हैडिम्बो राक्षसेन्द्रस् तु भगदत्तं समाद्रवत् ॥
रथेनादित्यवर्णेन सध्वजेन महाबलः ॥
ततः प्राग्ज्योतिषो राजा नागराजं समास्थितः ॥
यथा वज्रधरः पूर्वं संग्रामे तारकामये ॥
तत्र देवाः सगन्धर्वा ऋषयश् च समागताः ॥
विशेषं न स्म विविदुर् हैडिम्बभगदत्तयोः ॥
यथा सुरपतिः शक्रस् त्रासयाम् आस दानवान् ॥
तथैव समरे राजंस् त्रासयाम् आस पाण्डवान् ॥
तेन विद्राव्यमाणास् ते पाण्डवाः सर्वतोदिशम् ॥
त्रातारं नाभ्यविन्दन्त स्वेष्व् अनीकेषु भारत ॥
भैमसेनिं रथस्थं तु तत्रापश्याम भारत ॥
शेषा विमनसो भूत्वा प्राद्रवन्त महारथाः ॥
निवृत्तेषु तु पाण्डूनां पुनः सैन्येषु भारत ॥
आसीन् निष्टानको घोरस् तव सैन्येषु संयुगे ॥
घटोत्कचस् ततो राजन् भगदत्तं महारणे ॥
शरैः प्रच्छादयाम् आस मेरुं गिरिम् इवाम्बुदः ॥
निहत्य ताञ् शरान् राजा राक्षसस्य धनुश्च्युतान् ॥
भैमसेनिं रणे तूर्णं सर्वमर्मस्व् अताडयत् ॥
स ताड्यमानो बहुभिः शरैः संनतपर्वभिः ॥
न विव्यथे राक्षसेन्द्रो भिद्यमान इवाचलः ॥
तस्य प्राग्ज्योतिषः क्रुद्धस् तोमरान् स चतुर्दश ॥
प्रेषयाम् आस समरे तांश् च चिच्छेद राक्षसः ॥
स तांश् छित्त्वा महाबाहुस् तोमरान् निशितैः शरैः ॥
भगदत्तं च विव्याध सप्तत्या कङ्कपत्रिभिः ॥
ततः प्राग्ज्योतिषो राजन् प्रहसन्न् इव भारत ॥
तस्याश्वांश् चतुरः संख्ये पातयाम् आस सायकैः ॥
स हताश्वे रथे तिष्ठन् राक्षसेन्द्रः प्रतापवान् ॥
शक्तिं चिक्षेप वेगेन प्राग्ज्योतिषगजं प्रति ॥
ताम् आपतन्तीं सहसा हेमदण्डां सुवेगिताम् ॥
त्रिधा चिच्छेद नृपतिः सा व्यकीर्यत मेदिनीम् ॥
शक्तिं विनिहतां दृष्ट्वा हैडिम्बः प्राद्रवद् भयात् ॥
यथेन्द्रस्य रणात् पूर्वं नमुचिर् दैत्यसत्तमः ॥
तं विजित्य रणे शूरं विक्रान्तं ख्यातपौरुषम् ॥
अजेयं समरे राजन् यमेन वरुणेन च ॥
पाण्डवीं समरे सेनां संममर्द सकुञ्जरः ॥
यथा वनगजो राजन् मृद्नंश् चरति पद्मिनीम् ॥
haiḍimbo rākṣasendras tu bhagadattaṃ samādravat ||
rathenādityavarṇena sadhvajena mahābalaḥ ||
tataḥ prāgjyotiṣo rājā nāgarājaṃ samāsthitaḥ ||
yathā vajradharaḥ pūrvaṃ saṃgrāme tārakāmaye ||
tatra devāḥ sagandharvā ṛṣayaś ca samāgatāḥ ||
viśeṣaṃ na sma vividur haiḍimbabhagadattayoḥ ||
yathā surapatiḥ śakras trāsayām āsa dānavān ||
tathaiva samare rājaṃs trāsayām āsa pāṇḍavān ||
tena vidrāvyamāṇās te pāṇḍavāḥ sarvatodiśam ||
trātāraṃ nābhyavindanta sveṣv anīkeṣu bhārata ||
bhaimaseniṃ rathasthaṃ tu tatrāpaśyāma bhārata ||
śeṣā vimanaso bhūtvā prādravanta mahārathāḥ ||
nivṛtteṣu tu pāṇḍūnāṃ punaḥ sainyeṣu bhārata ||
āsīn niṣṭānako ghoras tava sainyeṣu saṃyuge ||
ghaṭotkacas tato rājan bhagadattaṃ mahāraṇe ||
śaraiḥ pracchādayām āsa meruṃ girim ivāmbudaḥ ||
nihatya tāñ śarān rājā rākṣasasya dhanuścyutān ||
bhaimaseniṃ raṇe tūrṇaṃ sarvamarmasv atāḍayat ||
sa tāḍyamāno bahubhiḥ śaraiḥ saṃnataparvabhiḥ ||
na vivyathe rākṣasendro bhidyamāna ivācalaḥ ||
tasya prāgjyotiṣaḥ kruddhas tomarān sa caturdaśa ||
preṣayām āsa samare tāṃś ca ciccheda rākṣasaḥ ||
sa tāṃś chittvā mahābāhus tomarān niśitaiḥ śaraiḥ ||
bhagadattaṃ ca vivyādha saptatyā kaṅkapatribhiḥ ||
