शिखण्ड्य् अपि महाराज द्रौणिम् आसाद्य संयुगे ॥
आजघान भ्रुवोर् मध्ये नाराचैस् त्रिभिर् आशुगैः ॥
स बभौ नरशार्दूलो ललाटे संस्थितैस् त्रिभिः ॥
शिखरैः काञ्चनमयैर् मेरुस् त्रिभिर् इवोच्छ्रितैः ॥
अश्वत्थामा ततः क्रुद्धो निमेषार्धाच् छिखण्डिनः ॥
सूतं ध्वजम् अथो राजंस् तुरगान् आयुधं तथा ॥
शरैर् बहुभिर् उद्दिश्य पातयाम् आस संयुगे ॥
स हताश्वाद् अवप्लुत्य रथाद् वै रथिनां वरः ॥
खड्गम् आदाय निशितं विमलं च शरावरम् ॥
श्येनवद् व्यचरत् क्रुद्धः शिखण्डी शत्रुतापनः ॥
सखड्गस्य महाराज चरतस् तस्य संयुगे ॥
नान्तरं ददृशे द्रौणिस् तद् अद्भुतम् इवाभवत् ॥
ततः शरसहस्राणि बहूनि भरतर्षभ ॥
प्रेषयाम् आस समरे द्रौणिः परमकोपनः ॥
ताम् आपतन्तीं समरे शरवृष्टिं सुदारुणाम् ॥
असिना तीक्ष्णधारेण चिच्छेद बलिनां वरः ॥
ततो ऽस्य विमलं द्रौणिः शतचन्द्रं मनोरमम् ॥
चर्माच्छिनद् असिं चास्य खण्डयाम् आस संयुगे ॥
शितैः सुबहुशो राजंस् तं च विव्याध पत्रिभिः ॥
शिखण्डी तु ततः खड्गं खण्डितं तेन सायकैः ॥
आविध्य व्यसृजत् तूर्णं ज्वलन्तम् इव पन्नगम् ॥
तम् आपतन्तं सहसा कालानलसमप्रभम् ॥
चिच्छेद समरे द्रौणिर् दर्शयन् पाणिलाघवम् ॥
शिखण्डिनं च विव्याध शरैर् बहुभिर् आयसैः ॥
शिखण्डी तु भृशं राजंस् ताड्यमानः शितैः शरैः ॥
आरुरोह रथं तूर्णं माधवस्य महात्मनः ॥
śikhaṇḍy api mahārāja drauṇim āsādya saṃyuge ||
ājaghāna bhruvor madhye nārācais tribhir āśugaiḥ ||
sa babhau naraśārdūlo lalāṭe saṃsthitais tribhiḥ ||
śikharaiḥ kāñcanamayair merus tribhir ivocchritaiḥ ||
aśvatthāmā tataḥ kruddho nimeṣārdhāc chikhaṇḍinaḥ ||
sūtaṃ dhvajam atho rājaṃs turagān āyudhaṃ tathā ||
śarair bahubhir uddiśya pātayām āsa saṃyuge ||
sa hatāśvād avaplutya rathād vai rathināṃ varaḥ ||
khaḍgam ādāya niśitaṃ vimalaṃ ca śarāvaram ||
śyenavad vyacarat kruddhaḥ śikhaṇḍī śatrutāpanaḥ ||
sakhaḍgasya mahārāja caratas tasya saṃyuge ||
nāntaraṃ dadṛśe drauṇis tad adbhutam ivābhavat ||
tataḥ śarasahasrāṇi bahūni bharatarṣabha ||
preṣayām āsa samare drauṇiḥ paramakopanaḥ ||
tām āpatantīṃ samare śaravṛṣṭiṃ sudāruṇām ||
asinā tīkṣṇadhāreṇa ciccheda balināṃ varaḥ ||
tato 'sya vimalaṃ drauṇiḥ śatacandraṃ manoramam ||
carmācchinad asiṃ cāsya khaṇḍayām āsa saṃyuge ||
śitaiḥ subahuśo rājaṃs taṃ ca vivyādha patribhiḥ ||
śikhaṇḍī tu tataḥ khaḍgaṃ khaṇḍitaṃ tena sāyakaiḥ ||
āvidhya vyasṛjat tūrṇaṃ jvalantam iva pannagam ||
tam āpatantaṃ sahasā kālānalasamaprabham ||
ciccheda samare drauṇir darśayan pāṇilāghavam ||
śikhaṇḍinaṃ ca vivyādha śarair bahubhir āyasaiḥ ||
śikhaṇḍī tu bhṛśaṃ rājaṃs tāḍyamānaḥ śitaiḥ śaraiḥ ||
āruroha rathaṃ tūrṇaṃ mādhavasya mahātmanaḥ ||
Шикхандин тоже, великий царь, встретив в бою Драуни, поразил его между бровями тремя быстрыми нарачами. Этот тигр среди людей сиял с тремя стрелами, застрявшими во лбу, как Меру с тремя поднятыми золотыми вершинами. Тогда разгневанный Ашваттхаман за половину мгновения многими стрелами сбил у Шикхандина возницу, стяг, коней и оружие. Шикхандин, лучший из колесничих, соскочил с колесницы без коней, взял острый меч и светлый щит и, разгневанный мучитель врагов, стал двигаться как ястреб. Пока он с мечом кружил в бою, Драуни не видел промежутка для удара, и это казалось чудом. Затем крайне разгневанный Драуни послал в битве многие тысячи стрел, о бык Бхаратов. Но лучший из могучих рассёк острым мечом этот страшный ливень стрел, налетавший на него в бою. Тогда Драуни срезал его прекрасный светлый щит со ста лунами, разбил его меч и многократно пронзил его острыми пернатыми стрелами, царь. Шикхандин же, взмахнув разбитым стрелами мечом, быстро метнул его, словно пылающую змею. Драуни, показывая ловкость руки, рассёк в битве этот меч, внезапно летевший на него и сиявший как огонь конца времени, а Шикхандина пронзил многими железными стрелами. Тяжело поражаемый острыми стрелами, Шикхандин быстро взошёл на колесницу великодушного Мадхавы».
2e84a9d413a1 · опубликовано 17 июл. 2026 г., 21:38:21 UTC
Доступно наRUENЛистайте стихи клавишами
Поединок Шикхандина и Ашваттхамана построен как состязание скорости и мастерства. Даже когда Шикхандин лишается колесницы, его решимость не рушится; но воинское искусство Драуни шаг за шагом отнимает у него опору, оружие и пространство.