मण्डलं तु समालोक्य व्यूहं परमदारुणम् ॥
स्वयं युधिष्ठिरो राजा व्यूहं वज्रम् अथाकरोत् ॥
तथा व्यूढेष्व् अनीकेषु यथास्थानम् अवस्थिताः ॥
रथिनः सादिनश् चैव सिंहनादम् अथानदन् ॥
बिभित्सवस् ततो व्यूहं निर्ययुर् युद्धकाङ्क्षिणः ॥
इतरेतरतः शूराः सहसैन्याः प्रहारिणः ॥
भारद्वाजो ययौ मत्स्यं द्रौणिश् चापि शिखण्डिनम् ॥
स्वयं दुर्योधनो राजा पार्षतं समुपाद्रवत् ॥
नकुलः सहदेवश् च राजन् मद्रेशम् ईयतुः ॥
विन्दानुविन्दाव् आवन्त्याव् इरावन्तम् अभिद्रुतौ ॥
सर्वे नृपास् तु समरे धनंजयम् अयोधयन् ॥
भीमसेनो रणे यत्तो हार्दिक्यं समवारयत् ॥
चित्रसेनं विकर्णं च तथा दुर्मर्षणं विभो ॥
आर्जुनिः समरे राजंस् तव पुत्रान् अयोधयत् ॥
प्राग्ज्योतिषं महेष्वासं हैडिम्बो राक्षसोत्तमः ॥
अभिदुद्राव वेगेन मत्तो मत्तम् इव द्विपम् ॥
अलम्बुसस् ततो राजन् सात्यकिं युद्धदुर्मदम् ॥
ससैन्यं समरे क्रुद्धो राक्षसः समभिद्रवत् ॥
भूरिश्रवा रणे यत्तो धृष्टकेतुम् अयोधयत् ॥
श्रुतायुषं तु राजानं धर्मपुत्रो युधिष्ठिरः ॥
चेकितानस् तु समरे कृपम् एवान्वयोधयत् ॥
शेषाः प्रतिययुर् यत्ता भीमम् एव महारथम् ॥
ततो राजसहस्राणि परिवव्रुर् धनंजयम् ॥
शक्तितोमरनाराचगदापरिघपाणयः ॥
maṇḍalaṃ tu samālokya vyūhaṃ paramadāruṇam ||
svayaṃ yudhiṣṭhiro rājā vyūhaṃ vajram athākarot ||
tathā vyūḍheṣv anīkeṣu yathāsthānam avasthitāḥ ||
rathinaḥ sādinaś caiva siṃhanādam athānadan ||
bibhitsavas tato vyūhaṃ niryayur yuddhakāṅkṣiṇaḥ ||
itaretarataḥ śūrāḥ sahasainyāḥ prahāriṇaḥ ||
bhāradvājo yayau matsyaṃ drauṇiś cāpi śikhaṇḍinam ||
svayaṃ duryodhano rājā pārṣataṃ samupādravat ||
nakulaḥ sahadevaś ca rājan madreśam īyatuḥ ||
vindānuvindāv āvantyāv irāvantam abhidrutau ||
sarve nṛpās tu samare dhanaṃjayam ayodhayan ||
bhīmaseno raṇe yatto hārdikyaṃ samavārayat ||
citrasenaṃ vikarṇaṃ ca tathā durmarṣaṇaṃ vibho ||
ārjuniḥ samare rājaṃs tava putrān ayodhayat ||
prāgjyotiṣaṃ maheṣvāsaṃ haiḍimbo rākṣasottamaḥ ||
abhidudrāva vegena matto mattam iva dvipam ||
alambusas tato rājan sātyakiṃ yuddhadurmadam ||
sasainyaṃ samare kruddho rākṣasaḥ samabhidravat ||
bhūriśravā raṇe yatto dhṛṣṭaketum ayodhayat ||
śrutāyuṣaṃ tu rājānaṃ dharmaputro yudhiṣṭhiraḥ ||
cekitānas tu samare kṛpam evānvayodhayat ||
śeṣāḥ pratiyayur yattā bhīmam eva mahāratham ||
tato rājasahasrāṇi parivavrur dhanaṃjayam ||
śaktitomaranārācagadāparighapāṇayaḥ ||
Увидев мандалу, этот чрезвычайно страшный строй, царь Юдхиштхира сам построил войско в форме ваджры. Когда армии были так выстроены и каждый стоял на своём месте, колесничие и всадники издали львиный рёв. Затем герои, жаждущие битвы, вместе со своими войсками двинулись друг на друга, стремясь прорвать строй и нанести удары. Бхарадваджа пошёл на царя Матсьев, Драуни — на Шикхандина, сам царь Дурьодхана напал на Паршату. Накула и Сахадева, царь, двинулись на владыку Мадров; авантийцы Винда и Анувинда бросились на Ираванта. Все цари в битве сражались с Дхананджаей; Бхимасена, сосредоточенный в бою, сдерживал Хардику. Сын Арджуны, царь, бился с твоими сыновьями — Читрасеной, Викарной и Дурмаршаной, о владыка. Хаидимба, лучший из ракшасов, стремительно бросился на великого лучника, царя Прагджйотиши, как разъярённый слон на разъярённого слона. Затем разгневанный ракшас Аламбуса со своим войском напал в битве на неукротимого Сатьяки. Бхуришрава усердно бился с Дхриштакету, а Юдхиштхира, сын Дхармы, — с царём Шрутаюшей. Чекитана сражался именно с Крипой, а остальные сосредоточенно устремились к махаратхе Бхиме. Тогда тысячи царей, держа в руках шакти, томары, нарачи, палицы и паригхи, окружили Дхананджаю».
10ca75e31ca9 · опубликовано 17 июл. 2026 г., 21:38:21 UTC
Доступно наRUENЛистайте стихи клавишами
Глава переходит от величественного построения к сети личных столкновений. Каждый воин получает своего противника, и за этим порядком видна не случайная толпа, а кармическая точность: каждый идёт туда, где должен встретить свой долг и свой страх.