धृष्टद्युम्नमुखास् त्व् अन्ये तव सैन्यम् अयोधयन् ॥
तथैव तावकाः सर्वे पाण्डुसैन्यम् अयोधयन् ॥
तत्राक्रन्दो महान् आसीत् तव तेषां च भारत ॥
निघ्नतां भृशम् अन्योन्यं कुर्वतां कर्म दुष्करम् ॥
अन्योन्यं हि रणे शूराः केशेष्व् आक्षिप्य मारिष ॥
नखैर् दन्तैर् अयुध्यन्त मुष्टिभिर् जानुभिस् तथा ॥
बाहुभिश् च तलैश् चैव निस्त्रिंशैश् च सुसंशितैः ॥
विवरं प्राप्य चान्योन्यम् अनयन् यमसादनम् ॥
न्यहनच् च पिता पुत्रं पुत्रश् च पितरं रणे ॥
व्याकुलीकृतसंकल्पा युयुधुस् तत्र मानवाः ॥
रणे चारूणि चापानि हेमपृष्ठानि भारत ॥
हतानाम् अपविद्धानि कलापाश् च महाधनाः ॥
जातरूपमयैः पुङ्खै राजतैश् च शिताः शराः ॥
तैलधौता व्यराजन्त निर्मुक्तभुजगोपमाः ॥
हस्तिदन्तत्सरून् खड्गाञ् जातरूपपरिष्कृतान् ॥
चर्माणि चापविद्धानि रुक्मपृष्ठानि धन्विनाम् ॥
सुवर्णविकृतप्रासान् पट्टिशान् हेमभूषितान् ॥
जातरूपमयाश् चर्ष्टीः शक्त्यश् च कनकोज्ज्वलाः ॥
अपकृत्ताश् च पतिता मुसलानि गुरूणि च ॥
परिघान् पट्टिशांश् चैव भिण्डिपालांश् च मारिष ॥
पतितांस् तोमरांश् चापि चित्रा हेमपरिष्कृताः ॥
कुथाश् च बहुधाकाराश् चामरव्यजनानि च ॥
नानाविधानि शस्त्राणि विसृज्य पतिता नराः ॥
जीवन्त इव दृश्यन्ते गतसत्त्वा महारथाः ॥
गदाविमथितैर् गात्रैर् मुसलैर् भिन्नमस्तकाः ॥
गजवाजिरथक्षुण्णाः शेरते स्म नराः क्षितौ ॥
तथैवाश्वनृनागानां शरीरैर् आबभौ तदा ॥
संछन्ना वसुधा राजन् पर्वतैर् इव सर्वतः ॥
समरे पतितैश् चैव शक्त्यृष्टिशरतोमरैः ॥
निस्त्रिंशैः पट्टिशैः प्रासैर् अयस्कुन्तैः परश्वधैः ॥
परिघैर् भिण्डिपालैश् च शतघ्नीभिस् तथैव च ॥
शरीरैः शस्त्रभिन्नैश् च समास्तीर्यत मेदिनी ॥
निःशब्दैर् अल्पशब्दैश् च शोणितौघपरिप्लुतैः ॥
गतासुभिर् अमित्रघ्न विबभौ संवृता मही ॥
dhṛṣṭadyumnamukhās tv anye tava sainyam ayodhayan ||
tathaiva tāvakāḥ sarve pāṇḍusainyam ayodhayan ||
tatrākrando mahān āsīt tava teṣāṃ ca bhārata ||
nighnatāṃ bhṛśam anyonyaṃ kurvatāṃ karma duṣkaram ||
anyonyaṃ hi raṇe śūrāḥ keśeṣv ākṣipya māriṣa ||
nakhair dantair ayudhyanta muṣṭibhir jānubhis tathā ||
bāhubhiś ca talaiś caiva nistriṃśaiś ca susaṃśitaiḥ ||
vivaraṃ prāpya cānyonyam anayan yamasādanam ||
nyahanac ca pitā putraṃ putraś ca pitaraṃ raṇe ||
vyākulīkṛtasaṃkalpā yuyudhus tatra mānavāḥ ||
raṇe cārūṇi cāpāni hemapṛṣṭhāni bhārata ||
hatānām apaviddhāni kalāpāś ca mahādhanāḥ ||
jātarūpamayaiḥ puṅkhai rājataiś ca śitāḥ śarāḥ ||
tailadhautā vyarājanta nirmuktabhujagopamāḥ ||
hastidantatsarūn khaḍgāñ jātarūpapariṣkṛtān ||
carmāṇi cāpaviddhāni rukmapṛṣṭhāni dhanvinām ||
suvarṇavikṛtaprāsān paṭṭiśān hemabhūṣitān ||
jātarūpamayāś carṣṭīḥ śaktyaś ca kanakojjvalāḥ ||
apakṛttāś ca patitā musalāni gurūṇi ca ||
parighān paṭṭiśāṃś caiva bhiṇḍipālāṃś ca māriṣa ||
patitāṃs tomarāṃś cāpi citrā hemapariṣkṛtāḥ ||
kuthāś ca bahudhākārāś cāmaravyajanāni ca ||
nānāvidhāni śastrāṇi visṛjya patitā narāḥ ||
