एतस्मिन्न् एव काले तु द्रुपदस्यात्मजो बली ॥
धृष्टद्युम्नो महाराज तव पुत्रं जनेश्वरम् ॥
छादयाम् आस समरे शरैः संनतपर्वभिः ॥
संछाद्यमानो विशिखैर् धृष्टद्युम्नेन भारत ॥
विव्यथे न च राजेन्द्र तव पुत्रो जनेश्वरः ॥
धृष्टद्युम्नं च समरे तूर्णं विव्याध सायकैः ॥
षष्ट्या च त्रिंशता चैव तद् अद्भुतम् इवाभवत् ॥
तस्य सेनापतिः क्रुद्धो धनुश् चिच्छेद मारिष ॥
हयांश् च चतुरः शीघ्रं निजघान महारथः ॥
शरैश् चैनं सुनिशितैः क्षिप्रं विव्याध सप्तभिः ॥
स हताश्वान् महाबाहुर् अवप्लुत्य रथाद् बली ॥
पदातिर् असिम् उद्यम्य प्राद्रवत् पार्षतं प्रति ॥
शकुनिस् तं समभ्येत्य राजगृद्धी महाबलः ॥
राजानं सर्वलोकस्य रथम् आरोपयत् स्वकम् ॥
ततो नृपं पराजित्य पार्षतः परवीरहा ॥
न्यहनत् तावकं सैन्यं वज्रपाणिर् इवासुरम् ॥
कृतवर्मा रणे भीमं शरैर् आर्छन् महारथम् ॥
प्रच्छादयाम् आस च तं महामेघो रविं यथा ॥
ततः प्रहस्य समरे भीमसेनः परंतपः ॥
प्रेषयाम् आस संक्रुद्धः सायकान् कृतवर्मणे ॥
तैर् अर्द्यमानो ऽतिरथः सात्वतः शस्त्रकोविदः ॥
नाकम्पत महाराज भीमं चार्छच् छितैः शरैः ॥
तस्याश्वांश् चतुरो हत्वा भीमसेनो महाबलः ॥
सारथिं पातयाम् आस ध्वजं च सुपरिष्कृतम् ॥
शरैर् बहुविधैश् चैनम् आचिनोत् परवीरहा ॥
शकलीकृतसर्वाङ्गः श्वाविद्वत् समदृश्यत ॥
हताश्वात् तु रथात् तूर्णं वृषकस्य रथं ययौ ॥
स्यालस्य ते महाराज तव पुत्रस्य पश्यतः ॥
भीमसेनो ऽपि संक्रुद्धस् तव सैन्यम् उपाद्रवत् ॥
निजघान च संक्रुद्धो दण्डपाणिर् इवान्तकः ॥
etasminn eva kāle tu drupadasyātmajo balī ||
dhṛṣṭadyumno mahārāja tava putraṃ janeśvaram ||
chādayām āsa samare śaraiḥ saṃnataparvabhiḥ ||
saṃchādyamāno viśikhair dhṛṣṭadyumnena bhārata ||
vivyathe na ca rājendra tava putro janeśvaraḥ ||
dhṛṣṭadyumnaṃ ca samare tūrṇaṃ vivyādha sāyakaiḥ ||
ṣaṣṭyā ca triṃśatā caiva tad adbhutam ivābhavat ||
tasya senāpatiḥ kruddho dhanuś ciccheda māriṣa ||
hayāṃś ca caturaḥ śīghraṃ nijaghāna mahārathaḥ ||
śaraiś cainaṃ suniśitaiḥ kṣipraṃ vivyādha saptabhiḥ ||
sa hatāśvān mahābāhur avaplutya rathād balī ||
padātir asim udyamya prādravat pārṣataṃ prati ||
śakunis taṃ samabhyetya rājagṛddhī mahābalaḥ ||
rājānaṃ sarvalokasya ratham āropayat svakam ||
tato nṛpaṃ parājitya pārṣataḥ paravīrahā ||
nyahanat tāvakaṃ sainyaṃ vajrapāṇir ivāsuram ||
kṛtavarmā raṇe bhīmaṃ śarair ārchan mahāratham ||
pracchādayām āsa ca taṃ mahāmegho raviṃ yathā ||
tataḥ prahasya samare bhīmasenaḥ paraṃtapaḥ ||
preṣayām āsa saṃkruddhaḥ sāyakān kṛtavarmaṇe ||
tair ardyamāno 'tirathaḥ sātvataḥ śastrakovidaḥ ||
nākampata mahārāja bhīmaṃ cārchac chitaiḥ śaraiḥ ||
tasyāśvāṃś caturo hatvā bhīmaseno mahābalaḥ ||
sārathiṃ pātayām āsa dhvajaṃ ca supariṣkṛtam ||
śarair bahuvidhaiś cainam ācinot paravīrahā ||
śakalīkṛtasarvāṅgaḥ śvāvidvat samadṛśyata ||
hatāśvāt tu rathāt tūrṇaṃ vṛṣakasya rathaṃ yayau ||
syālasya te mahārāja tava putrasya paśyataḥ ||
bhīmaseno 'pi saṃkruddhas tava sainyam upādravat ||
nijaghāna ca saṃkruddho daṇḍapāṇir ivāntakaḥ ||
В это самое время могучий Дхриштадьюмна, сын Друпады, великий царь, покрыл твоего сына, владыку людей, хорошо сложенными стрелами. Но твой сын-царь, осыпаемый стрелами Дхриштадьюмны, не дрогнул, о Бхарата; он быстро пронзил Дхриштадьюмну в битве девяноста стрелами, и это казалось чудом. Тогда разгневанный военачальник, махаратха, срезал его лук, быстро убил четырёх коней и семью хорошо отточенными стрелами тотчас пронзил его самого. Могучерукий и сильный Дурьодхана соскочил с колесницы без коней, поднял меч и пешим побежал на Паршату. Могучий Шакуни, радеющий о царском деле, подошёл к нему и посадил царя всего мира на свою колесницу. После этого Паршата, убийца вражеских героев, победив царя, стал поражать твоё войско, словно Ваджрапани — асуров. Критаварман в бою осыпал стрелами махаратху Бхиму и покрыл его, как большая туча покрывает солнце. Тогда Бхимасена, сокрушитель врагов, в битве засмеялся и, разгневанный, послал стрелы в Критавармана. Поражаемый ими Сатвата, атиратха и знаток оружия, не дрогнул, великий царь, и сам осыпал Бхиму острыми стрелами. Могучий Бхимасена убил четырёх его коней, сбросил возницу и прекрасно украшенный стяг. Затем сокрушитель вражеских героев покрыл его множеством разных стрел, так что он с телом, словно раздробленным на части, выглядел как дикобраз. С колесницы без коней Критаварман быстро перешёл на колесницу Вришаки, твоего шурина, великий царь, на глазах твоего сына. А разгневанный Бхимасена бросился на твоё войско и стал уничтожать его, словно Антака с жезлом в руке».
c4ae887d6db5 · опубликовано 17 июл. 2026 г., 21:38:21 UTC
Доступно наRUENЛистайте стихи клавишами
Конец главы снова показывает две линии: Дхриштадьюмна теснит Дурьодхану, а Бхима ломает опору Критавармана и затем обрушивается на войско. Сравнение Бхимы с Антакой подчёркивает, что на поле уже действует не просто личная ярость, а неотвратимость последствий.