भीष्म उवाच
स एवम् उक्तो द्विपदां वरिष्ठो; नारायणेनोत्तमपूरुषेण ॥
जगाद वाक्यं द्विपदां वरिष्ठं; नारायणं लोकहिताधिवासम् ॥
यदर्थम् आत्मप्रभवेह जन्म; तवोत्तमं धर्मगृहे चतुर्धा ॥
तत् साध्यतां लोकहितार्थम् अद्य; गच्छामि द्रष्टुं प्रकृतिं तवाद्याम् ॥
वेदाः स्वधीता मम लोकनाथ; तप्तं तपो नानृतम् उक्तपूर्वम् ॥
पूजां गुरूणां सततं करोमि; परस्य गुह्यं न च भिन्नपूर्वम् ॥
गुप्तानि चत्वारि यथागमं मे; शत्रौ च मित्रे च समो ऽस्मि नित्यम् ॥
तं चादिदेवं सततं प्रपन्न; एकान्तभावेन वृणोम्य् अजस्रम् ॥
एभिर् विशेषैः परिशुद्धसत्त्वः; कस्मान् न पश्येयम् अनन्तम् ईशम् ॥
तत् पारमेष्ठ्यस्य वचो निशम्य; नारायणः सात्वतधर्मगोप्ता ॥
गच्छेति तं नारदम् उक्तवान् स; संपूजयित्वात्मविधिक्रियाभिः ॥
ततो विसृष्टः परमेष्ठिपुत्रः; सो ऽभ्यर्चयित्वा तम् ऋषिं पुराणम् ॥
खम् उत्पपातोत्तमवेगयुक्तस्; ततो ऽधिमेरौ सहसा निलिल्ये ॥
तत्रावतस्थे च मुनिर् मुहूर्तम्; एकान्तम् आसाद्य गिरेः स शृङ्गे ॥
आलोकयन्न् उत्तरपश्चिमेन; ददर्श चात्यद्भुतरूपयुक्तम् ॥
क्षीरोदधेर् उत्तरतो हि द्वीपः; श्वेतः स नाम्ना प्रथितो विशालः ॥
मेरोः सहस्रैः स हि योजनानां; द्वात्रिंशतोर्ध्वं कविभिर् निरुक्तः ॥
अतीन्द्रियाश् चानशनाश् च तत्र; निष्पन्दहीनाः सुसुगन्धिनश् च ॥
श्वेताः पुमांसो गतसर्वपापाश्; चक्षुर्मुषः पापकृतां नराणाम् ॥
वज्रास्थिकायाः सममानोन्माना; दिव्यान्वयरूपाः शुभसारोपेताः ॥
छत्राकृतिशीर्षा मेघौघनिनादाः; सत्पुष्करचतुष्का राजीवशतपादाः ॥
षष्ट्या दन्तैर् युक्ताः शुक्लैर्; अष्टाभिर् दंष्ट्राभिर् ये ॥
जिह्वाभिर् ये विष्वग्वक्त्रं; लेलिह्यन्ते सूर्यप्रख्यम् ॥
भक्त्या देवं विश्वोत्पन्नं; यस्मात् सर्वे लोकाः सूताः ॥
वेदा धर्मा मुनयः शान्ता; देवाः सर्वे तस्य विसर्गाः ॥
bhīṣma uvāca
sa evam ukto dvipadāṃ variṣṭho; nārāyaṇenottamapūruṣeṇa ||
jagāda vākyaṃ dvipadāṃ variṣṭhaṃ; nārāyaṇaṃ lokahitādhivāsam ||
yadartham ātmaprabhaveha janma; tavottamaṃ dharmagṛhe caturdhā ||
tat sādhyatāṃ lokahitārtham adya; gacchāmi draṣṭuṃ prakṛtiṃ tavādyām ||
vedāḥ svadhītā mama lokanātha; taptaṃ tapo nānṛtam uktapūrvam ||
pūjāṃ gurūṇāṃ satataṃ karomi; parasya guhyaṃ na ca bhinnapūrvam ||
guptāni catvāri yathāgamaṃ me; śatrau ca mitre ca samo 'smi nityam ||
taṃ cādidevaṃ satataṃ prapanna; ekāntabhāvena vṛṇomy ajasram ||
ebhir viśeṣaiḥ pariśuddhasattvaḥ; kasmān na paśyeyam anantam īśam ||
tat pārameṣṭhyasya vaco niśamya; nārāyaṇaḥ sātvatadharmagoptā ||
gaccheti taṃ nāradam uktavān sa; saṃpūjayitvātmavidhikriyābhiḥ ||
tato visṛṣṭaḥ parameṣṭhiputraḥ; so 'bhyarcayitvā tam ṛṣiṃ purāṇam ||
kham utpapātottamavegayuktas; tato 'dhimerau sahasā nililye ||
tatrāvatasthe ca munir muhūrtam; ekāntam āsādya gireḥ sa śṛṅge ||
ālokayann uttarapaścimena; dadarśa cātyadbhutarūpayuktam ||
kṣīrodadher uttarato hi dvīpaḥ; śvetaḥ sa nāmnā prathito viśālaḥ ||
meroḥ sahasraiḥ sa hi yojanānāṃ; dvātriṃśatordhvaṃ kavibhir niruktaḥ ||
