संजय उवाच
तथा प्रवृत्ते संग्रामे निवृत्ते च सुशर्मणि ॥
प्रभग्नेषु च वीरेषु पाण्डवेन महात्मना ॥
क्षुभ्यमाणे बले तूर्णं सागरप्रतिमे तव ॥
प्रत्युद्याते च गाङ्गेये त्वरितं विजयं प्रति ॥
दृष्ट्वा दुर्योधनो राजन् रणे पार्थस्य विक्रमम् ॥
त्वरमाणः समभ्येत्य सर्वांस् तान् अब्रवीन् नृपान् ॥
तेषां च प्रमुखे शूरं सुशर्माणं महाबलम् ॥
मध्ये सर्वस्य सैन्यस्य भृशं संहर्षयन् वचः ॥
एष भीष्मः शांतनवो योद्धुकामो धनंजयम् ॥
सर्वात्मना कुरुश्रेष्ठस् त्यक्त्वा जीवितम् आत्मनः ॥
तं प्रयान्तं परानीकं सर्वसैन्येन भारतम् ॥
संयत्ताः समरे सर्वे पालयध्वं पितामहम् ॥
बाढम् इत्य् एवम् उक्त्वा तु तान्य् अनीकानि सर्वशः ॥
नरेन्द्राणां महाराज समाजग्मुः पितामहम् ॥
ततः प्रयातः सहसा भीष्मः शांतनवो ऽर्जुनम् ॥
रणे भारतम् आयान्तम् आससाद महाबलम् ॥
महाश्वेताश्वयुक्तेन भीमवानरकेतुना ॥
महता मेघनादेन रथेनाति विराजत ॥
समरे सर्वसैन्यानाम् उपयातं धनंजयम् ॥
अभवत् तुमुलो नादो भयाद् दृष्ट्वा किरीटिनम् ॥
अभीशुहस्तं कृष्णं च दृष्ट्वादित्यम् इवापरम् ॥
मध्यंदिनगतं संख्ये न शेकुः प्रतिवीक्षितुम् ॥
तथा शांतनवं भीष्मं श्वेताश्वं श्वेतकार्मुकम् ॥
न शेकुः पाण्डवा द्रष्टुं श्वेतग्रहम् इवोदितम् ॥
स सर्वतः परिवृतस् त्रिगर्तैः सुमहात्मभिः ॥
भ्रातृभिस् तव पुत्रैश् च तथान्यैश् च महारथैः ॥
भारद्वाजस् तु समरे मत्स्यं विव्याध पत्रिणा ॥
ध्वजं चास्य शरेणाजौ धनुश् चैकेन चिच्छिदे ॥
तद् अपास्य धनुश् छिन्नं विराटो वाहिनीपतिः ॥
अन्यद् आदत्त वेगेन धनुर् भारसहं दृढम् ॥
शरांश् चाशीविषाकाराञ् ज्वलितान् पन्नगान् इव ॥
द्रोणं त्रिभिः प्रविव्याध चतुर्भिश् चास्य वाजिनः ॥
ध्वजम् एकेन विव्याध सारथिं चास्य पञ्चभिः ॥
धनुर् एकेषुणाविध्यत् तत्राक्रुध्यद् द्विजर्षभः ॥
तस्य द्रोणो ऽवधीद् अश्वाञ् शरैः संनतपर्वभिः ॥
अष्टाभिर् भरतश्रेष्ठ सूतम् एकेन पत्रिणा ॥
स हताश्वाद् अवप्लुत्य स्यन्दनाद् धतसारथिः ॥
आरुरोह रथं तूर्णं शङ्खस्य रथिनां वरः ॥
ततस् तु तौ पितापुत्रौ भारद्वाजं रथे स्थितौ ॥
महता शरवर्षेण वारयाम् आसतुर् बलात् ॥
भारद्वाजस् ततः क्रुद्धः शरम् आशीविषोपमम् ॥
चिक्षेप समरे तूर्णं शङ्खं प्रति जनेश्वर ॥
स तस्य हृदयं भित्त्वा पीत्वा शोणितम् आहवे ॥
जगाम धरणिं बाणो लोहितार्द्रीकृतच्छविः ॥
स पपात रथात् तूर्णं भारद्वाजशराहतः ॥
धनुस् त्यक्त्वा शरांश् चैव पितुर् एव समीपतः ॥
हतं स्वम् आत्मजं दृष्ट्वा विराटः प्राद्रवद् भयात् ॥
उत्सृज्य समरे द्रोणं व्यात्ताननम् इवान्तकम् ॥
भारद्वाजस् ततस् तूर्णं पाण्डवानां महाचमूम् ॥
दारयाम् आस समरे शतशो ऽथ सहस्रशः ॥
saṃjaya uvāca
tathā pravṛtte saṃgrāme nivṛtte ca suśarmaṇi ||
prabhagneṣu ca vīreṣu pāṇḍavena mahātmanā ||
kṣubhyamāṇe bale tūrṇaṃ sāgarapratime tava ||
pratyudyāte ca gāṅgeye tvaritaṃ vijayaṃ prati ||
dṛṣṭvā duryodhano rājan raṇe pārthasya vikramam ||
tvaramāṇaḥ samabhyetya sarvāṃs tān abravīn nṛpān ||
teṣāṃ ca pramukhe śūraṃ suśarmāṇaṃ mahābalam ||
