धृतराष्ट्र उवाच
प्राग् एव सुमहत् कर्म द्रौणिर् एतन् महारथः ॥
नाकरोद् ईदृशं कस्मान् मत्पुत्रविजये धृतः ॥
अथ कस्माद् धते क्षत्रे कर्मेदं कृतवान् असौ ॥
द्रोणपुत्रो महेष्वासस् तन् मे शंसितुम् अर्हसि ॥
संजय उवाच
तेषां नूनं भयान् नासौ कृतवान् कुरुनन्दन ॥
असांनिध्याद् धि पार्थानां केशवस्य च धीमतः ॥
सात्यकेश् चापि कर्मेदं द्रोणपुत्रेण साधितम् ॥
न हि तेषां समक्षं तान् हन्याद् अपि मरुत्पतिः ॥
एतद् ईदृशकं वृत्तं राजन् सुप्तजने विभो ॥
ततो जनक्षयं कृत्वा पाण्डवानां महात्ययम् ॥
दिष्ट्या दिष्ट्येति चान्योन्यं समेत्योचुर् महारथाः ॥
पर्यष्वजत् ततो द्रौणिस् ताभ्यां च प्रतिनन्दितः ॥
इदं हर्षाच् च सुमहद् आददे वाक्यम् उत्तमम् ॥
पाञ्चाला निहताः सर्वे द्रौपदेयाश् च सर्वशः ॥
सोमका मत्स्यशेषाश् च सर्वे विनिहता मया ॥
इदानीं कृतकृत्याः स्म याम तत्रैव माचिरम् ॥
यदि जीवति नो राजा तस्मै शंसामहे प्रियम् ॥
dhṛtarāṣṭra uvāca
prāg eva sumahat karma drauṇir etan mahārathaḥ ||
nākarod īdṛśaṃ kasmān matputravijaye dhṛtaḥ ||
atha kasmād dhate kṣatre karmedaṃ kṛtavān asau ||
droṇaputro maheṣvāsas tan me śaṃsitum arhasi ||
saṃjaya uvāca
teṣāṃ nūnaṃ bhayān nāsau kṛtavān kurunandana ||
asāṃnidhyād dhi pārthānāṃ keśavasya ca dhīmataḥ ||
sātyakeś cāpi karmedaṃ droṇaputreṇa sādhitam ||
na hi teṣāṃ samakṣaṃ tān hanyād api marutpatiḥ ||
etad īdṛśakaṃ vṛttaṃ rājan suptajane vibho ||
tato janakṣayaṃ kṛtvā pāṇḍavānāṃ mahātyayam ||
diṣṭyā diṣṭyeti cānyonyaṃ sametyocur mahārathāḥ ||
paryaṣvajat tato drauṇis tābhyāṃ ca pratinanditaḥ ||
idaṃ harṣāc ca sumahad ādade vākyam uttamam ||
pāñcālā nihatāḥ sarve draupadeyāś ca sarvaśaḥ ||
somakā matsyaśeṣāś ca sarve vinihatā mayā ||
idānīṃ kṛtakṛtyāḥ sma yāma tatraiva māciram ||
yadi jīvati no rājā tasmai śaṃsāmahe priyam ||
Дхритараштра сказал: «Почему этот махаратха Драуни, решительный ради победы моих сыновей, не совершил такого великого дела раньше? И почему сын Дроны, великий лучник, совершил это дело уже после гибели кшатриев? Ты должен объяснить мне это». Санджая сказал: «Несомненно, из страха перед ними он не сделал этого раньше, о радость Куру. Это дело было совершено сыном Дроны потому, что рядом не было Партхов, мудрого Кешавы и Сатьяки. Ведь в их присутствии даже Марутпати не убил бы тех воинов. Таково было это событие среди спящих людей, о царь, о владыка. Совершив гибель людей и нанеся Пандавам огромный ущерб, махаратхи встретились и говорили друг другу: “К счастью! К счастью!” Затем Драуни обнял их, а они приветствовали его; от великой радости он произнёс превосходные слова: “Все Панчалы убиты, и все сыновья Драупади; все Сомаки и остатки Матсьев уничтожены мной. Теперь мы исполнили дело. Пойдём туда без промедления: если наш царь жив, сообщим ему радостную весть”».
2566b86049c4 · опубликовано 20 июн. 2026 г., 12:26:14 UTC
Доступно наRUЛистайте стихи клавишами
Санджая прямо объясняет: это стало возможно только в отсутствие Кришны, Партхов и Сатьяки. Там, где присутствует защита Господа и Его спутников, такая тьма не имеет доступа; когда же защита снята Временем, зрелый плод адхармы падает сразу.