संजय उवाच
पुत्रं तु निहतं श्रुत्वा इरावन्तं धनंजयः ॥
दुःखेन महताविष्टो निःश्वसन् पन्नगो यथा ॥
अब्रवीत् समरे राजन् वासुदेवम् इदं वचः ॥
इदं नूनं महाप्राज्ञो विदुरो दृष्टवान् पुरा ॥
कुरूणां पाण्डवानां च क्षयं घोरं महामतिः ॥
ततो निवारयितवान् धृतराष्ट्रं जनेश्वरम् ॥
अवध्या बहवो वीराः संग्रामे मधुसूदन ॥
निहताः कौरवैः संख्ये तथास्माभिश् च ते हताः ॥
अर्थहेतोर् नरश्रेष्ठ क्रियते कर्म कुत्सितम् ॥
धिग् अर्थान् यत्कृते ह्य् एवं क्रियते ज्ञातिसंक्षयः ॥
अधनस्य मृतं श्रेयो न च ज्ञातिवधाद् धनम् ॥
किं नु प्राप्स्यामहे कृष्ण हत्वा ज्ञातीन् समागतान् ॥
दुर्योधनापराधेन शकुनेः सौबलस्य च ॥
क्षत्रिया निधनं यान्ति कर्णदुर्मन्त्रितेन च ॥
इदानीं च विजानामि सुकृतं मधुसूदन ॥
कृतं राज्ञा महाबाहो याचता स्म सुयोधनम् ॥
राज्यार्धं पञ्च वा ग्रामान् नाकार्षीत् स च दुर्मतिः ॥
दृष्ट्वा हि क्षत्रियाञ् शूराञ् शयानान् धरणीतले ॥
निन्दामि भृशम् आत्मानं धिग् अस्तु क्षत्रजीविकाम् ॥
अशक्तम् इति माम् एते ज्ञास्यन्ति क्षत्रिया रणे ॥
युद्धं ममैभिरुचितं ज्ञातिभिर् मधुसूदन ॥
संचोदय हयान् क्षिप्रं धार्तराष्ट्रचमूं प्रति ॥
प्रतरिष्ये महापारं भुजाभ्यां समरोदधिम् ॥
नायं क्लीबयितुं कालो विद्यते माधव क्व चित् ॥
एवम् उक्तस् तु पार्थेन केशवः परवीरहा ॥
चोदयाम् आस तान् अश्वान् पाण्डुरान् वातरंहसः ॥
अथ शब्दो महान् आसीत् तव सैन्यस्य भारत ॥
मारुतोद्धूतवेगस्य सागरस्येव पर्वणि ॥
saṃjaya uvāca
putraṃ tu nihataṃ śrutvā irāvantaṃ dhanaṃjayaḥ ||
duḥkhena mahatāviṣṭo niḥśvasan pannago yathā ||
abravīt samare rājan vāsudevam idaṃ vacaḥ ||
idaṃ nūnaṃ mahāprājño viduro dṛṣṭavān purā ||
kurūṇāṃ pāṇḍavānāṃ ca kṣayaṃ ghoraṃ mahāmatiḥ ||
tato nivārayitavān dhṛtarāṣṭraṃ janeśvaram ||
avadhyā bahavo vīrāḥ saṃgrāme madhusūdana ||
nihatāḥ kauravaiḥ saṃkhye tathāsmābhiś ca te hatāḥ ||
arthahetor naraśreṣṭha kriyate karma kutsitam ||
dhig arthān yatkṛte hy evaṃ kriyate jñātisaṃkṣayaḥ ||
adhanasya mṛtaṃ śreyo na ca jñātivadhād dhanam ||
kiṃ nu prāpsyāmahe kṛṣṇa hatvā jñātīn samāgatān ||
duryodhanāparādhena śakuneḥ saubalasya ca ||
kṣatriyā nidhanaṃ yānti karṇadurmantritena ca ||
idānīṃ ca vijānāmi sukṛtaṃ madhusūdana ||
kṛtaṃ rājñā mahābāho yācatā sma suyodhanam ||
rājyārdhaṃ pañca vā grāmān nākārṣīt sa ca durmatiḥ ||
dṛṣṭvā hi kṣatriyāñ śūrāñ śayānān dharaṇītale ||
nindāmi bhṛśam ātmānaṃ dhig astu kṣatrajīvikām ||
aśaktam iti mām ete jñāsyanti kṣatriyā raṇe ||
yuddhaṃ mamaibhirucitaṃ jñātibhir madhusūdana ||
saṃcodaya hayān kṣipraṃ dhārtarāṣṭracamūṃ prati ||
pratariṣye mahāpāraṃ bhujābhyāṃ samarodadhim ||
nāyaṃ klībayituṃ kālo vidyate mādhava kva cit ||
evam uktas tu pārthena keśavaḥ paravīrahā ||
codayām āsa tān aśvān pāṇḍurān vātaraṃhasaḥ ||
atha śabdo mahān āsīt tava sainyasya bhārata ||
mārutoddhūtavegasya sāgarasyeva parvaṇi ||
Санджая сказал: «Услышав, что его сын Ираван убит, Дхананджая, охваченный великой скорбью и вздыхая, словно змей, сказал Васудеве в бою: “Это, несомненно, мудрейший Видура предвидел прежде: ужасную гибель Куру и Пандавов. Поэтому великий умом он пытался остановить владыку людей Дхритараштру. Многие герои, которых не следовало убивать, сражены Кауравами в битве, Мадхусудана, и также нами они убиты. Ради выгоды, лучший из людей, совершается порицаемое дело. Позор богатству, ради которого так совершается истребление родичей. Лучше смерть без имущества, чем богатство от убийства родных. Что же мы получим, Кришна, убив собравшихся родичей? Из-за преступления Дурьодханы, из-за Шакуни, сына Субалы, и дурного совета Карны кшатрии идут к гибели. Теперь я понимаю, Мадхусудана, как правильно поступил царь, сильнорукий, когда просил у Суёдханы половину царства или хотя бы пять деревень; но этот дурноразумный не принял. Видя храбрых кшатриев, лежащих на земле, я сильно порицаю самого себя. Позор кшатрийскому образу жизни! Эти кшатрии в бою сочтут меня слабым, но теперь битва с родичами мне по сердцу, Мадхусудана. Скорее направь коней к войску Дхритараштры. Двумя руками я переправлюсь через этот широкий океан сражения. Сейчас, Мадхава, нигде не время для робости”. Услышав это от Партхи, Кешава, убийца вражеских героев, погнал белых коней, быстрых как ветер. Тогда в твоём войске, о Бхарата, поднялся великий шум, словно шум океана, взметённого ветром в пору прилива».
e5fa934a3538 · опубликовано 17 июл. 2026 г., 21:47:11 UTC
Доступно наRUENЛистайте стихи клавишами
Смерть Иравана раскрывает в Арджуне не только гнев, но и нравственную боль: он видит, что ради земли род идёт на уничтожение. Однако эта скорбь не превращается в отказ от действия; она становится суровой решимостью пройти через океан битвы без самообмана.