सिंहकेतुं रोचमानं शलभं च महारथम् ॥
निजघान सुसंक्रुद्धश् चेदीनां च महारथान् ॥
तेषाम् आददतः प्राणान् आसीद् आधिरथेर् वपुः ॥
शोणिताभ्युक्षिताङ्गस्य रुद्रस्येवोर्जितं महत् ॥
तत्र भारत कर्णेन मातङ्गास् ताडिताः शरैः ॥
सर्वतो ऽभ्यद्रवन् भीताः कुर्वन्तो महद् आकुलम् ॥
निपेतुर् उर्व्यां समरे कर्णसायकपीडिताः ॥
कुर्वन्तो विविधान् नादान् वज्रनुन्ना इवाचलाः ॥
गजवाजिमनुष्यैश् च निपतद्भिः समन्ततः ॥
रथैश् चावगतैर् मार्गे पर्यस्तीर्यत मेदिनी ॥
नैव भीष्मो न च द्रोणो नाप्य् अन्ये युधि तावकाः ॥
चक्रुः स्म तादृशं कर्म यादृशं वै कृतं रणे ॥
सूतपुत्रेण नागेषु रथेषु च हयेषु च ॥
नरेषु च नरव्याघ्र कृतं स्म कदनं महत् ॥
मृगमध्ये यथा सिंहो दृश्यते निर्भयश् चरन् ॥
पाञ्चालानां तथा मध्ये कर्णो ऽचरद् अभीतवत् ॥
यथा मृगगणांस् त्रस्तान् सिंहो द्रावयते दिशः ॥
पाञ्चालानां रथव्रातान् कर्णो द्रावयते तथा ॥
सिंहास्यं च यथा प्राप्य न जीवन्ति मृगाः क्व चित् ॥
तथा कर्णम् अनुप्राप्य न जीवन्ति महारथाः ॥
siṃhaketuṃ rocamānaṃ śalabhaṃ ca mahāratham ||
nijaghāna susaṃkruddhaś cedīnāṃ ca mahārathān ||
teṣām ādadataḥ prāṇān āsīd ādhirather vapuḥ ||
śoṇitābhyukṣitāṅgasya rudrasyevorjitaṃ mahat ||
tatra bhārata karṇena mātaṅgās tāḍitāḥ śaraiḥ ||
sarvato 'bhyadravan bhītāḥ kurvanto mahad ākulam ||
nipetur urvyāṃ samare karṇasāyakapīḍitāḥ ||
kurvanto vividhān nādān vajranunnā ivācalāḥ ||
gajavājimanuṣyaiś ca nipatadbhiḥ samantataḥ ||
rathaiś cāvagatair mārge paryastīryata medinī ||
naiva bhīṣmo na ca droṇo nāpy anye yudhi tāvakāḥ ||
cakruḥ sma tādṛśaṃ karma yādṛśaṃ vai kṛtaṃ raṇe ||
sūtaputreṇa nāgeṣu ratheṣu ca hayeṣu ca ||
nareṣu ca naravyāghra kṛtaṃ sma kadanaṃ mahat ||
mṛgamadhye yathā siṃho dṛśyate nirbhayaś caran ||
pāñcālānāṃ tathā madhye karṇo 'carad abhītavat ||
yathā mṛgagaṇāṃs trastān siṃho drāvayate diśaḥ ||
pāñcālānāṃ rathavrātān karṇo drāvayate tathā ||
siṃhāsyaṃ ca yathā prāpya na jīvanti mṛgāḥ kva cit ||
tathā karṇam anuprāpya na jīvanti mahārathāḥ ||
Сильно разгневанный Карна сразил Синхакету, Рочаману, махаратху Шалабху и великих воинов Чеди. Когда сын Адхиратхи отнимал у них жизни, его тело, обагрённое кровью, стало великим и могучим, словно тело Рудры. Там слоны, поражённые стрелами Карны, испуганно метались во все стороны, создавая великое смятение. Измученные стрелами Карны, они падали на землю в бою, издавая разные звуки, как горы, ударенные ваджрой. Земля была устлана падающими повсюду слонами, конями и людьми, а также колесницами, застрявшими на пути. Ни Бхишма, ни Дрона, ни другие твои воины в бою не совершали такого дела, какое было совершено сыном суты. Среди слонов, колесниц, коней и людей, о тигр среди людей, Карна устроил великое избиение. Как лев бесстрашно движется среди зверей, так Карна ходил среди Панчалов без страха. Как лев гонит испуганные стада зверей по сторонам, так Карна разгонял скопления колесниц Панчалов. И как звери, попав в пасть льва, нигде не остаются в живых, так махаратхи, встретившись с Карной, не выживали».
4e97ad7d6686 · опубликовано 20 июн. 2026 г., 06:21:34 UTC
Доступно наRUЛистайте стихи клавишами
Санджая сравнивает Карну то с Рудрой, то со львом. Эти образы не прославляют насилие как благо: они показывают, что энергия героя, оторванная от праведного основания, становится почти космической силой разрушения.