माद्रीपुत्रौ ततः शूरौ व्यतिक्रम्य महारथौ ॥
धृष्टद्युम्नस् तव सुतं ताडयाम् आस सायकैः ॥
तम् अविध्यद् अमेयात्मा तव पुत्रो ऽत्यमर्षणः ॥
पाञ्चाल्यं पञ्चविंशत्या प्रहस्य पुरुषर्षभ ॥
ततः पुनर् अमेयात्मा पुत्रस् ते पृथिवीपते ॥
विद्ध्वा ननाद पाञ्चाल्यं षष्ट्या पञ्चभिर् एव च ॥
अथास्य सशरं चापं हस्तावापं च मारिष ॥
क्षुरप्रेण सुतीक्ष्णेन राजा चिच्छेद संयुगे ॥
तद् अपास्य धनुश् छिन्नं पाञ्चाल्यः शत्रुकर्शनः ॥
अन्यद् आदत्त वेगेन धनुर् भारसहं नवम् ॥
प्रज्वलन्न् इव वेगेन संरम्भाद् रुधिरेक्षणः ॥
अशोभत महेष्वासो धृष्टद्युम्नः कृतव्रणः ॥
स पञ्चदश नाराचाञ् श्वसतः पन्नगान् इव ॥
जिघांसुर् भरतश्रेष्ठं धृष्टद्युम्नो व्यवासृजत् ॥
ते वर्म हेमविकृतं भित्त्वा राज्ञः शिलाशिताः ॥
विविशुर् वसुधां वेगात् कङ्कबर्हिणवाससः ॥
सो ऽतिविद्धो महाराज पुत्रस् ते ऽतिव्यराजत ॥
वसन्ते पुष्पशबलः सपुष्प इव किंशुकः ॥
स छिन्नवर्मा नाराचैः प्रहारैर् जर्जरच्छविः ॥
धृष्टद्युम्नस्य भल्लेन क्रुद्धश् चिच्छेद कार्मुकम् ॥
mādrīputrau tataḥ śūrau vyatikramya mahārathau ||
dhṛṣṭadyumnas tava sutaṃ tāḍayām āsa sāyakaiḥ ||
tam avidhyad ameyātmā tava putro 'tyamarṣaṇaḥ ||
pāñcālyaṃ pañcaviṃśatyā prahasya puruṣarṣabha ||
tataḥ punar ameyātmā putras te pṛthivīpate ||
viddhvā nanāda pāñcālyaṃ ṣaṣṭyā pañcabhir eva ca ||
athāsya saśaraṃ cāpaṃ hastāvāpaṃ ca māriṣa ||
kṣurapreṇa sutīkṣṇena rājā ciccheda saṃyuge ||
tad apāsya dhanuś chinnaṃ pāñcālyaḥ śatrukarśanaḥ ||
anyad ādatta vegena dhanur bhārasahaṃ navam ||
prajvalann iva vegena saṃrambhād rudhirekṣaṇaḥ ||
aśobhata maheṣvāso dhṛṣṭadyumnaḥ kṛtavraṇaḥ ||
sa pañcadaśa nārācāñ śvasataḥ pannagān iva ||
jighāṃsur bharataśreṣṭhaṃ dhṛṣṭadyumno vyavāsṛjat ||
te varma hemavikṛtaṃ bhittvā rājñaḥ śilāśitāḥ ||
viviśur vasudhāṃ vegāt kaṅkabarhiṇavāsasaḥ ||
so 'tividdho mahārāja putras te 'tivyarājata ||
vasante puṣpaśabalaḥ sapuṣpa iva kiṃśukaḥ ||
sa chinnavarmā nārācaiḥ prahārair jarjaracchaviḥ ||
dhṛṣṭadyumnasya bhallena kruddhaś ciccheda kārmukam ||
Дхриштадьюмна, обойдя двух героев, махаратхов сыновей Мадри, поразил твоего сына стрелами. Твой сын, яростный и неизмеримый духом, с усмешкой пронзил Панчалу двадцатью пятью стрелами, о бык среди людей. Затем он снова поразил Панчалу шестьюдесятью пятью стрелами и заревел. После этого царь очень острой бритвенной стрелой рассёк его лук с наложенной стрелой и защиту руки, почтенный. Отбросив рассечённый лук, Панчала, мучитель врагов, быстро взял другой, новый и крепкий лук. Израненный Дхриштадьюмна, великий лучник, сиял, словно вспыхивая от ярости, с глазами, налившимися кровью. Желая убить лучшего Бхаратов, он выпустил пятнадцать нарачей, подобных дышащим змеям. Эти каменноострые стрелы с пёстрым оперением пробили золотую броню царя и от скорости вошли в землю. Тяжело пронзённый, твой сын, великий царь, ярко сиял, словно пёстрый от цветов кимшука весной. С пробитой нарачами бронёй и телом, измученным ударами, он в гневе бхаллой рассёк лук Дхриштадьюмны».
748625451218 · опубликовано 20 июн. 2026 г., 06:21:34 UTC
Доступно наRUЛистайте стихи клавишами
Дхриштадьюмна вступает как полководец, но Дурьодхана отвечает ему лично и выдерживает удар. Образ цветущего кимшуки жесток: красота на поле боя возникает от крови и ран, а не от жизни.