सौभद्रम् अथ संसक्तं तत्र दृष्ट्वा धनंजयः ॥
अभिदुद्राव संक्रुद्धस् त्रातुकामः स्वम् आत्मजम् ॥
ततः सरथनागाश्वा भीष्मद्रोणपुरोगमाः ॥
अभ्यवर्तन्त राजानः सहिताः सव्यसाचिनम् ॥
उद्धूतं सहसा भौमं नागाश्वरथसादिभिः ॥
दिवाकरपथं प्राप्य रजस् तीव्रम् अदृश्यत ॥
तानि नागसहस्राणि भूमिपालशतानि च ॥
तस्य बाणपथं प्राप्य नाभ्यवर्तन्त सर्वशः ॥
प्रणेदुः सर्वभूतानि बभूवुस् तिमिरा दिशः ॥
कुरूणाम् अनयस् तीव्रः समदृश्यत दारुणः ॥
नाप्य् अन्तरिक्षं न दिशो न भूमिर् न च भास्करः ॥
प्रजज्ञे भरतश्रेष्ठ शरसंघैः किरीटिनः ॥
सादितध्वजनागास् तु हताश्वा रथिनो भृशम् ॥
विप्रद्रुतरथाः के चिद् दृश्यन्ते रथयूथपाः ॥
विरथा रथिनश् चान्ये धावमानाः समन्ततः ॥
तत्र तत्रैव दृश्यन्ते सायुधाः साङ्गदैर् भुजैः ॥
हयारोहा हयांस् त्यक्त्वा गजारोहाश् च दन्तिनः ॥
अर्जुनस्य भयाद् राजन् समन्ताद् विप्रदुद्रुवुः ॥
रथेभ्यश् च गजेभ्यश् च हयेभ्यश् च नराधिपाः ॥
पतिताः पात्यमानाश् च दृश्यन्ते ऽर्जुनताडिताः ॥
सगदान् उद्यतान् बाहून् सखड्गांश् च विशां पते ॥
सप्रासांश् च सतूणीरान् सशरान् सशरासनान् ॥
साङ्कुशान् सपताकांश् च तत्र तत्रार्जुनो नृणाम् ॥
निचकर्त शरैर् उग्रै रौद्रं बिभ्रद् वपुस् तदा ॥
परिघाणां प्रवृद्धानां मुद्गराणां च मारिष ॥
प्रासानां भिण्डिपालानां निस्त्रिंशानां च संयुगे ॥
परश्वधानां तीक्ष्णानां तोमराणां च भारत ॥
वर्मणां चापविद्धानां कवचानां च भूतले ॥
ध्वजानां चर्मणां चैव व्यजनानां च सर्वशः ॥
छत्राणां हेमदण्डानां चामराणां च भारत ॥
प्रतोदानां कशानां च योक्त्राणां चैव मारिष ॥
राशयश् चात्र दृश्यन्ते विनिकीर्णा रणक्षितौ ॥
नासीत् तत्र पुमान् कश् चित् तव सैन्यस्य भारत ॥
यो ऽर्जुनं समरे शूरं प्रत्युद्यायात् कथं चन ॥
यो यो हि समरे पार्थं पत्युद्याति विशां पते ॥
स स वै विशिखैस् तीक्ष्णैः परलोकाय नीयते ॥
तेषु विद्रवमाणेषु तव योधेषु सर्वशः ॥
अर्जुनो वासुदेवश् च दध्मतुर् वारिजोत्तमौ ॥
saubhadram atha saṃsaktaṃ tatra dṛṣṭvā dhanaṃjayaḥ ||
abhidudrāva saṃkruddhas trātukāmaḥ svam ātmajam ||
tataḥ sarathanāgāśvā bhīṣmadroṇapurogamāḥ ||
abhyavartanta rājānaḥ sahitāḥ savyasācinam ||
uddhūtaṃ sahasā bhaumaṃ nāgāśvarathasādibhiḥ ||
divākarapathaṃ prāpya rajas tīvram adṛśyata ||
tāni nāgasahasrāṇi bhūmipālaśatāni ca ||
tasya bāṇapathaṃ prāpya nābhyavartanta sarvaśaḥ ||
praṇeduḥ sarvabhūtāni babhūvus timirā diśaḥ ||
kurūṇām anayas tīvraḥ samadṛśyata dāruṇaḥ ||
nāpy antarikṣaṃ na diśo na bhūmir na ca bhāskaraḥ ||
prajajñe bharataśreṣṭha śarasaṃghaiḥ kirīṭinaḥ ||
sāditadhvajanāgās tu hatāśvā rathino bhṛśam ||
vipradrutarathāḥ ke cid dṛśyante rathayūthapāḥ ||
virathā rathinaś cānye dhāvamānāḥ samantataḥ ||
tatra tatraiva dṛśyante sāyudhāḥ sāṅgadair bhujaiḥ ||
hayārohā hayāṃs tyaktvā gajārohāś ca dantinaḥ ||
arjunasya bhayād rājan samantād vipradudruvuḥ ||
rathebhyaś ca gajebhyaś ca hayebhyaś ca narādhipāḥ ||
patitāḥ pātyamānāś ca dṛśyante 'rjunatāḍitāḥ ||
sagadān udyatān bāhūn sakhaḍgāṃś ca viśāṃ pate ||
saprāsāṃś ca satūṇīrān saśarān saśarāsanān ||
sāṅkuśān sapatākāṃś ca tatra tatrārjuno nṛṇām ||
