वैशंपायन उवाच
दृष्ट्वैव नरशार्दूलस् ताव् अग्निसमतेजसौ ॥
संजहार शरं दिव्यं त्वरमाणो धनंजयः ॥
उवाच वदतां श्रेष्ठस् ताव् ऋषी प्राञ्जलिस् तदा ॥
प्रयुक्तम् अस्त्रम् अस्त्रेण शाम्यताम् इति वै मया ॥
संहृते परमास्त्रे ऽस्मिन् सर्वान् अस्मान् अशेषतः ॥
पापकर्मा ध्रुवं द्रौणिः प्रधक्ष्यत्य् अस्त्रतेजसा ॥
अत्र यद् धितम् अस्माकं लोकानां चैव सर्वथा ॥
भवन्तौ देवसंकाशौ तथा संहर्तुम् अर्हतः ॥
इत्य् उक्त्वा संजहारास्त्रं पुनर् एव धनंजयः ॥
संहारो दुष्करस् तस्य देवैर् अपि हि संयुगे ॥
विसृष्टस्य रणे तस्य परमास्त्रस्य संग्रहे ॥
न शक्तः पाण्डवाद् अन्यः साक्षाद् अपि शतक्रतुः ॥
ब्रह्मतेजोभवं तद् धि विसृष्टम् अकृतात्मना ॥
न शक्यम् आवर्तयितुं ब्रह्मचारिव्रताद् ऋते ॥
अचीर्णब्रह्मचर्यो यः सृष्ट्वावर्तयते पुनः ॥
तद् अस्त्रं सानुबन्धस्य मूर्धानं तस्य कृन्तति ॥
ब्रह्मचारी व्रती चापि दुरवापम् अवाप्य तत् ॥
परमव्यसनार्तो ऽपि नार्जुनो ऽस्त्रं व्यमुञ्चत ॥
सत्यव्रतधरः शूरो ब्रह्मचारी च पाण्डवः ॥
गुरुवर्ती च तेनास्त्रं संजहारार्जुनः पुनः ॥
vaiśaṃpāyana uvāca
dṛṣṭvaiva naraśārdūlas tāv agnisamatejasau ||
saṃjahāra śaraṃ divyaṃ tvaramāṇo dhanaṃjayaḥ ||
uvāca vadatāṃ śreṣṭhas tāv ṛṣī prāñjalis tadā ||
prayuktam astram astreṇa śāmyatām iti vai mayā ||
saṃhṛte paramāstre 'smin sarvān asmān aśeṣataḥ ||
pāpakarmā dhruvaṃ drauṇiḥ pradhakṣyaty astratejasā ||
atra yad dhitam asmākaṃ lokānāṃ caiva sarvathā ||
bhavantau devasaṃkāśau tathā saṃhartum arhataḥ ||
ity uktvā saṃjahārāstraṃ punar eva dhanaṃjayaḥ ||
saṃhāro duṣkaras tasya devair api hi saṃyuge ||
visṛṣṭasya raṇe tasya paramāstrasya saṃgrahe ||
na śaktaḥ pāṇḍavād anyaḥ sākṣād api śatakratuḥ ||
brahmatejobhavaṃ tad dhi visṛṣṭam akṛtātmanā ||
na śakyam āvartayituṃ brahmacārivratād ṛte ||
acīrṇabrahmacaryo yaḥ sṛṣṭvāvartayate punaḥ ||
tad astraṃ sānubandhasya mūrdhānaṃ tasya kṛntati ||
brahmacārī vratī cāpi duravāpam avāpya tat ||
paramavyasanārto 'pi nārjuno 'straṃ vyamuñcata ||
satyavratadharaḥ śūro brahmacārī ca pāṇḍavaḥ ||
guruvartī ca tenāstraṃ saṃjahārārjunaḥ punaḥ ||
Вайшампаяна сказал: «Увидев двух риши, сияющих как огонь, тигр среди людей Дхананджая поспешно отозвал божественную стрелу. Сложив ладони, лучший из говорящих сказал двум риши: “Я выпустил астру лишь для того, чтобы оружие было усмирено оружием. Если эта высшая астра будет отозвана, злодей Драуни несомненно сожжёт всех нас без остатка жаром своего оружия. Что здесь благо для нас и для всех миров, то вы, богоподобные, и должны совершить”. Сказав это, Дхананджая вновь отозвал оружие. Отзыв этой высшей астры, выпущенной в бою, труден даже для богов; кроме Пандавы, на это не был бы способен даже сам Шатакрату. Оружие, рождённое из брахманического сияния, если его выпустил необузданный человек, невозможно вернуть без обета брахмачарьи. Если не прошедший брахмачарью, выпустив его, попытается вернуть, эта астра отсечёт ему голову вместе с его окружением. Арджуна же, брахмачари и хранитель обета, даже обретя труднодостижимую силу и находясь в высшей беде, не злоупотребил астрой. Пандава был героем, державшим обет истины, брахмачари и послушным гуру; поэтому Арджуна смог снова отозвать оружие».
5ca168e7a135 · опубликовано 20 июн. 2026 г., 12:45:07 UTC
Доступно наRUЛистайте стихи клавишами
Сила Арджуны показана не в способности выпустить Брахмаширас, а в способности остановиться. Настоящее владение оружием начинается с владения собой.