भग्नं तु स्वबलं दृष्ट्वा भगदत्तेन धीमता ॥
घटोत्कचो ऽथ संक्रुद्धो भगदत्तम् उपाद्रवत् ॥
विकटः पुरुषो राजन् दीप्तास्यो दीप्तलोचनः ॥
रूपं विभीषणं कृत्वा रोषेण प्रज्वलन्न् इव ॥
जग्राह विपुलं शूलं गिरीणाम् अपि दारणम् ॥
नागं जिघांसुः सहसा चिक्षेप च महाबलः ॥
सविष्फुलिङ्गज्वालाभिः समन्तात् परिवेष्टितम् ॥
तम् आपतन्तं सहसा दृष्ट्वा ज्वालाकुलं रणे ॥
चिक्षेप रुचिरं तीक्ष्णम् अर्धचन्द्रं स पार्थिवः ॥
चिच्छेद सुमहच् छूलं तेन बाणेन वेगवत् ॥
निपपात द्विधा छिन्नं शूलं हेमपरिष्कृतम् ॥
महाशनिर् यथा भ्रष्टा शक्रमुक्ता नभोगता ॥
शूलं निपतितं दृष्ट्वा द्विधा कृत्तं स पार्थिवः ॥
रुक्मदण्डां महाशक्तिं जग्राहाग्निशिखोपमाम् ॥
चिक्षेप तां राक्षसस्य तिष्ठ तिष्ठेति चाब्रवीत् ॥
ताम् आपतन्तीं संप्रेक्ष्य वियत्स्थाम् अशनीम् इव ॥
उत्पत्य राक्षसस् तूर्णं जग्राह च ननाद च ॥
बभञ्ज चैनां त्वरितो जानुन्य् आरोप्य भारत ॥
पश्यतः पार्थिवेन्द्रस्य तद् अद्भुतम् इवाभवत् ॥
तद् अवेक्ष्य कृतं कर्म राक्षसेन बलीयसा ॥
दिवि देवाः सगन्धर्वा मुनयश् चापि विस्मिताः ॥
पाण्डवाश् च महेष्वासा भीमसेनपुरोगमाः ॥
साधु साध्व् इति नादेन पृथिवीम् अनुनादयन् ॥
तं तु श्रुत्वा महानादं प्रहृष्टानां महात्मनाम् ॥
नामृष्यत महेष्वासो भगदत्तः प्रतापवान् ॥
स विस्फार्य महच् चापम् इन्द्राशनिसमस्वनम् ॥
अभिदुद्राव वेगेन पाण्डवानां महारथान् ॥
विसृजन् विमलांस् तीक्ष्णान् नाराचाञ् ज्वलनप्रभान् ॥
भीमम् एकेन विव्याध राक्षसं नवभिः शरैः ॥
अभिमन्युं त्रिभिश् चैव केकयान् पञ्चभिस् तथा ॥
पूर्णायतविसृष्टेन स्वर्णपुङ्खेन पत्रिणा ॥
बिभेद दक्षिणं बाहुं क्षत्रदेवस्य चाहवे ॥
पपात सहसा तस्य सशरं धनुर् उत्तमम् ॥
द्रौपदेयांस् ततः पञ्च पञ्चभिः समताडयत् ॥
भीमसेनस्य च क्रोधान् निजघान तुरंगमान् ॥
ध्वजं केसरिणं चास्य चिच्छेद विशिखैस् त्रिभिः ॥
निर्बिभेद त्रिभिश् चान्यैः सारथिं चास्य पत्रिभिः ॥
स गाढविद्धो व्यथितो रथोपस्थ उपाविशत् ॥
विशोको भरतश्रेष्ठ भगदत्तेन संयुगे ॥
ततो भीमो महाराज विरथो रथिनां वरः ॥
गदां प्रगृह्य वेगेन प्रचस्कन्द महारथात् ॥
तम् उद्यतगदं दृष्ट्वा सशृङ्गम् इव पर्वतम् ॥
तावकानां भयं घोरं समपद्यत भारत ॥
एतस्मिन्न् एव काले तु पाण्डवः कृष्णसारथिः ॥
आजगाम महाराज निघ्नञ् शत्रून् सहस्रशः ॥
यत्र तौ पुरुषव्याघ्रौ पितापुत्रौ परंतपौ ॥
प्राग्ज्योतिषेण संसक्तौ भीमसेनघटोत्कचौ ॥
दृष्ट्वा तु पाण्डवो राजन् युध्यमानान् महारथान् ॥
त्वरितो भरतश्रेष्ठ तत्रायाद् विकिरञ् शरान् ॥
ततो दुर्योधनो राजा त्वरमाणो महारथः ॥
सेनाम् अचोदयत् क्षिप्रं रथनागाश्वसंकुलाम् ॥
ताम् आपतन्तीं सहसा कौरवाणां महाचमूम् ॥
अभिदुद्राव वेगेन पाण्डवः श्वेतवाहनः ॥
भगदत्तो ऽपि समरे तेन नागेन भारत ॥
विमृद्नन् पाण्डवबलं युधिष्ठिरम् उपाद्रवत् ॥
तदासीत् तुमुलं युद्धं भगदत्तस्य मारिष ॥
पाञ्चालैः सृञ्जयैश् चैव केकयैश् चोद्यतायुधैः ॥
भीमसेनो ऽपि समरे ताव् उभौ केशवार्जुनौ ॥
आश्रावयद् यथावृत्तम् इरावद् वधम् उत्तमम् ॥
bhagnaṃ tu svabalaṃ dṛṣṭvā bhagadattena dhīmatā ||
ghaṭotkaco 'tha saṃkruddho bhagadattam upādravat ||
vikaṭaḥ puruṣo rājan dīptāsyo dīptalocanaḥ ||
rūpaṃ vibhīṣaṇaṃ kṛtvā roṣeṇa prajvalann iva ||
jagrāha vipulaṃ śūlaṃ girīṇām api dāraṇam ||
nāgaṃ jighāṃsuḥ sahasā cikṣepa ca mahābalaḥ ||
saviṣphuliṅgajvālābhiḥ samantāt pariveṣṭitam ||
tam āpatantaṃ sahasā dṛṣṭvā jvālākulaṃ raṇe ||
