वैशंपायन उवाच
ततः काल्यं समुत्थाय कृतपौर्वाह्णिकक्रियाः ॥
ययुस् ते नगराकारै रथैः पाण्डवयादवाः ॥
प्रपद्य च कुरुक्षेत्रं भीष्मम् आसाद्य चानघम् ॥
सुखां च रजनीं पृष्ट्वा गाङ्गेयं रथिनां वरम् ॥
व्यासादीन् अभिवाद्यर्षीन् सर्वैस् तैश् चाभिनन्दिताः ॥
निषेदुर् अभितो भीष्मं परिवार्य समन्ततः ॥
ततो राजा महातेजा धर्मराजो युधिष्ठिरः ॥
अब्रवीत् प्राञ्जलिर् भीष्मं प्रतिपूज्याभिवाद्य च ॥
य एष राजा-राजेति शब्दश् चरति भारत ॥
कथम् एष समुत्पन्नस् तन् मे ब्रूहि पितामह ॥
तुल्यपाणिशिरोग्रीवस् तुल्यबुद्धीन्द्रियात्मकः ॥
तुल्यदुःखसुखात्मा च तुल्यपृष्ठभुजोदरः ॥
तुल्यशुक्रास्थिमज्जश् च तुल्यमांसासृग् एव च ॥
निःश्वासोच्छ्वासतुल्यश् च तुल्यप्राणशरीरवान् ॥
समानजन्ममरणः समः सर्वगुणैर् नृणाम् ॥
विशिष्टबुद्धीञ् शूरांश् च कथम् एको ऽधितिष्ठति ॥
कथम् एको महीं कृत्स्नां वीरशूरार्यसंकुलाम् ॥
रक्षत्य् अपि च लोको ऽस्य प्रसादम् अभिवाञ्छति ॥
एकस्य च प्रसादेन कृत्स्नो लोकः प्रसीदति ॥
व्याकुलेनाकुलः सर्वो भवतीति विनिश्चयः ॥
एतद् इच्छाम्य् अहं सर्वं तत्त्वेन भरतर्षभ ॥
श्रोतुं तन् मे यथातत्त्वं प्रब्रूहि वदतां वर ॥
नैतत् कारणम् अल्पं हि भविष्यति विशां पते ॥
यद् एकस्मिञ् जगत् सर्वं देववद् याति संनतिम् ॥
vaiśaṃpāyana uvāca
tataḥ kālyaṃ samutthāya kṛtapaurvāhṇikakriyāḥ ||
yayus te nagarākārai rathaiḥ pāṇḍavayādavāḥ ||
prapadya ca kurukṣetraṃ bhīṣmam āsādya cānagham ||
sukhāṃ ca rajanīṃ pṛṣṭvā gāṅgeyaṃ rathināṃ varam ||
vyāsādīn abhivādyarṣīn sarvais taiś cābhinanditāḥ ||
niṣedur abhito bhīṣmaṃ parivārya samantataḥ ||
tato rājā mahātejā dharmarājo yudhiṣṭhiraḥ ||
abravīt prāñjalir bhīṣmaṃ pratipūjyābhivādya ca ||
ya eṣa rājā-rājeti śabdaś carati bhārata ||
katham eṣa samutpannas tan me brūhi pitāmaha ||
tulyapāṇiśirogrīvas tulyabuddhīndriyātmakaḥ ||
tulyaduḥkhasukhātmā ca tulyapṛṣṭhabhujodaraḥ ||
tulyaśukrāsthimajjaś ca tulyamāṃsāsṛg eva ca ||
niḥśvāsocchvāsatulyaś ca tulyaprāṇaśarīravān ||
samānajanmamaraṇaḥ samaḥ sarvaguṇair nṛṇām ||
viśiṣṭabuddhīñ śūrāṃś ca katham eko 'dhitiṣṭhati ||
katham eko mahīṃ kṛtsnāṃ vīraśūrāryasaṃkulām ||
rakṣaty api ca loko 'sya prasādam abhivāñchati ||
ekasya ca prasādena kṛtsno lokaḥ prasīdati ||
vyākulenākulaḥ sarvo bhavatīti viniścayaḥ ||
etad icchāmy ahaṃ sarvaṃ tattvena bharatarṣabha ||
śrotuṃ tan me yathātattvaṃ prabrūhi vadatāṃ vara ||
naitat kāraṇam alpaṃ hi bhaviṣyati viśāṃ pate ||
yad ekasmiñ jagat sarvaṃ devavad yāti saṃnatim ||
Вайшампаяна сказал: «Наутро Пандавы и Ядавы, совершив утренние обряды, отправились на величественных колесницах к Курукшетре. Они подошли к безгрешному Бхишме, лучшему из колесничих, спросили, спокойно ли прошла ночь, поклонились Вьясе и другим риши, были приветствованы ими и сели вокруг Бхишмы». Тогда великий царь Юдхиштхира, почтив Бхишму и сложив ладони, спросил: «О Бхарата, как возникло это слово, которое ходит среди людей: “царь, царь”? Скажи мне, праотец. Люди равны руками, головами, шеями, разумом, чувствами, счастьем и страданием, спиной, руками, животом, семенем, костями, мозгом, плотью, кровью, дыханием, жизнью и телом; они одинаково рождаются и умирают. Как же один человек властвует над людьми, среди которых есть умные и героические? Как один защищает всю землю, полную героев и благородных, и почему мир желает его милости? От милости одного успокаивается весь мир, а когда он смущён, всё смущается. Я хочу услышать это в истине, лучший из говорящих. Ведь причина не может быть малой, если весь мир склоняется перед одним человеком как перед богом».
82c162b65551 · опубликовано 21 июн. 2026 г., 10:32:55 UTC
Доступно наRUЛистайте стихи клавишами
Юдхиштхира задаёт политический вопрос как вопрос о dharma: если люди телесно равны и смертны, чем оправдана власть одного над многими. Бхишма будет выводить царскую власть не из силы, а из космической потребности в защите дхармы.