भीमसेनस् तु संक्रुद्धः पादरक्षान् परःशतान् ॥
निजघान महेष्वासः संक्रुद्धः शरवृष्टिभिः ॥
तान् दृष्ट्वा निहतान् क्रुद्धो भगदत्तः प्रतापवान् ॥
चोदयाम् आस नागेन्द्रं भीमसेनरथं प्रति ॥
स नागः प्रेषितस् तेन बाणो ज्याचोदितो यथा ॥
अभ्यधावत वेगेन भीमसेनम् अरिंदमम् ॥
तम् आपतन्तं संप्रेक्ष्य पाण्डवानां महारथाः ॥
अभ्यवर्तन्त वेगेन भीमसेनपुरोगमाः ॥
केकयाश् चाभिमन्युश् च द्रौपदेयाश् च सर्वशः ॥
दशार्णाधिपतिः शूरः क्षत्रदेवश् च मारिष ॥
चेदिपश् चित्रकेतुश् च संक्रुद्धाः सर्व एव ते ॥
उत्तमास्त्राणि दिव्यानि दर्शयन्तो महाबलाः ॥
तम् एकं कुञ्जरं क्रुद्धाः समन्तात् पर्यवारयन् ॥
स विद्धो बहुभिर् बाणैर् व्यरोचत महाद्विपः ॥
संजातरुधिरोत्पीडो धातुचित्र इवाद्रिराट् ॥
दशार्णाधिपतिश् चापि गजं भूमिधरोपमम् ॥
समास्थितो ऽभिदुद्राव भगदत्तस्य वारणम् ॥
तम् आपतन्तं समरे गजं गजपतिः स च ॥
दधार सुप्रतीको ऽपि वेलेव मकरालयम् ॥
वारितं प्रेक्ष्य नागेन्द्रं दशार्णस्य महात्मनः ॥
साधु साध्व् इति सैन्यानि पाण्डवेयान्य् अपूजयन् ॥
ततः प्राग्ज्योतिषः क्रुद्धस् तोमरान् वै चतुर्दश ॥
प्राहिणोत् तस्य नागस्य प्रमुखे नृपसत्तम ॥
तस्य वर्म मुखत्राणं शातकुम्भपरिष्कृतम् ॥
विदार्य प्राविशन् क्षिप्रं वल्मीकम् इव पन्नगाः ॥
स गाढविद्धो व्यथितो नागो भरतसत्तम ॥
उपावृत्तमदः क्षिप्रं स न्यवर्तत वेगतः ॥
प्रदुद्राव च वेगेन प्रणदन् भैरवं स्वनम् ॥
स मर्दमानः स्वबलं वायुर् वृक्षान् इवौजसा ॥
तस्मिन् पराजिते नागे पाण्डवानां महारथाः ॥
सिंहनादं विनद्योच्चैर् युद्धायैवोपतस्थिरे ॥
ततो भीमं पुरस्कृत्य भगदत्तम् उपाद्रवन् ॥
किरन्तो विविधान् बाणाञ् शस्त्राणि विविधानि च ॥
तेषाम् आपततां राजन् संक्रुद्धानाम् अमर्षिणाम् ॥
श्रुत्वा स निनदं घोरम् अमर्षाद् गतसाध्वसः ॥
भगदत्तो महेष्वासः स्वनागं प्रत्यचोदयत् ॥
अङ्कुशाङ्गुष्ठनुदितः स गजप्रवरो युधि ॥
तस्मिन् क्षणे समभवत् संवर्तक इवानलः ॥
रथसंघांस् तथा नागान् हयांश् च सह सादिभिः ॥
पादातांश् च सुसंक्रुद्धः शतशो ऽथ सहस्रशः ॥
अमृद्नात् समरे राजन् संप्रधावंस् ततस् ततः ॥
तेन संलोड्यमानं तु पाण्डूनां तद् बलं महत् ॥
संचुकोच महाराज चर्मेवाग्नौ समाहितम् ॥
bhīmasenas tu saṃkruddhaḥ pādarakṣān paraḥśatān ||
nijaghāna maheṣvāsaḥ saṃkruddhaḥ śaravṛṣṭibhiḥ ||
tān dṛṣṭvā nihatān kruddho bhagadattaḥ pratāpavān ||
codayām āsa nāgendraṃ bhīmasenarathaṃ prati ||
sa nāgaḥ preṣitas tena bāṇo jyācodito yathā ||
abhyadhāvata vegena bhīmasenam ariṃdamam ||
tam āpatantaṃ saṃprekṣya pāṇḍavānāṃ mahārathāḥ ||
abhyavartanta vegena bhīmasenapurogamāḥ ||
kekayāś cābhimanyuś ca draupadeyāś ca sarvaśaḥ ||
daśārṇādhipatiḥ śūraḥ kṣatradevaś ca māriṣa ||
cedipaś citraketuś ca saṃkruddhāḥ sarva eva te ||
uttamāstrāṇi divyāni darśayanto mahābalāḥ ||
tam ekaṃ kuñjaraṃ kruddhāḥ samantāt paryavārayan ||
sa viddho bahubhir bāṇair vyarocata mahādvipaḥ ||
saṃjātarudhirotpīḍo dhātucitra ivādrirāṭ ||
daśārṇādhipatiś cāpi gajaṃ bhūmidharopamam ||
samāsthito 'bhidudrāva bhagadattasya vāraṇam ||
tam āpatantaṃ samare gajaṃ gajapatiḥ sa ca ||
dadhāra supratīko 'pi veleva makarālayam ||
vāritaṃ prekṣya nāgendraṃ daśārṇasya mahātmanaḥ ||
sādhu sādhv iti sainyāni pāṇḍaveyāny apūjayan ||
tataḥ prāgjyotiṣaḥ kruddhas tomarān vai caturdaśa ||
prāhiṇot tasya nāgasya pramukhe nṛpasattama ||
tasya varma mukhatrāṇaṃ śātakumbhapariṣkṛtam ||
vidārya prāviśan kṣipraṃ valmīkam iva pannagāḥ ||
sa gāḍhaviddho vyathito nāgo bharatasattama ||
upāvṛttamadaḥ kṣipraṃ sa nyavartata vegataḥ ||
pradudrāva ca vegena praṇadan bhairavaṃ svanam ||
