ततो ऽधिरूढे वरदे प्रयाते चासुरान् प्रति ॥
साधु साध्व् इति विश्वेशः स्मयमानो ऽभ्यभाषत ॥
याहि देव यतो दैत्याश् चोदयाश्वान् अतन्द्रितः ॥
पश्य बाह्वोर् बलं मे ऽद्य निघ्नतः शात्रवान् रणे ॥
ततस् तांश् चोदयाम् आस वायुवेगसमाञ् जवे ॥
येन तत् त्रिपुरं राजन् दैत्यदानवरक्षितम् ॥
अथाधिज्यं धनुः कृत्वा शर्वः संधाय तं शरम् ॥
युक्त्वा पाशुपतास्त्रेण त्रिपुरं समचिन्तयत् ॥
तस्मिन् स्थिते तदा राजन् क्रुद्धे विधृतकार्मुके ॥
पुराणि तानि कालेन जग्मुर् एकत्वतां तदा ॥
एकीभावं गते चैव त्रिपुरे समुपागते ॥
बभूव तुमुलो हर्षो दैवतानां महात्मनाम् ॥
ततो देवगणाः सर्वे सिद्धाश् च परमर्षयः ॥
जयेति वाचो मुमुचुः संस्तुवन्तो मुदान्विताः ॥
ततो ऽग्रतः प्रादुरभूत् त्रिपुरं जघ्नुषो ऽसुरान् ॥
अनिर्देश्योग्रवपुषो देवस्यासह्यतेजसः ॥
स तद् विकृष्य भगवान् दिव्यं लोकेश्वरो धनुः ॥
त्रैलोक्यसारं तम् इषुं मुमोच त्रिपुरं प्रति ॥
तत् सासुरगणं दग्ध्वा प्राक्षिपत् पश्चिमार्णवे ॥
एवं तत् त्रिपुरं दग्धं दानवाश् चाप्य् अशेषतः ॥
महेश्वरेण क्रुद्धेन त्रैलोक्यस्य हितैषिणा ॥
स चात्मक्रोधजो वह्निर् हाहेत्य् उक्त्वा निवारितः ॥
मा कार्षीर् भस्मसाल् लोकान् इति त्र्यक्षो ऽब्रवीच् च तम् ॥
ततः प्रकृतिम् आपन्ना देवा लोकास् तथर्षयः ॥
तुष्टुवुर् वाग्भिर् अर्थ्याभिः स्थाणुम् अप्रतिमौजसम् ॥
ते ऽनुज्ञाता भगवता जग्मुः सर्वे यथागतम् ॥
कृतकामाः प्रसन्नेन प्रजापतिमुखाः सुराः ॥
यथैव भगवान् ब्रह्मा लोकधाता पितामहः ॥
संयच्छ त्वं हयान् अस्य राधेयस्य महात्मनः ॥
त्वं हि कृष्णाच् च कर्णाच् च फल्गुनाच् च विशेषतः ॥
विशिष्टो राजशार्दूल नास्ति तत्र विचारणा ॥
युद्धे ह्य् अयं रुद्रकल्पस् त्वं च ब्रह्मसमो ऽनघ ॥
तस्माच् छक्तौ युवां जेतुं मच्छत्रूंस् ताव् इवासुरान् ॥
यथा शल्याद्य कर्णो ऽयं श्वेताश्वं कृष्णसारथिम् ॥
प्रमथ्य हन्यात् कौन्तेयं तथा शीघ्रं विधीयताम् ॥
त्वयि कर्णश् च राज्यं च वयं चैव प्रतिष्ठिताः ॥
tato 'dhirūḍhe varade prayāte cāsurān prati ||
sādhu sādhv iti viśveśaḥ smayamāno 'bhyabhāṣata ||
yāhi deva yato daityāś codayāśvān atandritaḥ ||
paśya bāhvor balaṃ me 'dya nighnataḥ śātravān raṇe ||
tatas tāṃś codayām āsa vāyuvegasamāñ jave ||
yena tat tripuraṃ rājan daityadānavarakṣitam ||
athādhijyaṃ dhanuḥ kṛtvā śarvaḥ saṃdhāya taṃ śaram ||
yuktvā pāśupatāstreṇa tripuraṃ samacintayat ||
tasmin sthite tadā rājan kruddhe vidhṛtakārmuke ||
purāṇi tāni kālena jagmur ekatvatāṃ tadā ||
ekībhāvaṃ gate caiva tripure samupāgate ||
babhūva tumulo harṣo daivatānāṃ mahātmanām ||
tato devagaṇāḥ sarve siddhāś ca paramarṣayaḥ ||
jayeti vāco mumucuḥ saṃstuvanto mudānvitāḥ ||
tato 'grataḥ prādurabhūt tripuraṃ jaghnuṣo 'surān ||
anirdeśyogravapuṣo devasyāsahyatejasaḥ ||
sa tad vikṛṣya bhagavān divyaṃ lokeśvaro dhanuḥ ||
trailokyasāraṃ tam iṣuṃ mumoca tripuraṃ prati ||
tat sāsuragaṇaṃ dagdhvā prākṣipat paścimārṇave ||
evaṃ tat tripuraṃ dagdhaṃ dānavāś cāpy aśeṣataḥ ||
maheśvareṇa kruddhena trailokyasya hitaiṣiṇā ||
sa cātmakrodhajo vahnir hāhety uktvā nivāritaḥ ||
mā kārṣīr bhasmasāl lokān iti tryakṣo 'bravīc ca tam ||
tataḥ prakṛtim āpannā devā lokās tatharṣayaḥ ||
