तं दृष्ट्वा युयुधानस्य सुता दश महाबलाः ॥
महारथाः समाख्याताश् चित्रवर्मायुधध्वजाः ॥
समासाद्य महेष्वासं भूरिश्रवसम् आहवे ॥
ऊचुः सर्वे सुसंरब्धा यूपकेतुं महारणे ॥
भो भो कौरवदायाद सहास्माभिर् महाबल ॥
एहि युध्यस्व संग्रामे समस्तैः पृथग् एव वा ॥
अस्मान् वा त्वं पराजित्य यशः प्राप्नुहि संयुगे ॥
वयं वा त्वां पराजित्य प्रीतिं दास्यामहे पितुः ॥
एवम् उक्तस् तदा शूरैस् तान् उवाच महाबलः ॥
वीर्यश्लाघी नरश्रेष्ठस् तान् दृष्ट्वा समुपस्थितान् ॥
साध्व् इदं कथ्यते वीरा यद् एवं मतिर् अद्य वः ॥
युध्यध्वं सहिता यत्ता निहनिष्यामि वो रणे ॥
एवम् उक्ता महेष्वासास् ते वीराः क्षिप्रकारिणः ॥
महता शरवर्षेण अभ्यवर्षन्न् अरिंदमम् ॥
अपराह्णे महाराज संग्रामस् तुमुलो ऽभवत् ॥
एकस्य च बहूनां च समेतानां रणाजिरे ॥
तम् एकं रथिनां श्रेष्ठं शरवर्षैर् अवाकिरन् ॥
प्रावृषीव महाशैलं सिषिचुर् जलदा नृप ॥
तैस् तु मुक्ताञ् शरौघांस् तान् यमदण्डाशनिप्रभान् ॥
असंप्राप्तान् असंप्राप्तांश् चिच्छेदाशु महारथः ॥
तत्राद्भुतम् अपश्याम सौमदत्तेः पराक्रमम् ॥
यद् एको बहुभिर् युद्धे समसज्जद् अभीतवत् ॥
विसृज्य शरवृष्टिं तां दश राजन् महारथाः ॥
परिवार्य महाबाहुं निहन्तुम् उपचक्रमुः ॥
सौमदत्तिस् ततः क्रुद्धस् तेषां चापानि भारत ॥
चिच्छेद दशभिर् बाणैर् निमेषेण महारथः ॥
अथैषां छिन्नधनुषां भल्लैः संनतपर्वभिः ॥
चिच्छेद समरे राजञ् शिरांसि निशितैः शरैः ॥
ते हता न्यपतन् भूमौ वज्रभग्ना इव द्रुमाः ॥
taṃ dṛṣṭvā yuyudhānasya sutā daśa mahābalāḥ ||
mahārathāḥ samākhyātāś citravarmāyudhadhvajāḥ ||
samāsādya maheṣvāsaṃ bhūriśravasam āhave ||
ūcuḥ sarve susaṃrabdhā yūpaketuṃ mahāraṇe ||
bho bho kauravadāyāda sahāsmābhir mahābala ||
ehi yudhyasva saṃgrāme samastaiḥ pṛthag eva vā ||
asmān vā tvaṃ parājitya yaśaḥ prāpnuhi saṃyuge ||
vayaṃ vā tvāṃ parājitya prītiṃ dāsyāmahe pituḥ ||
evam uktas tadā śūrais tān uvāca mahābalaḥ ||
vīryaślāghī naraśreṣṭhas tān dṛṣṭvā samupasthitān ||
sādhv idaṃ kathyate vīrā yad evaṃ matir adya vaḥ ||
yudhyadhvaṃ sahitā yattā nihaniṣyāmi vo raṇe ||
evam uktā maheṣvāsās te vīrāḥ kṣiprakāriṇaḥ ||
mahatā śaravarṣeṇa abhyavarṣann ariṃdamam ||
aparāhṇe mahārāja saṃgrāmas tumulo 'bhavat ||
ekasya ca bahūnāṃ ca sametānāṃ raṇājire ||
tam ekaṃ rathināṃ śreṣṭhaṃ śaravarṣair avākiran ||
prāvṛṣīva mahāśailaṃ siṣicur jaladā nṛpa ||
tais tu muktāñ śaraughāṃs tān yamadaṇḍāśaniprabhān ||
asaṃprāptān asaṃprāptāṃś cicchedāśu mahārathaḥ ||
tatrādbhutam apaśyāma saumadatteḥ parākramam ||
yad eko bahubhir yuddhe samasajjad abhītavat ||
visṛjya śaravṛṣṭiṃ tāṃ daśa rājan mahārathāḥ ||
parivārya mahābāhuṃ nihantum upacakramuḥ ||
saumadattis tataḥ kruddhas teṣāṃ cāpāni bhārata ||
ciccheda daśabhir bāṇair nimeṣeṇa mahārathaḥ ||
athaiṣāṃ chinnadhanuṣāṃ bhallaiḥ saṃnataparvabhiḥ ||
ciccheda samare rājañ śirāṃsi niśitaiḥ śaraiḥ ||
te hatā nyapatan bhūmau vajrabhagnā iva drumāḥ ||
Увидев это, десять великосильных сыновей Ююдханы, известные как махаратхи, с пёстрыми панцирями, оружием и знамёнами, приблизились в бою к великому лучнику Бхуришравасу. Все они, сильно разгневанные, сказали Юпакету в великой битве: «Эй, наследник Кауравов, великосильный! Иди, сражайся с нами в битве: со всеми вместе или с каждым отдельно. Победив нас, ты получишь славу в бою; или мы, победив тебя, дадим радость отцу». Услышав эти слова героев, великосильный лучший муж, гордившийся своей доблестью, увидел их перед собой и сказал: «Хорошо сказано, герои, раз такова сегодня ваша мысль. Сражайтесь вместе и сосредоточенно; я убью вас в бою». Тогда эти великие лучники, быстрые в деле, осыпали врагов губителя великим дождём стрел. Во второй половине дня, о великий царь, на поле боя разгорелось страшное сражение одного против многих. Они засыпали этого одного, лучшего из колесничих, дождями стрел, как облака в сезон дождей орошают большую гору, о царь. Но махаратха быстро рассекал эти выпущенные ими потоки стрел, сиявшие как жезл Ямы и молния, ещё прежде, чем они достигали его. Там мы увидели дивную доблесть Саумадатти: один он бесстрашно сцепился в бою со многими. Выпустив тот дождь стрел, десять махаратхов, о царь, окружили могучерукого и начали убивать его. Тогда разгневанный Саумадатти в одно мгновение десятью стрелами рассёк их луки, о Бхарата. Затем у них, оставшихся с рассечёнными луками, он в бою срубил головы острыми бхаллами с ровными узлами. Убитые, они упали на землю, словно деревья, сломанные молнией».
f56d908daa49 · опубликовано 17 июл. 2026 г., 21:35:52 UTC
Доступно наRUENЛистайте стихи клавишами
Сыновья Сатьяки выходят с кшатрийской прямотой: либо добыть славу, либо порадовать отца победой. Но Бхуришравас оказывается воином другого масштаба; за один миг он превращает их вызов в гибель.