संजय उवाच
अथ राजन् महाबाहुः सात्यकिर् युद्धदुर्मदः ॥
विकृष्य चापं समरे भारसाधनम् उत्तमम् ॥
प्रामुञ्चत् पुङ्खसंयुक्ताञ् शरान् आशीविषोपमान् ॥
प्रकाशं लघु चित्रं च दर्शयन्न् अस्त्रलाघवम् ॥
तस्य विक्षिपतश् चापं शरान् अन्यांश् च मुञ्चतः ॥
आददानस्य भूयश् च संदधानस्य चापरान् ॥
क्षिपतश् च शरान् अस्य रणे शत्रून् विनिघ्नतः ॥
ददृशे रूपम् अत्यर्थं मेघस्येव प्रवर्षतः ॥
तम् उदीर्यन्तम् आलोक्य राजा दुर्योधनस् ततः ॥
रथानाम् अयुतं तस्य प्रेषयाम् आस भारत ॥
तांस् तु सर्वान् महेष्वासान् सात्यकिः सत्यविक्रमः ॥
जघान परमेष्वासो दिव्येनास्त्रेण वीर्यवान् ॥
स कृत्वा दारुणं कर्म प्रगृहीतशरासनः ॥
आससाद ततो वीरो भूरिश्रवसम् आहवे ॥
स हि संदृश्य सेनां तां युयुधानेन पातिताम् ॥
अभ्यधावत संक्रुद्धः कुरूणां कीर्तिवर्धनः ॥
इन्द्रायुधसवर्णं तत् स विस्फार्य महद् धनुः ॥
व्यसृजद् वज्रसंकाशाञ् शरान् आशीविषोपमान् ॥
सहस्रशो महाराज दर्शयन् पाणिलाघवम् ॥
शरांस् तान् मृत्युसंस्पर्शान् सात्यकेस् तु पदानुगाः ॥
न विषेहुस् तदा राजन् दुद्रुवुस् ते समन्ततः ॥
विहाय समरे राजन् सात्यकिं युद्धदुर्मदम् ॥
saṃjaya uvāca
atha rājan mahābāhuḥ sātyakir yuddhadurmadaḥ ||
vikṛṣya cāpaṃ samare bhārasādhanam uttamam ||
prāmuñcat puṅkhasaṃyuktāñ śarān āśīviṣopamān ||
prakāśaṃ laghu citraṃ ca darśayann astralāghavam ||
tasya vikṣipataś cāpaṃ śarān anyāṃś ca muñcataḥ ||
ādadānasya bhūyaś ca saṃdadhānasya cāparān ||
kṣipataś ca śarān asya raṇe śatrūn vinighnataḥ ||
dadṛśe rūpam atyarthaṃ meghasyeva pravarṣataḥ ||
tam udīryantam ālokya rājā duryodhanas tataḥ ||
rathānām ayutaṃ tasya preṣayām āsa bhārata ||
tāṃs tu sarvān maheṣvāsān sātyakiḥ satyavikramaḥ ||
jaghāna parameṣvāso divyenāstreṇa vīryavān ||
sa kṛtvā dāruṇaṃ karma pragṛhītaśarāsanaḥ ||
āsasāda tato vīro bhūriśravasam āhave ||
sa hi saṃdṛśya senāṃ tāṃ yuyudhānena pātitām ||
abhyadhāvata saṃkruddhaḥ kurūṇāṃ kīrtivardhanaḥ ||
indrāyudhasavarṇaṃ tat sa visphārya mahad dhanuḥ ||
vyasṛjad vajrasaṃkāśāñ śarān āśīviṣopamān ||
sahasraśo mahārāja darśayan pāṇilāghavam ||
śarāṃs tān mṛtyusaṃsparśān sātyakes tu padānugāḥ ||
na viṣehus tadā rājan dudruvus te samantataḥ ||
vihāya samare rājan sātyakiṃ yuddhadurmadam ||
Санджая сказал: «Затем, о царь, сильнорукий Сатьяки, неукротимый в бою, натянул в сражении свой превосходный мощный лук и выпустил снабжённые оперением стрелы, подобные ядовитым змеям, блестяще, быстро и искусно показывая лёгкость владения оружием. Когда он размахивал луком, выпускал одни стрелы, снова брал и накладывал другие, метал их и поражал врагов в бою, его облик был чрезвычайным, словно у тучи, проливающей дождь. Увидев этот разрастающийся натиск, царь Дурьодхана послал против него десять тысяч колесниц, о Бхарата. Но доблестный Сатьяки, превосходный лучник с истинной отвагой, сразил всех этих великих стрелков божественной астрой. Совершив этот страшный подвиг и держа лук, герой затем приблизился в бою к Бхуришравасу. А тот, увидев войско, поверженное Ююдханой, разгневался и устремился на него, умножая славу Куру. Натянув свой великий лук цвета радуги Индры, он тысячами выпускал ваджроподобные стрелы, подобные ядовитым змеям, показывая лёгкость руки. Пешие спутники Сатьяки тогда не выдержали этих стрел с прикосновением смерти, о царь, и разбежались во все стороны, оставив в бою неукротимого Сатьяки».
40e6a5a4551b · опубликовано 17 июл. 2026 г., 21:35:52 UTC
Доступно наRUENЛистайте стихи клавишами
Сатьяки показан как ученик той же школы воинской ловкости, что и Арджуна: скорость, точность и поток стрел. Но против него выходит Бхуришравас, и битва сразу становится личной, потому что обычное войско не выдерживает их уровня.