jīvanta iva dṛśyante gatasattvā mahārathāḥ ||
gadāvimathitair gātrair musalair bhinnamastakāḥ ||
gajavājirathakṣuṇṇāḥ śerate sma narāḥ kṣitau ||
tathaivāśvanṛnāgānāṃ śarīrair ābabhau tadā ||
saṃchannā vasudhā rājan parvatair iva sarvataḥ ||
samare patitaiś caiva śaktyṛṣṭiśaratomaraiḥ ||
nistriṃśaiḥ paṭṭiśaiḥ prāsair ayaskuntaiḥ paraśvadhaiḥ ||
parighair bhiṇḍipālaiś ca śataghnībhis tathaiva ca ||
śarīraiḥ śastrabhinnaiś ca samāstīryata medinī ||
niḥśabdair alpaśabdaiś ca śoṇitaughapariplutaiḥ ||
gatāsubhir amitraghna vibabhau saṃvṛtā mahī ||
Ануштубх · 8+8+8+8 · ×17
Другие воины во главе с Дхриштадьюмной сражались с твоим войском, и так же все твои бились с войском Панду. Там, о Бхарата, поднялся великий вопль у твоих и у их воинов, жестоко поражавших друг друга и совершавших трудное дело. Герои в бою хватали друг друга за волосы, почтенный, сражались ногтями, зубами, кулаками, коленями, руками, ладонями и хорошо отточенными мечами; улучив брешь, они отправляли друг друга в обитель Ямы. Отец убивал сына, и сын — отца в бою; с помрачённым сознанием люди сражались там. На поле лежали прекрасные луки с золотыми спинками, о Бхарата, отброшенные убитыми, и дорогие колчаны; острые стрелы с золотыми и серебряными оперениями, натёртые маслом, сияли, подобные выползшим змеям. Были мечи с рукоятями из слоновой кости, украшенные золотом, и отброшенные щиты лучников с золотой спинкой; прасы с золотой отделкой, паттиши, украшенные золотом, золотые ришти и шакти, сияющие золотом; отсечённые и упавшие тяжёлые палицы, паригхи, паттиши, бхиндипалы, почтенный, и упавшие пёстрые томары с золотой отделкой; разнообразные попоны и опахала-чамары. Махаратхи, бросив разные виды оружия и пав, хотя уже лишились жизни, казались живыми. Люди лежали на земле с телами, размятыми булавами, с головами, разбитыми мусалами, раздавленные слонами, конями и колесницами. Так же земля, покрытая телами коней, людей и слонов, сияла, царь, словно со всех сторон горами. В битве земля была устлана упавшими шакти, ришти, стрелами, томарами, мечами, паттишами, прасами, железными кунтами, секирами, паригхами, бхиндипалами, шатагхни, а также телами, пробитыми оружием. Покрытая бездыханными телами, залитыми потоками крови, беззвучными или едва стонущими, земля сияла, губитель врагов».
e5c2725e5c59 · опубликовано 17 июл. 2026 г., 21:47:11 UTC
Доступно наRUENЛистайте стихи клавишами
Описание рукопашной и поля боя намеренно лишает войну героической чистоты: здесь дерутся ногтями и зубами, отец не узнаёт сына, а золото оружия лежит рядом с раздавленными телами. Внешний блеск кшатрийского мира становится частью страшного ковра смерти.