तम् ऊचुर् अथ देवास् ते ते चैव परमर्षयः ॥
नियतो यत्र धर्मो वै तम् अशङ्कः समाचर ॥
प्रियाप्रिये परित्यज्य समः सर्वेषु जन्तुषु ॥
कामक्रोधौ च लोभं च मानं चोत्सृज्य दूरतः ॥
यश् च धर्मात् प्रविचलेल् लोके कश् चन मानवः ॥
निग्राह्यस् ते स बाहुभ्यां शश्वद् धर्मम् अवेक्षतः ॥
प्रतिज्ञां चाधिरोहस्व मनसा कर्मणा गिरा ॥
पालयिष्याम्य् अहं भौमं ब्रह्म इत्य् एव चासकृत् ॥
यश् चात्र धर्मनीत्य् उक्तो दण्डनीतिव्यपाश्रयः ॥
तम् अशङ्कः करिष्यामि स्ववशो न कदा चन ॥
अदण्ड्या मे द्विजाश् चेति प्रतिजानीष्व चाभिभो ॥
लोकं च संकरात् कृत्स्नात् त्रातास्मीति परंतप ॥
वैन्यस् ततस् तान् उवाच देवान् ऋषिपुरोगमान् ॥
ब्राह्मणा मे सहायाश् चेद् एवम् अस्तु सुरर्षभाः ॥
एवम् अस्त्व् इति वैन्यस् तु तैर् उक्तो ब्रह्मवादिभिः ॥
पुरोधाश् चाभवत् तस्य शुक्रो ब्रह्ममयो निधिः ॥
मन्त्रिणो वालखिल्यास् तु सारस्वत्यो गणो ह्य् अभूत् ॥
महर्षिर् भगवान् गर्गस् तस्य सांवत्सरो ऽभवत् ॥
आत्मनाष्टम इत्य् एव श्रुतिर् एषा परा नृषु ॥
उत्पन्नौ बन्दिनौ चास्य तत्पूर्वौ सूतमागधौ ॥
tam ūcur atha devās te te caiva paramarṣayaḥ ||
niyato yatra dharmo vai tam aśaṅkaḥ samācara ||
priyāpriye parityajya samaḥ sarveṣu jantuṣu ||
kāmakrodhau ca lobhaṃ ca mānaṃ cotsṛjya dūrataḥ ||
yaś ca dharmāt pravicalel loke kaś cana mānavaḥ ||
nigrāhyas te sa bāhubhyāṃ śaśvad dharmam avekṣataḥ ||
pratijñāṃ cādhirohasva manasā karmaṇā girā ||
pālayiṣyāmy ahaṃ bhaumaṃ brahma ity eva cāsakṛt ||
yaś cātra dharmanīty ukto daṇḍanītivyapāśrayaḥ ||
tam aśaṅkaḥ kariṣyāmi svavaśo na kadā cana ||
adaṇḍyā me dvijāś ceti pratijānīṣva cābhibho ||
lokaṃ ca saṃkarāt kṛtsnāt trātāsmīti paraṃtapa ||
vainyas tatas tān uvāca devān ṛṣipurogamān ||
brāhmaṇā me sahāyāś ced evam astu surarṣabhāḥ ||
evam astv iti vainyas tu tair ukto brahmavādibhiḥ ||
purodhāś cābhavat tasya śukro brahmamayo nidhiḥ ||
mantriṇo vālakhilyās tu sārasvatyo gaṇo hy abhūt ||
maharṣir bhagavān gargas tasya sāṃvatsaro 'bhavat ||
ātmanāṣṭama ity eva śrutir eṣā parā nṛṣu ||
utpannau bandinau cāsya tatpūrvau sūtamāgadhau ||
Боги и высшие риши сказали ему: «Исполняй без сомнения то, где установлена дхарма. Оставив приятное и неприятное, будь равен ко всем существам; отбрось далеко желание, гнев, жадность и гордость. Всякого человека, который в мире отклоняется от дхармы, ты должен удерживать своими руками, всегда взирая на дхарму. Прими обет умом, делом и речью: “Я буду охранять земной мир и Брахман”. Обещай исполнять дхарма-нити, опирающуюся на данда-нити, без личной прихоти. Обещай, что брахманы для тебя ненаказуемы, и что ты защитишь мир от полного смешения». Вайнья ответил богам и риши: «Если брахманы будут моими помощниками, пусть будет так». Мудрецы сказали: «Да будет так». Его пурохитой стал Шукра, сокровище Брахмана; советниками стали Валахильи и род Сарасватов; махарши Гарга стал его астрологом. Таково высшее предание среди людей. У него появились и первые хвалители — Сута и Магадха».
8263622ef663 · опубликовано 21 июн. 2026 г., 10:32:55 UTC
Доступно наRUЛистайте стихи клавишами
Притху принимает власть как обет, а не как привилегию. Его ограничивают равенство ко всем существам, отказ от личной прихоти, защита Брахмана и сотрудничество с брахманами.