tuṣṭuvur vāgbhir arthyābhiḥ sthāṇum apratimaujasam ||
te 'nujñātā bhagavatā jagmuḥ sarve yathāgatam ||
kṛtakāmāḥ prasannena prajāpatimukhāḥ surāḥ ||
yathaiva bhagavān brahmā lokadhātā pitāmahaḥ ||
saṃyaccha tvaṃ hayān asya rādheyasya mahātmanaḥ ||
tvaṃ hi kṛṣṇāc ca karṇāc ca phalgunāc ca viśeṣataḥ ||
viśiṣṭo rājaśārdūla nāsti tatra vicāraṇā ||
yuddhe hy ayaṃ rudrakalpas tvaṃ ca brahmasamo 'nagha ||
tasmāc chaktau yuvāṃ jetuṃ macchatrūṃs tāv ivāsurān ||
yathā śalyādya karṇo 'yaṃ śvetāśvaṃ kṛṣṇasārathim ||
pramathya hanyāt kaunteyaṃ tathā śīghraṃ vidhīyatām ||
tvayi karṇaś ca rājyaṃ ca vayaṃ caiva pratiṣṭhitāḥ ||
Когда даритель благ взошёл и отправился против асуров, Владыка мира, улыбаясь, сказал: “Хорошо, хорошо. Езжай, бог, туда, где дайтьи; неутомимо погоняй коней и сегодня увидишь силу моих рук, когда я буду поражать врагов в бою”. Тогда Брахма погнал коней, быстрых как ветер, туда, где находилась Трипура, охраняемая дайтьями и данавами. Шарва натянул лук, наложил стрелу, соединил её с Пашупата-астрой и сосредоточился на Трипуре. Когда он стоял разгневанный с поднятым луком, о царь, те города в назначенный срок стали одним. Когда Трипура соединилась, у великодушных богов возник бурный восторг. Все сонмы богов, сиддхи и высшие риши, радостно восхваляя, воскликнули: “Победа!” Затем Трипура явилась перед богом невыносимой силы и неописуемо страшного облика, губителем асуров. Благословенный владыка мира натянул божественный лук и выпустил в Трипуру ту стрелу, сущность трёх миров. Сжёгши её вместе с сонмом асуров, он низверг её в западный океан. Так разгневанный Махешвара, желающий блага трёх миров, сжёг Трипуру и всех данавов без остатка. Огонь, рождённый его собственным гневом, был остановлен; Трёхглазый сказал ему: “Не превращай миры в пепел”. Тогда боги, миры и риши вернулись к своему естественному состоянию и достойными речами прославили Стану несравненной силы. Получив позволение довольного Господа и достигнув желаемого, все суры во главе с Праджапати ушли, как пришли. Поэтому, как благословенный Брахма, Прародитель и миродержатель, правил конями Шивы, так и ты правь конями этого великодушного Радхеи. Ты превосходишь Кришну, Карну и особенно Пхалгуну, о тигр царей; в этом нет сомнения. В битве Карна подобен Рудре, а ты, безгрешный, равен Брахме; поэтому вы двое способны победить моих врагов, как те двое победили асуров. Сделай так, Шалья, чтобы сегодня этот Карна, разбив белоконного Каунтею с Кришной-возницей, быстро убил его. На тебе держатся Карна, царство и все мы».
635499d637df · опубликовано 20 июн. 2026 г., 05:01:16 UTC
Доступно наRUЛистайте стихи клавишами
Дурьодхана наконец раскрывает смысл притчи: Шалья должен увидеть в роли возницы не унижение, а положение Брахмы при Шиве. Но его сравнение также выдаёт отчаяние: вся судьба царства стягивается к одному дню, одной колеснице и одному выбору.