madhye sarvasya sainyasya bhṛśaṃ saṃharṣayan vacaḥ ||
eṣa bhīṣmaḥ śāṃtanavo yoddhukāmo dhanaṃjayam ||
sarvātmanā kuruśreṣṭhas tyaktvā jīvitam ātmanaḥ ||
taṃ prayāntaṃ parānīkaṃ sarvasainyena bhāratam ||
saṃyattāḥ samare sarve pālayadhvaṃ pitāmaham ||
bāḍham ity evam uktvā tu tāny anīkāni sarvaśaḥ ||
narendrāṇāṃ mahārāja samājagmuḥ pitāmaham ||
tataḥ prayātaḥ sahasā bhīṣmaḥ śāṃtanavo 'rjunam ||
raṇe bhāratam āyāntam āsasāda mahābalam ||
mahāśvetāśvayuktena bhīmavānaraketunā ||
mahatā meghanādena rathenāti virājata ||
samare sarvasainyānām upayātaṃ dhanaṃjayam ||
abhavat tumulo nādo bhayād dṛṣṭvā kirīṭinam ||
abhīśuhastaṃ kṛṣṇaṃ ca dṛṣṭvādityam ivāparam ||
madhyaṃdinagataṃ saṃkhye na śekuḥ prativīkṣitum ||
tathā śāṃtanavaṃ bhīṣmaṃ śvetāśvaṃ śvetakārmukam ||
na śekuḥ pāṇḍavā draṣṭuṃ śvetagraham ivoditam ||
sa sarvataḥ parivṛtas trigartaiḥ sumahātmabhiḥ ||
bhrātṛbhis tava putraiś ca tathānyaiś ca mahārathaiḥ ||
bhāradvājas tu samare matsyaṃ vivyādha patriṇā ||
dhvajaṃ cāsya śareṇājau dhanuś caikena cicchide ||
tad apāsya dhanuś chinnaṃ virāṭo vāhinīpatiḥ ||
anyad ādatta vegena dhanur bhārasahaṃ dṛḍham ||
śarāṃś cāśīviṣākārāñ jvalitān pannagān iva ||
droṇaṃ tribhiḥ pravivyādha caturbhiś cāsya vājinaḥ ||
dhvajam ekena vivyādha sārathiṃ cāsya pañcabhiḥ ||
dhanur ekeṣuṇāvidhyat tatrākrudhyad dvijarṣabhaḥ ||
tasya droṇo 'vadhīd aśvāñ śaraiḥ saṃnataparvabhiḥ ||
aṣṭābhir bharataśreṣṭha sūtam ekena patriṇā ||
sa hatāśvād avaplutya syandanād dhatasārathiḥ ||
āruroha rathaṃ tūrṇaṃ śaṅkhasya rathināṃ varaḥ ||
tatas tu tau pitāputrau bhāradvājaṃ rathe sthitau ||
mahatā śaravarṣeṇa vārayām āsatur balāt ||
bhāradvājas tataḥ kruddhaḥ śaram āśīviṣopamam ||
cikṣepa samare tūrṇaṃ śaṅkhaṃ prati janeśvara ||
sa tasya hṛdayaṃ bhittvā pītvā śoṇitam āhave ||
jagāma dharaṇiṃ bāṇo lohitārdrīkṛtacchaviḥ ||
sa papāta rathāt tūrṇaṃ bhāradvājaśarāhataḥ ||
dhanus tyaktvā śarāṃś caiva pitur eva samīpataḥ ||
hataṃ svam ātmajaṃ dṛṣṭvā virāṭaḥ prādravad bhayāt ||
utsṛjya samare droṇaṃ vyāttānanam ivāntakam ||
bhāradvājas tatas tūrṇaṃ pāṇḍavānāṃ mahācamūm ||
dārayām āsa samare śataśo 'tha sahasraśaḥ ||
Санджая сказал: «Когда битва развернулась так, когда Сушарман отступил, а герои были разбиты великодушным Пандавой, твоё войско, подобное океану, быстро заколебалось. Гангея же поспешно выступил навстречу Виджае. Увидев в битве доблесть Партхи, Дурьодхана, царь, поспешно подошёл ко всем тем царям и посреди всего войска обратился к ним, особенно к могучему герою Сушарману, сильно воодушевляя их речью: “Вот Бхишма, сын Шантану, лучший из