सात्यकिः कृतवर्माणं विद्ध्वा पञ्चभिर् आयसैः ॥
अतिष्ठद् आहवे शूरः किरन् बाणान् सहस्रशः ॥
तथैव द्रुपदो राजा द्रोणं विद्ध्वा शितैः शरैः ॥
पुनर् विव्याध सप्तत्या सारथिं चास्य सप्तभिः ॥
भीमसेनस् तु राजानं बाह्लिकं प्रपितामहम् ॥
विद्ध्वानदन् महानादं शार्दूल इव कानने ॥
आर्जुनिश् चित्रसेनेन विद्धो बहुभिर् आशुगैः ॥
चित्रसेनं त्रिभिर् बाणैर् विव्याध हृदये भृशम् ॥
समागतौ तौ तु रणे महामात्रौ व्यरोचताम् ॥
यथा दिवि महाघोरौ राजन् बुधशनैश्चरौ ॥
तस्याश्वांश् चतुरो हत्वा सूतं च नवभिः शरैः ॥
ननाद बलवन् नादं सौभद्रः परवीरहा ॥
हताश्वात् तु रथात् तूर्णम् अवप्लुत्य महारथः ॥
आरुरोह रथं तूर्णं दुर्मुखस्य विशां पते ॥
द्रोणश् च द्रुपदं विद्ध्वा शरैः संनतपर्वभिः ॥
सारथिं चास्य विव्याध त्वरमाणः पराक्रमी ॥
पीड्यमानस् ततो राजा द्रुपदो वाहिनीमुखे ॥
अपायाज् जवनैर् अश्वैः पूर्ववैरम् अनुस्मरन् ॥
भीमसेनस् तु राजानं मुहूर्ताद् इव बाह्लिकम् ॥
व्यश्वसूतरथं चक्रे सर्वसैन्यस्य पश्यतः ॥
ससंभ्रमो महाराज संशयं परमं गतः ॥
अवप्लुत्य ततो वाहाद् बाह्लिकः पुरुषोत्तमः ॥
आरुरोह रथं तूर्णं लक्ष्मणस्य महारथः ॥
sātyakiḥ kṛtavarmāṇaṃ viddhvā pañcabhir āyasaiḥ ||
atiṣṭhad āhave śūraḥ kiran bāṇān sahasraśaḥ ||
tathaiva drupado rājā droṇaṃ viddhvā śitaiḥ śaraiḥ ||
punar vivyādha saptatyā sārathiṃ cāsya saptabhiḥ ||
bhīmasenas tu rājānaṃ bāhlikaṃ prapitāmaham ||
viddhvānadan mahānādaṃ śārdūla iva kānane ||
ārjuniś citrasenena viddho bahubhir āśugaiḥ ||
citrasenaṃ tribhir bāṇair vivyādha hṛdaye bhṛśam ||
samāgatau tau tu raṇe mahāmātrau vyarocatām ||
yathā divi mahāghorau rājan budhaśanaiścarau ||
tasyāśvāṃś caturo hatvā sūtaṃ ca navabhiḥ śaraiḥ ||
nanāda balavan nādaṃ saubhadraḥ paravīrahā ||
hatāśvāt tu rathāt tūrṇam avaplutya mahārathaḥ ||
āruroha rathaṃ tūrṇaṃ durmukhasya viśāṃ pate ||
droṇaś ca drupadaṃ viddhvā śaraiḥ saṃnataparvabhiḥ ||
sārathiṃ cāsya vivyādha tvaramāṇaḥ parākramī ||
pīḍyamānas tato rājā drupado vāhinīmukhe ||
apāyāj javanair aśvaiḥ pūrvavairam anusmaran ||
bhīmasenas tu rājānaṃ muhūrtād iva bāhlikam ||
vyaśvasūtarathaṃ cakre sarvasainyasya paśyataḥ ||
sasaṃbhramo mahārāja saṃśayaṃ paramaṃ gataḥ ||
avaplutya tato vāhād bāhlikaḥ puruṣottamaḥ ||
āruroha rathaṃ tūrṇaṃ lakṣmaṇasya mahārathaḥ ||
Сатьяки, пронзив Критаварму пятью железными стрелами, стоял в битве как герой, рассыпая тысячи стрел. Так же царь Друпада, ранив Дрону острыми стрелами, снова пронзил его семьюдесятью, а его возницу — семью. Бхимасена же, пронзив царя Бахлику, прадеда, издал великий рёв, словно тигр в лесу. Сын Арджуны, раненный Читрасеной множеством быстрых стрел, глубоко пронзил Читрасену тремя стрелами в сердце. Эти двое великих воинов, встретившись в бою, сияли, царь, словно Будха и Шанайшчара в небе. Саубхадра, губитель вражеских героев, сразив четырёх его коней и возницу девятью стрелами, издал мощный крик. Тогда махаратха Читрасена быстро спрыгнул с колесницы, лишённой коней, и, владыка народов, быстро взошёл на колесницу Дурмукхи. Дрона же, пронзив Друпаду стрелами с загнутыми узлами, поспешно ранил и его возницу. Теснимый на переднем краю войска, царь Друпада отступил на быстрых конях, вспоминая прежнюю вражду. Бхимасена же почти за мгновение, на глазах всего войска, лишил царя Бахлику коней, возницы и колесницы. В смятении и крайней опасности Бахлика, лучший из людей, спрыгнул со своего средства передвижения и быстро взошёл на колесницу махаратхи Лакшманы».
7707202eb9c3 · опубликовано 17 июл. 2026 г., 21:47:12 UTC
Доступно наRUENЛистайте стихи клавишами
Поле распадается на ряд быстрых ударов: Сатьяки, Друпада, Бхима и Абхиманью ведут свои схватки одновременно. В этих эпизодах видна практическая сторона войны: лишить колесницы, коней и возницы значит почти лишить воина положения в бою.