अपरे तत्र तत्रैव परिधावन्ति मानिनः ॥
ज्ञातिभिः पतितैः शूरैर् याच्यमानास् तथोदकम् ॥
जलार्थं च गताः के चिन् निष्प्राणा बहवो ऽर्जुन ॥
संनिवृत्ताश् च ते शूरास् तान् दृष्ट्वैव विचेतसः ॥
जलं दृष्ट्वा प्रधावन्ति क्रोशमानाः परस्परम् ॥
जलं पीत्वा मृतान् पश्य पिबतो ऽन्यांश् च भारत ॥
परित्यज्य प्रियान् अन्ये बान्धवान् बान्धवप्रिय ॥
व्युत्क्रान्ताः समदृश्यन्त तत्र तत्र महारणे ॥
पश्यापरान् नरश्रेष्ठ संदष्टौष्ठपुटान् पुनः ॥
भ्रुकुटीकुटिलैर् वक्त्रैः प्रेक्षमाणान् समन्ततः ॥
एतत् तवैवानुरूपं कर्मार्जुन महाहवे ॥
दिवि वा देवराजस्य त्वया यत् कृतम् आहवे ॥
एवं तां दर्शयन् कृष्णो युद्धभूमिं किरीटिने ॥
गच्छन्न् एवाशृणोच् छब्दं दुर्योधनबले महत् ॥
शङ्खदुन्दुभिनिर्घोषान् भेरीपणवमिश्रितान् ॥
रथाश्वगजनादांश् च शस्त्रशब्दांश् च दारुणान् ॥
प्रविश्य तद् बलं कृष्णस् तुरगैर् वातवेगिभिः ॥
पाण्ड्येनाभ्यर्दितां सेनां त्वदीयां वीक्ष्य धिष्ठितः ॥
स हि नानाविधैर् बाणैर् इष्वासप्रवरो युधि ॥
न्यहनद् द्विषतां व्रातान् गतासून् अन्तको यथा ॥
गजवाजिमनुष्याणां शरीराणि शितैः शरैः ॥
भित्त्वा प्रहरतां श्रेष्ठो विदेहासूंश् चकार सः ॥
शत्रुप्रवीरैर् अस्तानि नानाशस्त्राणि सायकैः ॥
भित्त्वा तान् अहनत् पाण्ड्यः शत्रूञ् शक्र इवासुरान् ॥
apare tatra tatraiva paridhāvanti māninaḥ ||
jñātibhiḥ patitaiḥ śūrair yācyamānās tathodakam ||
jalārthaṃ ca gatāḥ ke cin niṣprāṇā bahavo 'rjuna ||
saṃnivṛttāś ca te śūrās tān dṛṣṭvaiva vicetasaḥ ||
jalaṃ dṛṣṭvā pradhāvanti krośamānāḥ parasparam ||
jalaṃ pītvā mṛtān paśya pibato 'nyāṃś ca bhārata ||
parityajya priyān anye bāndhavān bāndhavapriya ||
vyutkrāntāḥ samadṛśyanta tatra tatra mahāraṇe ||
paśyāparān naraśreṣṭha saṃdaṣṭauṣṭhapuṭān punaḥ ||
bhrukuṭīkuṭilair vaktraiḥ prekṣamāṇān samantataḥ ||
etat tavaivānurūpaṃ karmārjuna mahāhave ||
divi vā devarājasya tvayā yat kṛtam āhave ||
evaṃ tāṃ darśayan kṛṣṇo yuddhabhūmiṃ kirīṭine ||
gacchann evāśṛṇoc chabdaṃ duryodhanabale mahat ||
śaṅkhadundubhinirghoṣān bherīpaṇavamiśritān ||
rathāśvagajanādāṃś ca śastraśabdāṃś ca dāruṇān ||
praviśya tad balaṃ kṛṣṇas turagair vātavegibhiḥ ||
pāṇḍyenābhyarditāṃ senāṃ tvadīyāṃ vīkṣya dhiṣṭhitaḥ ||
sa hi nānāvidhair bāṇair iṣvāsapravaro yudhi ||
nyahanad dviṣatāṃ vrātān gatāsūn antako yathā ||
gajavājimanuṣyāṇāṃ śarīrāṇi śitaiḥ śaraiḥ ||
bhittvā praharatāṃ śreṣṭho videhāsūṃś cakāra saḥ ||
śatrupravīrair astāni nānāśastrāṇi sāyakaiḥ ||
bhittvā tān ahanat pāṇḍyaḥ śatrūñ śakra ivāsurān ||
Иные гордые воины мечутся повсюду среди павших родичей-героев, которые просят у них воды. Некоторые пошли за водой, но многие уже бездыханны, Арджуна; вернувшиеся герои, увидев их, лишаются рассудка. Увидев воду, они бегут к ней, крича друг другу; смотри, Бхарата: одни умирают, выпив воды, другие ещё пьют. Иные, оставив любимых родичей, о любящий родных, уже видны ушедшими из жизни там и там в великой битве. Смотри, лучший из людей, и на других: с закушенными губами, с лицами, искривлёнными нахмуренными бровями, они глядят вокруг. Этот подвиг, Арджуна, достоин тебя в великой битве, как подобный подвиг был бы достоин царя богов на небе». Так Кришна показывал Киритину поле боя и, продолжая путь, услышал великий шум в войске Дурьодханы: грохот раковин и барабанов, смешанный со звуками бхери и панав, рёв колесниц, коней и слонов и страшный лязг оружия. Войдя на конях, быстрых как ветер, в то войско, Кришна увидел твою армию, теснимую Пандьей. Этот лучший лучник в бою разными стрелами убивал толпы врагов, как Антака лишает существ жизни. Острыми стрелами он пробивал тела слонов, коней и людей и, лучший среди нападающих, лишал их жизни. Разбивая стрелами разное оружие, брошенное лучшими вражескими героями, Пандья убивал врагов, как Шакра убивает асуров».
2cd127f7c0e0 · опубликовано 20 июн. 2026 г., 08:45:27 UTC
Доступно наRUЛистайте стихи клавишами
Финал главы переводит взгляд от ужасов поля к новому очагу битвы: Пандья теснит войско Дурьодханы. Кришна ведёт Арджуну не через отвлечённое созерцание, а через видение реальности к следующему действию.