शिरसां पात्यमानानां समरे निशितैः शरैः ॥
अश्मवृष्टिर् इवाकाशे बभूव भरतर्षभ ॥
कुण्डलोष्णीषधारीणि जातरूपोज्ज्वलानि च ॥
पतितानि स्म दृश्यन्ते शिरांसि भरतर्षभ ॥
विशिखोन्मथितैर् गात्रैर् बाहुभिश् च सकार्मुकैः ॥
सहस्ताभरणैश् चान्यैर् अभवच् छादिता मही ॥
कवचोपहितैर् गात्रैर् हस्तैश् च समलंकृतैः ॥
मुखैश् च चन्द्रसंकाशै रक्तान्तनयनैः शुभैः ॥
गजवाजिमनुष्याणां सर्वगात्रैश् च भूपते ॥
आसीत् सर्वा समाकीर्णा मुहूर्तेन वसुंधरा ॥
रजोमेघैश् च तुमुलैः शस्त्रविद्युत्प्रकाशितैः ॥
आयुधानां च निर्घोषः स्तनयित्नुसमो ऽभवत् ॥
स संप्रहारस् तुमुलः कटुकः शोणितोदकः ॥
प्रावर्तत कुरूणां च पाण्डवानां च भारत ॥
śirasāṃ pātyamānānāṃ samare niśitaiḥ śaraiḥ ||
aśmavṛṣṭir ivākāśe babhūva bharatarṣabha ||
kuṇḍaloṣṇīṣadhārīṇi jātarūpojjvalāni ca ||
patitāni sma dṛśyante śirāṃsi bharatarṣabha ||
viśikhonmathitair gātrair bāhubhiś ca sakārmukaiḥ ||
sahastābharaṇaiś cānyair abhavac chāditā mahī ||
kavacopahitair gātrair hastaiś ca samalaṃkṛtaiḥ ||
mukhaiś ca candrasaṃkāśai raktāntanayanaiḥ śubhaiḥ ||
gajavājimanuṣyāṇāṃ sarvagātraiś ca bhūpate ||
āsīt sarvā samākīrṇā muhūrtena vasuṃdharā ||
rajomeghaiś ca tumulaiḥ śastravidyutprakāśitaiḥ ||
āyudhānāṃ ca nirghoṣaḥ stanayitnusamo 'bhavat ||
sa saṃprahāras tumulaḥ kaṭukaḥ śoṇitodakaḥ ||
prāvartata kurūṇāṃ ca pāṇḍavānāṃ ca bhārata ||
В битве головы, срубаемые острыми стрелами, падали, словно каменный дождь с неба, о бык Бхаратов. Видны были упавшие головы с серьгами и тюрбанами, сверкающие золотом, о лучший Бхаратов. Земля была покрыта телами, разорванными стрелами, руками с луками и другими руками, украшенными браслетами. Она была усеяна членами в доспехах, украшенными кистями, прекрасными луноподобными лицами с красными краями глаз, а также всеми частями тел слонов, коней и людей, о царь. В одно мгновение вся земля-кормилица оказалась покрыта ими. Бурные облака пыли сверкали молниями оружия, а грохот оружий был подобен грому. Так между Куру и Пандавами, о Бхарата, развернулась страшная, жестокая сеча, где кровь была как вода».
855a7ff6dafd · опубликовано 17 июл. 2026 г., 21:35:52 UTC
Доступно наRUENЛистайте стихи клавишами
Описание битвы намеренно не героизирует смерть: красота золотых украшений и лунных лиц лежит среди рассечённых тел. Война, начатая ради власти, превращает землю в место кровавого дождя.