ततः सर्वाणि सैन्यानि धर्मपुत्रस्य शासनात् ॥
संरब्धान्य् अभ्यधावन्त भीष्मम् एव जिघांसया ॥
धृष्टद्युम्नः शिखण्डी च सात्यकिश् च महारथः ॥
युक्तानीका महाराज भीष्मम् एव समभ्ययुः ॥
अर्जुनो द्रौपदेयाश् च चेकितानश् च संयुगे ॥
दुर्योधनसमादिष्टान् राज्ञः सर्वान् समभ्ययुः ॥
अभिमन्युस् तथा वीरो हैडिम्बश् च महारथः ॥
भीमसेनश् च संक्रुद्धस् ते ऽभ्यधावन्त कौरवान् ॥
त्रिधाभूतैर् अवध्यन्त पाण्डवैः कौरवा युधि ॥
तथैव कौरवे राजन्न् अवध्यन्त परे रणे ॥
द्रोणस् तु रथिनां श्रेष्ठः सोमकान् सृञ्जयैः सह ॥
अभ्यद्रवत संक्रुद्धः प्रेषयिष्यन् यमक्षयम् ॥
तत्राक्रन्दो महान् आसीत् सृञ्जयानां महात्मनाम् ॥
वध्यतां समरे राजन् भारद्वाजेन धन्विना ॥
द्रोणेन निहतास् तत्र क्षत्रिया बहवो रणे ॥
विवेष्टन्तः स्म दृश्यन्ते व्याधिक्लिष्टा नरा इव ॥
कूजतां क्रन्दतां चैव स्तनतां चैव संयुगे ॥
अनिशं श्रूयते शब्दः क्षुत्कृशानां नृणाम् इव ॥
तथैव कौरवेयाणां भीमसेनो महाबलः ॥
चकार कदनं घोरं क्रुद्धः काल इवापरः ॥
वध्यतां तत्र सैन्यानाम् अन्योन्येन महारणे ॥
प्रावर्तत नदी घोरा रुधिरौघप्रवाहिनी ॥
स संग्रामो महाराज घोररूपो ऽभवन् महान् ॥
कुरूणां पाण्डवानां च यमराष्ट्रविवर्धनः ॥
tataḥ sarvāṇi sainyāni dharmaputrasya śāsanāt ||
saṃrabdhāny abhyadhāvanta bhīṣmam eva jighāṃsayā ||
dhṛṣṭadyumnaḥ śikhaṇḍī ca sātyakiś ca mahārathaḥ ||
yuktānīkā mahārāja bhīṣmam eva samabhyayuḥ ||
arjuno draupadeyāś ca cekitānaś ca saṃyuge ||
duryodhanasamādiṣṭān rājñaḥ sarvān samabhyayuḥ ||
abhimanyus tathā vīro haiḍimbaś ca mahārathaḥ ||
bhīmasenaś ca saṃkruddhas te 'bhyadhāvanta kauravān ||
tridhābhūtair avadhyanta pāṇḍavaiḥ kauravā yudhi ||
tathaiva kaurave rājann avadhyanta pare raṇe ||
droṇas tu rathināṃ śreṣṭhaḥ somakān sṛñjayaiḥ saha ||
abhyadravata saṃkruddhaḥ preṣayiṣyan yamakṣayam ||
tatrākrando mahān āsīt sṛñjayānāṃ mahātmanām ||
vadhyatāṃ samare rājan bhāradvājena dhanvinā ||
droṇena nihatās tatra kṣatriyā bahavo raṇe ||
viveṣṭantaḥ sma dṛśyante vyādhikliṣṭā narā iva ||
kūjatāṃ krandatāṃ caiva stanatāṃ caiva saṃyuge ||
aniśaṃ śrūyate śabdaḥ kṣutkṛśānāṃ nṛṇām iva ||
tathaiva kauraveyāṇāṃ bhīmaseno mahābalaḥ ||
cakāra kadanaṃ ghoraṃ kruddhaḥ kāla ivāparaḥ ||
vadhyatāṃ tatra sainyānām anyonyena mahāraṇe ||
prāvartata nadī ghorā rudhiraughapravāhinī ||
sa saṃgrāmo mahārāja ghorarūpo 'bhavan mahān ||
kurūṇāṃ pāṇḍavānāṃ ca yamarāṣṭravivardhanaḥ ||
Тогда по приказу сына Дхармы все войска, охваченные яростью, устремились на Бхишму с желанием убить именно его. Дхриштадьюмна, Шикхандин и махаратха Сатьяки с подготовленными войсками, великий царь, двинулись прямо на Бхишму. Арджуна, сыновья Драупади и Чекитана в сражении пошли на всех царей, которым Дурьодхана дал приказ. Доблестный Абхиманью, махаратха Хайдимба-Гхатоткача и разгневанный Бхимасена атаковали Кауравов. Разделённые на три части, Кауравы поражались Пандавами в бою; и так же со стороны Куру, царь, поражались их противники. Дрона, лучший из колесничих, разгневанный, устремился на Сомаков вместе со Сринджаями, желая отправить их в обитель Ямы. Там поднялся великий вопль великодушных Сринджаев, которых в битве поражал Дрона, сын Бхарадваджи, владеющий луком. Многие кшатрии, сражённые Дроной, были видны на поле, извиваясь, словно люди, измученные болезнью. Непрерывно слышались звуки стонов, плача и тяжкого рёва, будто голоса людей, иссушенных голодом. Так же и среди Кауравов могучий Бхимасена, разгневанный словно второй Кала, совершал страшное уничтожение. Когда войска в великой битве поражали друг друга, потекла страшная река, несущая поток крови. Это великое и ужасное сражение Куру и Пандавов, великий царь, расширяло царство Ямы».
4391103f90b9 · опубликовано 17 июл. 2026 г., 21:46:25 UTC
Доступно наRUENЛистайте стихи клавишами
Две стороны одновременно получают свой удар: Дрона губит Сринджаев, Бхима губит Кауравов. Так повествование снимает иллюзию односторонней победы: когда дхарма нарушена, поле боя становится местом, где смерть собирает дань со всех.