ततो युधिष्ठिरो राजा माद्रीपुत्रौ च पाण्डवौ ॥
प्रत्यघ्नंस् तरसा वेगं समरे हयसादिनाम् ॥
उद्वृत्तस्य महाराज प्रावृट्कालेन पूर्यतः ॥
पौर्णमास्याम् अम्बुवेगं यथा वेला महोदधेः ॥
ततस् ते रथिनो राजञ् शरैः संनतपर्वभिः ॥
न्यकृन्तन्न् उत्तमाङ्गानि कायेभ्यो हयसादिनाम् ॥
ते निपेतुर् महाराज निहता दृढधन्विभिः ॥
नागैर् इव महानागा यथा स्युर् गिरिगह्वरे ॥
ते ऽपि प्रासैः सुनिशितैः शरैः संनतपर्वभिः ॥
न्यकृन्तन्न् उत्तमाङ्गानि विचरन्तो दिशो दश ॥
अत्यासन्ना हयारोहा ऋष्टिभिर् भरतर्षभ ॥
अच्छिनन्न् उत्तमाङ्गानि फलानीव महाद्रुमात् ॥
ससादिनो हया राजंस् तत्र तत्र निषूदिताः ॥
पतिताः पात्यमानाश् च शतशो ऽथ सहस्रशः ॥
वध्यमाना हयास् ते तु प्राद्रवन्त भयार्दिताः ॥
यथा सिंहान् समासाद्य मृगाः प्राणपरायणाः ॥
पाण्डवास् तु महाराज जित्वा शत्रून् महाहवे ॥
दध्मुः शङ्खांश् च भेरीश् च ताडयाम् आसुर् आहवे ॥
tato yudhiṣṭhiro rājā mādrīputrau ca pāṇḍavau ||
pratyaghnaṃs tarasā vegaṃ samare hayasādinām ||
udvṛttasya mahārāja prāvṛṭkālena pūryataḥ ||
paurṇamāsyām ambuvegaṃ yathā velā mahodadheḥ ||
tatas te rathino rājañ śaraiḥ saṃnataparvabhiḥ ||
nyakṛntann uttamāṅgāni kāyebhyo hayasādinām ||
te nipetur mahārāja nihatā dṛḍhadhanvibhiḥ ||
nāgair iva mahānāgā yathā syur girigahvare ||
te 'pi prāsaiḥ suniśitaiḥ śaraiḥ saṃnataparvabhiḥ ||
nyakṛntann uttamāṅgāni vicaranto diśo daśa ||
atyāsannā hayārohā ṛṣṭibhir bharatarṣabha ||
acchinann uttamāṅgāni phalānīva mahādrumāt ||
sasādino hayā rājaṃs tatra tatra niṣūditāḥ ||
patitāḥ pātyamānāś ca śataśo 'tha sahasraśaḥ ||
vadhyamānā hayās te tu prādravanta bhayārditāḥ ||
yathā siṃhān samāsādya mṛgāḥ prāṇaparāyaṇāḥ ||
pāṇḍavās tu mahārāja jitvā śatrūn mahāhave ||
dadhmuḥ śaṅkhāṃś ca bherīś ca tāḍayām āsur āhave ||
Затем царь Юдхиштхира и два Пандавы, сыновья Мадри, в бою мощно встретили натиск конников, как берег великого океана сдерживает водный напор, когда океан в полнолуние разливается, наполняемый сезоном дождей, великий царь. После этого эти ратхины, царь, стрелами с загнутыми узлами стали отсекать головы конных всадников. Сражённые крепколукими воинами, они падали, великий царь, как великие слоны, поверженные слонами в горных ущельях. Но и конники, носясь во все десять направлений, очень острыми прасами и стрелами с загнутыми узлами отсекали головы. Подъехавшие вплотную всадники, о бык Бхаратов, ришти срезали головы, словно плоды с большого дерева. Кони вместе с всадниками, повсюду сражённые, падали и сбивались сотнями и тысячами. Эти кони, поражаемые и мучимые страхом, побежали прочь, как звери, встретив львов и стремясь сохранить жизнь. Пандавы же, великий царь, победив врагов в великой битве, затрубили в раковины и стали бить в бхери на поле».
c3ad452b2781 · опубликовано 17 июл. 2026 г., 21:55:41 UTC
Доступно наRUENЛистайте стихи клавишами
Юдхиштхира и сыновья Мадри не просто выдерживают конную волну; они возвращают порядок Пандавскому войску. Их победный звук после хаоса ржания обозначает восстановление контроля.