cikṣepa ruciraṃ tīkṣṇam ardhacandraṃ sa pārthivaḥ ||
ciccheda sumahac chūlaṃ tena bāṇena vegavat ||
nipapāta dvidhā chinnaṃ śūlaṃ hemapariṣkṛtam ||
mahāśanir yathā bhraṣṭā śakramuktā nabhogatā ||
śūlaṃ nipatitaṃ dṛṣṭvā dvidhā kṛttaṃ sa pārthivaḥ ||
rukmadaṇḍāṃ mahāśaktiṃ jagrāhāgniśikhopamām ||
cikṣepa tāṃ rākṣasasya tiṣṭha tiṣṭheti cābravīt ||
tām āpatantīṃ saṃprekṣya viyatsthām aśanīm iva ||
utpatya rākṣasas tūrṇaṃ jagrāha ca nanāda ca ||
babhañja caināṃ tvarito jānuny āropya bhārata ||
paśyataḥ pārthivendrasya tad adbhutam ivābhavat ||
tad avekṣya kṛtaṃ karma rākṣasena balīyasā ||
divi devāḥ sagandharvā munayaś cāpi vismitāḥ ||
pāṇḍavāś ca maheṣvāsā bhīmasenapurogamāḥ ||
sādhu sādhv iti nādena pṛthivīm anunādayan ||
taṃ tu śrutvā mahānādaṃ prahṛṣṭānāṃ mahātmanām ||
nāmṛṣyata maheṣvāso bhagadattaḥ pratāpavān ||
sa visphārya mahac cāpam indrāśanisamasvanam ||
abhidudrāva vegena pāṇḍavānāṃ mahārathān ||
visṛjan vimalāṃs tīkṣṇān nārācāñ jvalanaprabhān ||
bhīmam ekena vivyādha rākṣasaṃ navabhiḥ śaraiḥ ||
abhimanyuṃ tribhiś caiva kekayān pañcabhis tathā ||
pūrṇāyatavisṛṣṭena svarṇapuṅkhena patriṇā ||
bibheda dakṣiṇaṃ bāhuṃ kṣatradevasya cāhave ||
papāta sahasā tasya saśaraṃ dhanur uttamam ||
draupadeyāṃs tataḥ pañca pañcabhiḥ samatāḍayat ||
bhīmasenasya ca krodhān nijaghāna turaṃgamān ||
dhvajaṃ kesariṇaṃ cāsya ciccheda viśikhais tribhiḥ ||
nirbibheda tribhiś cānyaiḥ sārathiṃ cāsya patribhiḥ ||
sa gāḍhaviddho vyathito rathopastha upāviśat ||
viśoko bharataśreṣṭha bhagadattena saṃyuge ||
tato bhīmo mahārāja viratho rathināṃ varaḥ ||
gadāṃ pragṛhya vegena pracaskanda mahārathāt ||
tam udyatagadaṃ dṛṣṭvā saśṛṅgam iva parvatam ||
tāvakānāṃ bhayaṃ ghoraṃ samapadyata bhārata ||
etasminn eva kāle tu pāṇḍavaḥ kṛṣṇasārathiḥ ||
ājagāma mahārāja nighnañ śatrūn sahasraśaḥ ||
yatra tau puruṣavyāghrau pitāputrau paraṃtapau ||
prāgjyotiṣeṇa saṃsaktau bhīmasenaghaṭotkacau ||
dṛṣṭvā tu pāṇḍavo rājan yudhyamānān mahārathān ||
tvarito bharataśreṣṭha tatrāyād vikirañ śarān ||
tato duryodhano rājā tvaramāṇo mahārathaḥ ||
senām acodayat kṣipraṃ rathanāgāśvasaṃkulām ||
tām āpatantīṃ sahasā kauravāṇāṃ mahācamūm ||
abhidudrāva vegena pāṇḍavaḥ śvetavāhanaḥ ||
bhagadatto 'pi samare tena nāgena bhārata ||
vimṛdnan pāṇḍavabalaṃ yudhiṣṭhiram upādravat ||
tadāsīt tumulaṃ yuddhaṃ bhagadattasya māriṣa ||
pāñcālaiḥ sṛñjayaiś caiva kekayaiś codyatāyudhaiḥ ||
bhīmaseno 'pi samare tāv ubhau keśavārjunau ||
āśrāvayad yathāvṛttam irāvad vadham uttamam ||
Увидев, что мудрый Бхагадатта сломил его войско, разгневанный Гхатоткача устремился на него. Приняв ужасный облик, чудовищный муж, с пылающим ртом и горящими глазами, словно пылая от ярости, он схватил огромное копьё, способное раскалывать даже горы. Желая внезапно сразить слона, могучий Гхатоткача метнул это копьё, окружённое со всех сторон искрами и пламенем. Увидев в битве это огненное копьё, внезапно налетавшее на него, Бхагадатта выпустил красивую