atīndriyāś cānaśanāś ca tatra; niṣpandahīnāḥ susugandhinaś ca ||
śvetāḥ pumāṃso gatasarvapāpāś; cakṣurmuṣaḥ pāpakṛtāṃ narāṇām ||
vajrāsthikāyāḥ samamānonmānā; divyānvayarūpāḥ śubhasāropetāḥ ||
chatrākṛtiśīrṣā meghaughaninādāḥ; satpuṣkaracatuṣkā rājīvaśatapādāḥ ||
ṣaṣṭyā dantair yuktāḥ śuklair; aṣṭābhir daṃṣṭrābhir ye ||
jihvābhir ye viṣvagvaktraṃ; lelihyante sūryaprakhyam ||
bhaktyā devaṃ viśvotpannaṃ; yasmāt sarve lokāḥ sūtāḥ ||
vedā dharmā munayaḥ śāntā; devāḥ sarve tasya visargāḥ ||
Бхишма сказал: «Так наставленный Нараяной, высшим Пурушей, лучший из двуногих Нарада сказал Нараяне, лучшему из двуногих, пребывающему ради блага мира: “Ради чего здесь, в доме Дхармы, твоё высшее самопроявление родилось четырёхкратно, пусть это сегодня будет исполнено ради блага мира. Я же пойду увидеть твою изначальную пракрити. О владыка мира, Веды мной хорошо изучены, тапас совершён, ложь прежде не была сказана мной; я постоянно почитаю гуру и не раскрывал чужой тайны. Четыре тайны сохранены мной согласно писанию; к врагу и другу я всегда равен. Я постоянно предан тому изначальному Богу и непрестанно выбираю его с однонаправленной преданностью. С такими качествами, очистив саттву, почему бы мне не увидеть бесконечного Владыку?” Услышав эти слова сына Парамештхина, Нараяна, хранитель сатвата-дхармы, почтил Нараду должными действиями и сказал: “Иди”. Получив разрешение, сын Парамештхина поклонился древнему риши, взлетел в небо с высшей скоростью и внезапно оказался на Адхимеру. Там мудрец на мгновение остановился в уединении на вершине горы и, взглянув к северо-западу, увидел нечто чрезвычайно дивное. К северу от Молочного океана лежит обширный остров, известный как Шветадвипа; мудрецы говорят, что он расположен за тридцать две тысячи йоджан от Меру. Там пребывают сверхчувственные, не питающиеся, неподвижные и благоуханные белые люди, свободные от всех грехов; грешникам они крадут зрение. Их тела и кости тверды как алмаз, они соразмерны, божественного рода и облика, наделены благой сущностью; их головы подобны зонтам, голоса — грозовым облакам, у них необычайные лотосные члены, шестьдесят белых зубов и восемь клыков, а языками они облизывают сияющие, солнцеподобные лица. С преданностью они чтут Бога, из которого возникла вселенная, из которого рождены все миры, Веды, дхармы, умиротворённые мудрецы и все боги как его творения».
1f9b3ede39a6 · опубликовано 21 июн. 2026 г., 07:17:33 UTC
Доступно наRUЛистайте стихи клавишами
Нарада получает разрешение не из любопытства, а благодаря очищенной саттве и единственной преданности. Шветадвипа описан как область сверхчувственного поклонения Нараяне, недоступная греховному взгляду.