यदि दद्याम् अहं राज्यं तुष्टो वै यस्य कस्य चित् ॥
स भवेद् अचिराद् राजा न मिथ्या वाग् भवेन् मम ॥
तस्य साक्षात् कुण्डधारो दर्शयाम् आस भारत ॥
ब्राह्मणस्य तपोयोगात् सौहृदेनाभिचोदितः ॥
समागम्य स तेनाथ पूजां चक्रे यथाविधि ॥
ब्राह्मणः कुण्डधारस्य विस्मितश् चाभवन् नृप ॥
ततो ऽब्रवीत् कुण्डधारो दिव्यं ते चक्षुर् उत्तमम् ॥
पश्य राज्ञां गतिं विप्र लोकांश् चावेक्ष चक्षुषा ॥
ततो राज्ञां सहस्राणि मग्नानि निरये तदा ॥
दूराद् अपश्यद् विप्रः स दिव्ययुक्तेन चक्षुषा ॥
कुण्डधार उवाच
मां पूजयित्वा भावेन यदि त्वं दुःखम् आप्नुयाः ॥
कृतं मया भवेत् किं ते कश् च ते ऽनुग्रहो भवेत् ॥
पश्य पश्य च भूयस् त्वं कामान् इच्छेत् कथं नरः ॥
स्वर्गद्वारं हि संरुद्धं मानुषेषु विशेषतः ॥
भीष्म उवाच
ततो ऽपश्यत् स कामं च क्रोधं लोभं भयं मदम् ॥
निद्रां तन्द्रीं तथालस्यम् आवृत्य पुरुषान् स्थितान् ॥
कुण्डधार उवाच
एतैर् लोकाः सुसंरुद्धा देवानां मानुषाद् भयम् ॥
तथैव देववचनाद् विघ्नं कुर्वन्ति सर्वशः ॥
न देवैर् अननुज्ञातः कश् चिद् भवति धार्मिकः ॥
एष शक्तो ऽसि तपसा राज्यं दातुं धनानि च ॥
yadi dadyām ahaṃ rājyaṃ tuṣṭo vai yasya kasya cit ||
sa bhaved acirād rājā na mithyā vāg bhaven mama ||
tasya sākṣāt kuṇḍadhāro darśayām āsa bhārata ||
brāhmaṇasya tapoyogāt sauhṛdenābhicoditaḥ ||
samāgamya sa tenātha pūjāṃ cakre yathāvidhi ||
brāhmaṇaḥ kuṇḍadhārasya vismitaś cābhavan nṛpa ||
tato 'bravīt kuṇḍadhāro divyaṃ te cakṣur uttamam ||
paśya rājñāṃ gatiṃ vipra lokāṃś cāvekṣa cakṣuṣā ||
tato rājñāṃ sahasrāṇi magnāni niraye tadā ||
dūrād apaśyad vipraḥ sa divyayuktena cakṣuṣā ||
kuṇḍadhāra uvāca
māṃ pūjayitvā bhāvena yadi tvaṃ duḥkham āpnuyāḥ ||
kṛtaṃ mayā bhavet kiṃ te kaś ca te 'nugraho bhavet ||
paśya paśya ca bhūyas tvaṃ kāmān icchet kathaṃ naraḥ ||
svargadvāraṃ hi saṃruddhaṃ mānuṣeṣu viśeṣataḥ ||
bhīṣma uvāca
tato 'paśyat sa kāmaṃ ca krodhaṃ lobhaṃ bhayaṃ madam ||
nidrāṃ tandrīṃ tathālasyam āvṛtya puruṣān sthitān ||
kuṇḍadhāra uvāca
etair lokāḥ susaṃruddhā devānāṃ mānuṣād bhayam ||
tathaiva devavacanād vighnaṃ kurvanti sarvaśaḥ ||
na devair ananujñātaḥ kaś cid bhavati dhārmikaḥ ||
eṣa śakto 'si tapasā rājyaṃ dātuṃ dhanāni ca ||
Если бы он теперь, будучи довольным, дал кому-нибудь царство, тот вскоре стал бы царём, и его слово не оказалось бы ложным. Тогда Кундадхара, побуждённый дружбой и силой тапаса брахмана, явился ему лично, о Бхарата. Брахман встретил его, совершил почитание по правилу и был изумлён, о царь. Кундадхара сказал: «У тебя теперь высшее божественное зрение. Смотри, о брахман, на участь царей и разгляди миры этим зрением». Тогда брахман своим божественным зрением издалека увидел тысячи царей, погружённых в ад. Кундадхара сказал: «Если бы ты, почитая меня с чувством, получил страдание, что было бы сделано мной для тебя? Какая это была бы милость? Смотри же снова: как человек может желать наслаждений, когда врата неба особенно закрыты для людей?» Бхишма сказал: Тогда он увидел желание, гнев, жадность, страх, гордыню, сон, сонливость и лень, которые окружили людей. Кундадхара сказал: «Этими силами миры крепко заграждены. Боги опасаются человека, и по божественному велению эти силы повсюду создают препятствия. Без позволения богов никто не становится праведным. А ты силой тапаса способен давать царства и богатства».
53deaea86522 · опубликовано 21 июн. 2026 г., 07:35:30 UTC
Доступно наRUЛистайте стихи клавишами
Кундадхара открывает брахману скрытую цену власти и наслаждения. Возможность дать царство оказывается не благословением, а проверкой: если дар ведёт к аду, милость должна удержать от дара.