sa mardamānaḥ svabalaṃ vāyur vṛkṣān ivaujasā ||
tasmin parājite nāge pāṇḍavānāṃ mahārathāḥ ||
siṃhanādaṃ vinadyoccair yuddhāyaivopatasthire ||
tato bhīmaṃ puraskṛtya bhagadattam upādravan ||
kiranto vividhān bāṇāñ śastrāṇi vividhāni ca ||
teṣām āpatatāṃ rājan saṃkruddhānām amarṣiṇām ||
śrutvā sa ninadaṃ ghoram amarṣād gatasādhvasaḥ ||
bhagadatto maheṣvāsaḥ svanāgaṃ pratyacodayat ||
aṅkuśāṅguṣṭhanuditaḥ sa gajapravaro yudhi ||
tasmin kṣaṇe samabhavat saṃvartaka ivānalaḥ ||
rathasaṃghāṃs tathā nāgān hayāṃś ca saha sādibhiḥ ||
pādātāṃś ca susaṃkruddhaḥ śataśo 'tha sahasraśaḥ ||
amṛdnāt samare rājan saṃpradhāvaṃs tatas tataḥ ||
tena saṃloḍyamānaṃ tu pāṇḍūnāṃ tad balaṃ mahat ||
saṃcukoca mahārāja carmevāgnau samāhitam ||
Разгневанный Бхимасена, великий лучник, ливнями стрел убил многие сотни пеших защитников Бхагадатты. Увидев их сражёнными, доблестный Бхагадатта в гневе погнал царя слонов к колеснице Бхимасены. Слон, посланный им, понёсся на Бхимасену, смирителя врагов, с быстротой стрелы, пущенной с тетивы. Увидев его наступление, махаратхи Пандавов во главе с Бхимасеной быстро двинулись навстречу: Кекаи, Абхиманью, все сыновья Драупади, герой-владыка Дашарны, Кшатрадева, почтенный, и Чедийский царь Читракету — все они были разгневаны. Могучие, показывая лучшие божественные астры, они со всех сторон окружили одного этого слона. Пронзённый множеством стрел, великий слон сиял, источая кровавые струи, словно царь гор, пёстрый рудами. Владыка Дашарны тоже, оседлав слона, подобного горе, устремился на слона Бхагадатты. Но Супратика, владыка слонов, выдержал в битве наступающего слона, как берег выдерживает океан. Увидев, что слон великодушного царя Дашарны остановлен, войска Пандавов стали восхвалять его: “Хорошо! Хорошо!” Тогда разгневанный царь Прагджьотиши метнул четырнадцать томаров в лицо того слона, лучший из царей. Пробив его броню и золотое лицевое прикрытие, они быстро вошли в него, словно змеи в муравейник. Тяжело раненный и мучимый слон, лучший из Бхаратов, с угасшей мадой быстро повернул назад и стремительно побежал, издавая страшный рёв, сминая своё войско, как ветер деревья своей силой. Когда этот слон был побеждён, махаратхи Пандавов громко издали львиный рёв и снова встали к битве. Поставив Бхиму впереди, они устремились на Бхагадатту, сыпля разные стрелы и различное оружие. Услышав страшный шум их наступления, разгневанных и неуступчивых, Бхагадатта, великий лучник, отбросив страх от ярости, снова погнал своего слона. Понуждаемый стрекалом и ногой, этот превосходный слон в тот миг стал словно огонь конца мира. Сильно разъярённый, он, носясь туда и сюда, сотнями и тысячами давил в битве скопления колесниц, слонов, коней с всадниками и пехотинцев, царь. Великое войско Пандавов, смятое им, сжалось, великий царь, словно кожа, помещённая в огонь».
483371903223 · опубликовано 17 июл. 2026 г., 21:47:11 UTC
Доступно наRUENЛистайте стихи клавишами
Супратика становится самостоятельной силой боя: он не просто средство Бхагадатты, а подвижная стихия, от которой сжимается целое войско. Пандавы отвечают общей атакой, но пока их мужество сталкивается с мощью, превосходящей обычную человеческую меру.