tataḥ prāgjyotiṣo rājan prahasann iva bhārata ||
tasyāśvāṃś caturaḥ saṃkhye pātayām āsa sāyakaiḥ ||
sa hatāśve rathe tiṣṭhan rākṣasendraḥ pratāpavān ||
śaktiṃ cikṣepa vegena prāgjyotiṣagajaṃ prati ||
tām āpatantīṃ sahasā hemadaṇḍāṃ suvegitām ||
tridhā ciccheda nṛpatiḥ sā vyakīryata medinīm ||
śaktiṃ vinihatāṃ dṛṣṭvā haiḍimbaḥ prādravad bhayāt ||
yathendrasya raṇāt pūrvaṃ namucir daityasattamaḥ ||
taṃ vijitya raṇe śūraṃ vikrāntaṃ khyātapauruṣam ||
ajeyaṃ samare rājan yamena varuṇena ca ||
pāṇḍavīṃ samare senāṃ saṃmamarda sakuñjaraḥ ||
yathā vanagajo rājan mṛdnaṃś carati padminīm ||
Могучий Хаидимба, владыка ракшасов, на колеснице солнечного цвета со стягом бросился на Бхагадатту. Тогда царь Прагджйотиши, восседая на царственном слоне, был подобен некогда Ваджрадхаре в битве с Таракой. Там собравшиеся боги, гандхарвы и риши не могли заметить превосходства ни у Хаидимбы, ни у Бхагадатты. Как владыка богов Шакра устрашал данавов, так и Бхагадатта в битве, царь, устрашал Пандавов. Теснимые им, Пандавы во все стороны не находили защитника в своих отрядах, о Бхарата. Там мы видели только сына Бхимасены, стоящего на колеснице; остальные махаратхи, помрачнев, бежали. Когда же войска Панду снова повернули назад, в твоём войске, о Бхарата, поднялся страшный гул. Тогда Гхатоткача в великой битве покрыл Бхагадатту стрелами, как облако — гору Меру. Но царь уничтожил стрелы, сорвавшиеся с лука ракшаса, и быстро ударил сына Бхимасены по всем уязвимым местам. Поражаемый множеством хорошо сложенных стрел, владыка ракшасов не дрогнул, словно раскалываемая гора. Разгневанный, он послал в царя Прагджйотиши четырнадцать томаров, но ракшас сам же увидел, как они были рассечены. Тогда сильнорукий Гхатоткача, рассекши эти томары острыми стрелами, пронзил Бхагадатту семьюдесятью стрелами с перьями канки. Царь Прагджйотиши, словно смеясь, повалил в бою стрелами четырёх его коней. Доблестный владыка ракшасов, стоя на колеснице без коней, стремительно метнул шакти в слона Прагджйотиши. Царь рассёк на три части эту летящую шакти с золотым древком, и она рассыпалась по земле. Увидев своё копьё уничтоженным, Хаидимба в страхе побежал, как некогда Намучи, лучший из дайтьев, бежал из битвы с Индрой. Победив в бою этого героя, доблестного, славного мужеством и непобедимого даже для Ямы и Варуны, Бхагадатта на своём слоне стал давить Пандавское войско, как лесной слон, бродя, топчет лотосник».
bc418fb1d65e · опубликовано 17 июл. 2026 г., 21:38:21 UTC
Доступно наRUENЛистайте стихи клавишами
Бхагадатта здесь выступает как почти мифическая сила: слон, царская мощь и сравнение с Индрой соединяются в одном образе. Даже Гхатоткача, сам рожденный от ракшасской силы, вынужден отступить; так текст показывает, что на поле войны нет постоянного превосходства.