संजय उवाच
प्रभातायां तु शर्वर्यां भीष्मः शांतनवस् ततः ॥
अनीकान्य् अनुसंयाने व्यादिदेशाथ भारत ॥
गारुडं च महाव्यूहं चक्रे शांतनवस् तदा ॥
पुत्राणां ते जयाकाङ्क्षी भीष्मः कुरुपितामहः ॥
गरुडस्य स्वयं तुण्डे पिता देवव्रतस् तव ॥
चक्षुषी च भरद्वाजः कृतवर्मा च सात्वतः ॥
अश्वत्थामा कृपश् चैव शीर्षम् आस्तां यशस्विनौ ॥
त्रिगर्तैर् मत्स्यकैकेयैर् वाटधानैश् च संयुतौ ॥
भूरिश्रवाः शलः शल्यो भगदत्तश् च मारिष ॥
मद्रकाः सिन्धुसौवीरास् तथा पञ्चनदाश् च ये ॥
जयद्रथेन सहिता ग्रीवायां संनिवेशिताः ॥
पृष्ठे दुर्योधनो राजा सोदरैः सानुगैर् वृतः ॥
विन्दानुविन्दाव् आवन्त्यौ काम्बोजश् च शकैः सह ॥
पुच्छम् आसन् महाराज शूरसेनाश् च सर्वशः ॥
मागधाश् च कलिङ्गाश् च दाशेरकगणैः सह ॥
दक्षिणं पक्षम् आसाद्य स्थिता व्यूहस्य दंशिताः ॥
काननाश् च विकुञ्जाश् च मुक्ताः पुण्ड्राविषस् तथा ॥
बृहद्बलेन सहिता वामं पक्षम् उपाश्रिताः ॥
saṃjaya uvāca
prabhātāyāṃ tu śarvaryāṃ bhīṣmaḥ śāṃtanavas tataḥ ||
anīkāny anusaṃyāne vyādideśātha bhārata ||
gāruḍaṃ ca mahāvyūhaṃ cakre śāṃtanavas tadā ||
putrāṇāṃ te jayākāṅkṣī bhīṣmaḥ kurupitāmahaḥ ||
garuḍasya svayaṃ tuṇḍe pitā devavratas tava ||
cakṣuṣī ca bharadvājaḥ kṛtavarmā ca sātvataḥ ||
aśvatthāmā kṛpaś caiva śīrṣam āstāṃ yaśasvinau ||
trigartair matsyakaikeyair vāṭadhānaiś ca saṃyutau ||
bhūriśravāḥ śalaḥ śalyo bhagadattaś ca māriṣa ||
madrakāḥ sindhusauvīrās tathā pañcanadāś ca ye ||
jayadrathena sahitā grīvāyāṃ saṃniveśitāḥ ||
pṛṣṭhe duryodhano rājā sodaraiḥ sānugair vṛtaḥ ||
vindānuvindāv āvantyau kāmbojaś ca śakaiḥ saha ||
puccham āsan mahārāja śūrasenāś ca sarvaśaḥ ||
māgadhāś ca kaliṅgāś ca dāśerakagaṇaiḥ saha ||
dakṣiṇaṃ pakṣam āsādya sthitā vyūhasya daṃśitāḥ ||
kānanāś ca vikuñjāś ca muktāḥ puṇḍrāviṣas tathā ||
bṛhadbalena sahitā vāmaṃ pakṣam upāśritāḥ ||
Санджая сказал: «Когда ночь сменилась рассветом, о Бхарата, Бхишма, сын Шантану, распорядился войсками для выступления. Желая победы твоим сыновьям, Бхишма, праотец Куру, тогда построил великий строй Гаруды. В клюве Гаруды стоял сам твой отец Деваврата; глазами были Бхарадваджа и сатвата Критаварман. Славные Ашваттхаман и Крипа, вместе с тригартами, матсьями, кекаями и ватадханами, стояли в голове. Бхуришравас, Шала, Шалья, Бхагадатта, мадраки, синдху-саувиры и народы Пяти рек вместе с Джаядратхой были размещены в шее, о почтенный. В спине стоял царь Дурьодхана, окружённый братьями и свитой. Авантийцы Винда и Анувинда, камбоджа с шаками и все шурасены, о великий царь, составили хвост. Магадхи, калинги и отряды дашераков, вооружённые, заняли правое крыло строя; кананы, викунджи, мукты, пундры, авиши и воины Брихадбалы заняли левое крыло».
84feeff6cea4 · опубликовано 17 июл. 2026 г., 21:22:44 UTC
Доступно наRUENЛистайте стихи клавишами
Новый день начинается с новой формы: войско Куру принимает образ Гаруды. Строй выглядит величественно, но его цель всё та же — удержать победу для сыновей Дхритараштры.