Куру, желает сразиться с Дхананджаей всем собой, отказавшись от собственной жизни. Когда этот Бхарата двинется к вражескому войску, все вы, собранные в битве, всем войском охраняйте праотца”. Ответив: “Да”, все отряды царей, великий царь, сошлись к праотцу. Тогда Бхишма, сын Шантану, быстро двинулся и в битве встретил могучего Арджуну, потомка Бхараты, который приближался к нему. Арджуна блистал на огромной колеснице, запряжённой великими белыми конями, с грозным обезьяньим стягом и грохотом, подобным грому тучи. Когда все войска увидели приближающегося Дхананджаю, Киритина, в битве поднялся бурный гул страха. Увидев Кришну с вожжами в руках, подобного второму солнцу в зените, они не могли смотреть на него. Так же и Пандавы не могли смотреть на Бхишму, сына Шантану, белоконного и с белым луком, словно на восходящее белое светило. Он был окружён со всех сторон великодушными Тригартами, братьями, твоими сыновьями и другими махаратхами. Между тем Бхарадваджа в битве пронзил царя Матсьев пернатой стрелой; другой стрелой он срезал его стяг, а ещё одной — лук. Отбросив отсечённый лук, Вирата, предводитель войска, быстро взял другой крепкий лук, выдерживающий большую силу, и стрелы, похожие на пылающих ядовитых змей. Тремя стрелами он пронзил Дрону, четырьмя — его коней, одной — стяг, пятью — возницу, а одной стрелой ударил в лук. Тогда лучший из дваждырождённых разгневался. Дрона восемью хорошо сложенными стрелами убил его коней, а одной пернатой стрелой — возницу, о лучший из Бхаратов. Вирата, лучший из колесничих, соскочил с колесницы без коней и с убитым возницей и быстро взошёл на колесницу Шанкхи. Затем отец и сын, стоя на одной колеснице, силой сдерживали Бхарадваджу великим ливнем стрел. Тогда разгневанный Бхарадваджа быстро метнул в битве в Шанкху стрелу, подобную ядовитой змее, о владыка людей. Она пробила его сердце, в бою напилась крови и ушла в землю, влажная от крови. Поражённый стрелой Бхарадваджи, Шанкха быстро упал с колесницы прямо возле отца, оставив лук и стрелы. Увидев своего сына убитым, Вирата в страхе бежал, оставив в битве Дрону, подобного Антаке с раскрытой пастью. После этого Бхарадваджа стал быстро разрывать в битве великое войско Пандавов сотнями и тысячами».
e1ed714a0754 · опубликовано 17 июл. 2026 г., 21:38:21 UTC
Доступно наRUENЛистайте стихи клавишами
Начало главы ставит рядом два сияния: Арджуну с Кришной и Бхишму в белом блеске. Но за этим величием сразу следует личная трагедия Вираты: военная слава в эпосе почти всегда стоит рядом с потерей сына и страхом перед смертью.