ् शरैः ॥
दुर्योधनं च समरे सनागम् इव यूथपम् ॥
प्रभग्नम् अब्रवीद् भीतं राजपुत्रं महाबलम् ॥
न हास्तिनपुरे त्राणं तव पश्यामि किं चन ॥
व्यायामेन परीप्सस्व जीवितं कौरवात्मज ॥
न मोक्ष्यसे पलायंस् त्वं राजन् युद्धे मनः कुरु ॥
पृथिवीं भोक्ष्यसे जित्वा हतो वा स्वर्गम् आप्स्यसि ॥
स निवृत्तो नरव्याघ्रो मुञ्चन् वज्रनिभाञ् शरान् ॥
सचिवैः संवृतो राजा रथे नाग इव श्वसन् ॥
तत्र मे रोमहर्षो ऽभूद् ऊरुस्तम्भश् च मारिष ॥
यद् अभ्रघनसंकाशम् अनीकं व्यधमच् छरैः ॥
तत् प्रणुद्य रथानीकं सिंहसंहननो युवा ॥
कुरूंस् तान् प्रहसन् राजन् वासांस्य् अपहरद् बली ॥
एकेन तेन वीरेण षड्रथाः परिवारिताः ॥
शार्दूलेनेव मत्तेन मृगास् तृणचरा वने ॥
uttara uvāca
na mayā nirjitā gāvo na mayā nirjitāḥ pare ||
kṛtaṃ tu karma tat sarvaṃ devaputreṇa kena cit ||
sa hi bhītaṃ dravantaṃ māṃ devaputro nyavārayat ||
sa cātiṣṭhad rathopasthe vajrahastanibho yuvā ||
tena tā nirjitā gāvas tena te kuravo jitāḥ ||
tasya tat karma vīrasya na mayā tāta tat kṛtam ||
sa hi śāradvataṃ droṇaṃ droṇaputraṃ ca vīryavān ||
sūtaputraṃ ca bhīṣmaṃ ca cakāra vimukhāñ śaraiḥ ||
duryodhanaṃ ca samare sanāgam iva yūthapam ||
prabhagnam abravīd bhītaṃ rājaputraṃ mahābalam ||
na hāstinapure trāṇaṃ tava paśyāmi kiṃ cana ||
vyāyāmena parīpsasva jīvitaṃ kauravātmaja ||
na mokṣyase palāyaṃs tvaṃ rājan yuddhe manaḥ kuru ||
pṛthivīṃ bhokṣyase jitvā hato vā svargam āpsyasi ||
sa nivṛtto naravyāghro muñcan vajranibhāñ śarān ||
sacivaiḥ saṃvṛto rājā rathe nāga iva śvasan ||
tatra me romaharṣo 'bhūd ūrustambhaś ca māriṣa ||
yad abhraghanasaṃkāśam anīkaṃ vyadhamac charaiḥ ||
tat praṇudya rathānīkaṃ siṃhasaṃhanano yuvā ||
kurūṃs tān prahasan rājan vāsāṃsy apaharad balī ||
ekena tena vīreṇa ṣaḍrathāḥ parivāritāḥ ||
śārdūleneva mattena mṛgās tṛṇacarā vane ||
Уттара сказал: «Не мной были отвоёваны коровы, и не мной побеждены враги. Всё это сделал некий сын бога. Когда я в страхе бежал, этот сын бога остановил меня; юный, подобный держателю ваджры, он стоял на площадке колесницы. Им были отвоёваны коровы, им были побеждены Куру. Его дело, отец, совершил тот герой, а не я. Он, могучий, стрелами обратил вспять Шарадвата, Дрону, сына Дроны, сына суты и Бхишму. В битве он сказал Дурьодхане, царевичу великой силы, разбитому и испуганному вместе с царским слоном: «Я не вижу для тебя никакой защиты в Хастинапуре. Усилием защищай жизнь, сын Куру. Бегством ты не освободишься; обрати ум к битве. Победив, будешь владеть землёй, а убитый достигнешь неба». Тот тигр среди людей повернул назад, выпуская стрелы, подобные ваджре; окружённый советниками, царь дышал на колеснице, как слон. Тогда у меня волосы встали дыбом и бёдра оцепенели, когда этот юноша, сложением подобный льву, стрелами разметал строй, похожий на густое облако. Разогнав строй колесниц, сильный юноша, смеясь, снял одежды с тех Куру. Один этот герой был окружён шестью колесничими, как пьяный тигр травоядными зверями в лесу».
dbc6e71df5ac · опубликовано 16 июл. 2026 г., 18:42:56 UTC
Доступно наRUENЛистайте стихи клавишами
Уттара отдаёт славу тому, кому она принадлежит. Его правдивость важнее царской похвалы: после страха он вырос до честного свидетельства.