nicakarta śarair ugrai raudraṃ bibhrad vapus tadā ||
parighāṇāṃ pravṛddhānāṃ mudgarāṇāṃ ca māriṣa ||
prāsānāṃ bhiṇḍipālānāṃ nistriṃśānāṃ ca saṃyuge ||
paraśvadhānāṃ tīkṣṇānāṃ tomarāṇāṃ ca bhārata ||
varmaṇāṃ cāpaviddhānāṃ kavacānāṃ ca bhūtale ||
dhvajānāṃ carmaṇāṃ caiva vyajanānāṃ ca sarvaśaḥ ||
chatrāṇāṃ hemadaṇḍānāṃ cāmarāṇāṃ ca bhārata ||
pratodānāṃ kaśānāṃ ca yoktrāṇāṃ caiva māriṣa ||
rāśayaś cātra dṛśyante vinikīrṇā raṇakṣitau ||
nāsīt tatra pumān kaś cit tava sainyasya bhārata ||
yo 'rjunaṃ samare śūraṃ pratyudyāyāt kathaṃ cana ||
yo yo hi samare pārthaṃ patyudyāti viśāṃ pate ||
sa sa vai viśikhais tīkṣṇaiḥ paralokāya nīyate ||
teṣu vidravamāṇeṣu tava yodheṣu sarvaśaḥ ||
arjuno vāsudevaś ca dadhmatur vārijottamau ||
Увидев, что Саубхадра связан боем, разгневанный Дхананджая бросился туда, желая защитить своего сына. Тогда цари, со всеми колесницами, слонами и конями, во главе с Бхишмой и Дроной, сообща двинулись против Савьясачина. Внезапно поднятая с земли слонами, конями, колесницами и всадниками, густая пыль достигла солнечного пути и стала видна высоко в небе. Но тысячи слонов и сотни царей, попав в область стрел Арджуны, уже не могли наступать дальше. Все существа заревели, стороны покрылись мраком, и стало видно страшное бедствие Куру. Ни воздушное пространство, ни стороны, ни земля, ни солнце не различались, о лучший из Бхаратов, из-за скоплений стрел Киритина. Начальники колесничих отрядов были видны со сбитыми стягами и слонами, с убитыми конями; одни колесницы были рассеяны, другие ратхины лишились ратх и бежали во все стороны. Повсюду виднелись руки с оружием и браслетами. Конники бросали коней, слоноводы — слонов и из страха перед Арджуной разбегались со всех сторон, о царь. Владыки людей, поражённые Арджуной, падали и сбрасывались с колесниц, слонов и коней. Арджуна, являя тогда грозный облик, страшными стрелами отсекал у воинов руки с поднятыми палицами, мечами, копьями, колчанами, стрелами, луками, анкушами и знамёнами. На земле боя виднелись разбросанные груды больших палиц, молотов, копий, бхиндипал, мечей, острых секир, томаров, отброшенных доспехов, броней, знамён, щитов, опахал, зонтов с золотыми древками, чамар, погонял, кнутов и упряжных ремней. В твоём войске, о Бхарата, не было никого, кто мог бы каким-либо образом выйти в бою навстречу герою Арджуне. Каждый, кто выступал против Партхи, острыми стрелами отправлялся в иной мир, о владыка людей. Когда все твои воины разбегались, Арджуна и Васудева затрубили в две лучшие раковины».
4a8bda528a32 · опубликовано 17 июл. 2026 г., 21:22:44 UTC
Доступно наRUENЛистайте стихи клавишами
Арджуна выступает здесь прежде всего как отец, и это личное побуждение сразу становится защитой всей стороны Пандавов. Его стрелы не просто поражают врагов: они останавливают саму возможность наступления.