острую полулунную стрелу и этим быстрым стрелой рассёк огромное копьё. Златоукрашенное копьё, рассечённое надвое, упало, словно великая молния, пущенная Шакрой, сорвалась с неба. Увидев, что копьё упало, разрубленное пополам, этот царь схватил огромную шакти с золотым древком, подобную языку огня, и метнул её в ракшаса, крикнув: “Стой! Стой!” Увидев, что она летит по воздуху, словно молния, ракшас быстро подпрыгнул, схватил её и заревел. Поспешно положив её на колено, он сломал её, о Бхарата; на глазах у владыки царей это казалось чудом. Увидев деяние, совершённое могучим ракшасом, боги с гандхарвами на небе и мудрецы изумились. Пандавы, великие лучники во главе с Бхимасеной, криком “Хорошо! Хорошо!” огласили землю. Услышав великий крик этих радостных героев, доблестный Бхагадатта, великий лучник, не стерпел. Он натянул огромный лук, звучавший как ваджра Индры, и стремительно устремился на махаратхов Пандавов, выпуская чистые, острые нарачи, сияющие как огонь. Бхиму он пронзил одной стрелой, ракшаса — девятью, Абхиманью — тремя, Кекаев — пятью. Стрелой, выпущенной с полного натяга, с золотым оперением, он пробил в бою правую руку Кшатрадевы, и его прекрасный лук со стрелой внезапно упал. Затем пятерых сыновей Драупади он поразил пятью стрелами, а в гневе убил коней Бхимасены. Тремя стрелами он срезал его львиное знамя, а ещё тремя пернатыми стрелами пронзил его возницу Вишоку; тот, тяжело раненный и мучимый Бхагадаттой в сражении, осел на площадке колесницы, лучший из Бхаратов. Тогда Бхима, великий царь, лишённый колесницы, но лучший из колесничих, быстро схватил булаву и соскочил с ратхи. Увидев его с поднятой булавой, словно гору с вершиной, твоих воинов охватил страшный ужас, о Бхарата. Как раз в это время пришёл Пандава, чей возница Кришна, великий царь, сражая врагов тысячами. Он прибыл туда, где два тигра среди людей, отец и сын — Бхимасена и Гхатоткача, сокрушители врагов, — были связаны боем с Прагджьотишцем. Увидев сражающихся махаратхов, Арджуна поспешно подошёл туда, рассыпая стрелы, о лучший из Бхаратов. Тогда царь Дурьодхана, быстрый махаратха, поспешно двинул войско, полное колесниц, слонов и коней. Белоконный Пандава стремительно бросился на это внезапно наступавшее великое войско Кауравов. Бхагадатта же в битве, давя войско Пандавов этим слоном, устремился на Юдхиштхиру. Тогда вокруг Бхагадатты развернулось шумное сражение с Панчалами, Сринджаями и Кекаями, поднявшими оружие, почтенный. А Бхимасена в бою рассказал Кешаве и Арджуне всё как было — о великой гибели Иравана».
e35791c4264a · опубликовано 17 июл. 2026 г., 21:47:11 UTC
Доступно наRUENЛистайте стихи клавишами
В этой части глава соединяет две линии: чудесная сила Гхатоткачи поражает даже богов, но Бхагадатта не ломается и отвечает точным воинским мастерством. Приход Арджуны с Кришной переводит сцену к следующему повороту: личная скорбь о смерти Иравана наконец достигает его отца.