ततः प्रभाते विमले स्वेनानीकेन वीर्यवान् ॥
अव्यूहत स्वयं व्यूहं भीष्मो व्यूहविशारदः ॥
मण्डलं मनुजश्रेष्ठ नानाशस्त्रसमाकुलम् ॥
संपूर्णं योधमुख्यैश् च तथा दन्तिपदातिभिः ॥
रथैर् अनेकसाहस्रैः समन्तात् परिवारितम् ॥
अश्ववृन्दैर् महद्भिश् च ऋष्टितोमरधारिभिः ॥
नागे नागे रथाः सप्त सप्त चाश्वा रथे रथे ॥
अन्व् अश्वं दश धानुष्का धानुष्के सप्त चर्मिणः ॥
एवंव्यूहं महाराज तव सैन्यं महारथैः ॥
स्थितं रणाय महते भीष्मेण युधि पालितम् ॥
दशाश्वानां सहस्राणि दन्तिनां च तथैव च ॥
रथानाम् अयुतं चापि पुत्राश् च तव दंशिताः ॥
चित्रसेनादयः शूरा अभ्यरक्षन् पितामहम् ॥
रक्ष्यमाणश् च तैः शूरैर् गोप्यमानाश् च तेन ते ॥
संनद्धाः समदृश्यन्त राजानश् च महाबलाः ॥
दुर्योधनस् तु समरे दंशितो रथम् आस्थितः ॥
व्यभ्राजत श्रिया जुष्टो यथा शक्रस् त्रिविष्टपे ॥
ततः शब्दो महान् आसीत् पुत्राणां तव भारत ॥
रथघोषश् च तुमुलो वादित्राणां च निस्वनः ॥
भीष्मेण धार्तराष्ट्राणां व्यूढः प्रत्यङ्मुखो युधि ॥
मण्डलः सुमहाव्यूहो दुर्भेद्यो ऽमित्रघातिनाम् ॥
सर्वतः शुशुभे राजन् रणे ऽरीणां दुरासदः ॥
tataḥ prabhāte vimale svenānīkena vīryavān ||
avyūhata svayaṃ vyūhaṃ bhīṣmo vyūhaviśāradaḥ ||
maṇḍalaṃ manujaśreṣṭha nānāśastrasamākulam ||
saṃpūrṇaṃ yodhamukhyaiś ca tathā dantipadātibhiḥ ||
rathair anekasāhasraiḥ samantāt parivāritam ||
aśvavṛndair mahadbhiś ca ṛṣṭitomaradhāribhiḥ ||
nāge nāge rathāḥ sapta sapta cāśvā rathe rathe ||
anv aśvaṃ daśa dhānuṣkā dhānuṣke sapta carmiṇaḥ ||
evaṃvyūhaṃ mahārāja tava sainyaṃ mahārathaiḥ ||
sthitaṃ raṇāya mahate bhīṣmeṇa yudhi pālitam ||
daśāśvānāṃ sahasrāṇi dantināṃ ca tathaiva ca ||
rathānām ayutaṃ cāpi putrāś ca tava daṃśitāḥ ||
citrasenādayaḥ śūrā abhyarakṣan pitāmaham ||
rakṣyamāṇaś ca taiḥ śūrair gopyamānāś ca tena te ||
saṃnaddhāḥ samadṛśyanta rājānaś ca mahābalāḥ ||
duryodhanas tu samare daṃśito ratham āsthitaḥ ||
vyabhrājata śriyā juṣṭo yathā śakras triviṣṭape ||
tataḥ śabdo mahān āsīt putrāṇāṃ tava bhārata ||
rathaghoṣaś ca tumulo vāditrāṇāṃ ca nisvanaḥ ||
bhīṣmeṇa dhārtarāṣṭrāṇāṃ vyūḍhaḥ pratyaṅmukho yudhi ||
maṇḍalaḥ sumahāvyūho durbhedyo 'mitraghātinām ||
sarvataḥ śuśubhe rājan raṇe 'rīṇāṃ durāsadaḥ ||
На ясном рассвете могучий Бхишма, знаток боевых построений, сам выстроил своё войско в мандалу, о лучший из людей: она была наполнена разным оружием, полна главных воинов, слонов и пехотинцев, окружена со всех сторон многими тысячами колесниц и большими конными отрядами с носителями ршти и томаров. При каждом слоне стояло семь колесниц, при каждой колеснице — семь коней, за каждым конём — десять лучников, а при каждом лучнике — семь щитоносцев. Так было выстроено твоё войско, великий царь, готовое к великой битве и охраняемое Бхишмой в бою. Десять тысяч коней, столько же слонов, десять тысяч колесниц и твои вооружённые сыновья, герои во главе с Читрасеной, защищали праотца. Охраняемый этими героями и сам охраняя их, Бхишма стоял среди могучих, вооружённых царей. Дурьодхана же, облачённый в броню и взошедший на колесницу, сиял в битве великолепием, как Шакра в небесах. Затем среди твоих сыновей, о Бхарата, поднялся великий шум: бурный грохот колесниц и звук боевых инструментов. Мандала, огромный строй Дхартрараштров, выстроенный Бхишмой лицом на запад, труднопробиваемый для врагоубийц и недоступный врагам, блистал со всех сторон в битве, царь».
071c90c24111 · опубликовано 17 июл. 2026 г., 21:38:21 UTC
Доступно наRUENЛистайте стихи клавишами
Внешне всё выглядит безупречно: расчёт, порядок, численность, сияние царей и защита Бхишмы. Но после слов о непобедимости Пандавов с Кришной эта красота строя уже звучит как блеск перед столкновением с высшей волей.