ते देवाः सहिताः सर्वे पितामहम् अरिंदम ॥
अभिजग्मुस् तदाख्यातुं विप्रकारं सुरेतरैः ॥
ते तत्त्वं सर्वम् आख्याय शिरसाभिप्रणम्य च ॥
वधोपायम् अपृच्छन्त भगवन्तं पितामहम् ॥
श्रुत्वा तद् भगवान् देवो देवान् इदम् उवाच ह ॥
असुराश् च दुरात्मानस् ते चापि विबुधद्विषः ॥
अपराध्यन्ति सततं ये युष्मान् पीडयन्त्य् उत ॥
अहं हि तुल्यः सर्वेषां भूतानां नात्र संशयः ॥
अधार्मिकास् तु हन्तव्या इत्य् अहं प्रब्रवीमि वः ॥
ते यूयं स्थाणुम् ईशानं जिष्णुम् अक्लिष्टकारिणम् ॥
योद्धारं वृणुतादित्याः स तान् हन्ता सुरेतरान् ॥
इति तस्य वचः श्रुत्वा देवाः शक्रपुरोगमाः ॥
ब्रह्माणम् अग्रतः कृत्वा वृषाङ्कं शरणं ययुः ॥
तपः परं समातस्थुर् गृणन्तो ब्रह्म शाश्वतम् ॥
ऋषिभिः सह धर्मज्ञा भवं सर्वात्मना गताः ॥
तुष्टुवुर् वाग्भिर् अर्थ्याभिर् भयेष्व् अभयकृत्तमम् ॥
सर्वात्मानं महात्मानं येनाप्तं सर्वम् आत्मना ॥
तपोविशेषैर् बहुभिर् योगं यो वेद चात्मनः ॥
यः सांख्यम् आत्मनो वेद यस्य चात्मा वशे सदा ॥
ते तं ददृशुर् ईशानं तेजोराशिम् उमापतिम् ॥
अनन्यसदृशं लोके व्रतवन्तम् अकल्मषम् ॥
एकं च भगवन्तं ते नानारूपम् अकल्पयन् ॥
आत्मनः प्रतिरूपाणि रूपाण्य् अथ महात्मनि ॥
परस्परस्य चापश्यन् सर्वे परमविस्मिताः ॥
सर्वभूतमयं चेशं तम् अजं जगतः पतिम् ॥
देवा ब्रह्मर्षयश् चैव शिरोभिर् धरणीं गताः ॥
तान् स्वस्तिवाक्येनाभ्यर्च्य समुत्थाप्य च शंकरः ॥
ब्रूत ब्रूतेति भगवान् स्मयमानो ऽभ्यभाषत ॥
te devāḥ sahitāḥ sarve pitāmaham ariṃdama ||
abhijagmus tadākhyātuṃ viprakāraṃ suretaraiḥ ||
te tattvaṃ sarvam ākhyāya śirasābhipraṇamya ca ||
vadhopāyam apṛcchanta bhagavantaṃ pitāmaham ||
śrutvā tad bhagavān devo devān idam uvāca ha ||
asurāś ca durātmānas te cāpi vibudhadviṣaḥ ||
aparādhyanti satataṃ ye yuṣmān pīḍayanty uta ||
ahaṃ hi tulyaḥ sarveṣāṃ bhūtānāṃ nātra saṃśayaḥ ||
adhārmikās tu hantavyā ity ahaṃ prabravīmi vaḥ ||
te yūyaṃ sthāṇum īśānaṃ jiṣṇum akliṣṭakāriṇam ||
yoddhāraṃ vṛṇutādityāḥ sa tān hantā suretarān ||
iti tasya vacaḥ śrutvā devāḥ śakrapurogamāḥ ||
brahmāṇam agrataḥ kṛtvā vṛṣāṅkaṃ śaraṇaṃ yayuḥ ||
tapaḥ paraṃ samātasthur gṛṇanto brahma śāśvatam ||
ṛṣibhiḥ saha dharmajñā bhavaṃ sarvātmanā gatāḥ ||
tuṣṭuvur vāgbhir arthyābhir bhayeṣv abhayakṛttamam ||
sarvātmānaṃ mahātmānaṃ yenāptaṃ sarvam ātmanā ||
tapoviśeṣair bahubhir yogaṃ yo veda cātmanaḥ ||
yaḥ sāṃkhyam ātmano veda yasya cātmā vaśe sadā ||
te taṃ dadṛśur īśānaṃ tejorāśim umāpatim ||
ananyasadṛśaṃ loke vratavantam akalmaṣam ||
ekaṃ ca bhagavantaṃ te nānārūpam akalpayan ||
ātmanaḥ pratirūpāṇi rūpāṇy atha mahātmani ||
parasparasya cāpaśyan sarve paramavismitāḥ ||
sarvabhūtamayaṃ ceśaṃ tam ajaṃ jagataḥ patim ||
devā brahmarṣayaś caiva śirobhir dharaṇīṃ gatāḥ ||
tān svastivākyenābhyarcya samutthāpya ca śaṃkaraḥ ||
brūta brūteti bhagavān smayamāno 'bhyabhāṣata ||
Тогда все боги вместе пришли к Прародителю, о укротитель врагов, чтобы рассказать о притеснении со стороны асуров. Рассказав всё как было и склонив головы, они спросили у благословенного Прародителя о средстве уничтожения. Услышав это, благословенный бог сказал богам: “Эти злонравные асуры, ненавистники богов, постоянно преступают закон, потому что мучают вас. Я одинаков ко всем существам, в этом нет сомнения; но неправедные должны быть уничтожены — так я говорю вам. Поэтому вы, Адитьи, изберите своим воином Стану, Ишану, победителя, действующего без труда: он убьёт этих асуров”. Услышав его слово, боги во главе с Шакрой поставили Брахму впереди и пошли за прибежищем к быкознаменному. Вместе с риши, знатоки дхармы, они всем существом обратились к Бхаве, совершали высшую тапасью и воспевали вечного Брахмана. Достойными речами они славили великодушного Всеобщего, лучшего дарителя бесстрашия в опасностях, того, кто содержит всё в себе, кто множеством особых тапасий знает йогу души, кто знает санкхью души и всегда владеет собой. Они увидели Ишану, сгусток сияния, супруга Умы, несравненного в мире, обетного и безупречного. В едином благословенном Господе они увидели множество форм; в этой великой душе они увидели свои собственные образы и образы друг друга и были крайне изумлены. Боги и брахмариши пали головами на землю перед нерождённым Господом, состоящим из всех существ, владыкой мира. Шанкара почтил их благословенной речью, поднял и, улыбаясь, сказал: “Говорите, говорите”».
c340e1bbc33d · опубликовано 20 июн. 2026 г., 05:01:16 UTC
Доступно наRUЛистайте стихи клавишами
Брахма не действует из пристрастия: он равен ко всем, но указывает, что адхарма подлежит прекращению. Боги идут к Шиве не просто за оружием, а к тому, в ком видят все формы и все существа.