नासिक्यजन्मनि पुरा ब्रह्मणः पार्थिवोत्तम ॥
धर्मम् एतं स्वयं देवो हरिर् नारायणः प्रभुः ॥
उज्जगारारविन्दाक्षो ब्रह्मणः पश्यतस् तदा ॥
सनत्कुमारो भगवांस् ततः प्राधीतवान् नृप ॥
सनत्कुमाराद् अपि च वीरणो वै प्रजापतिः ॥
कृतादौ कुरुशार्दूल धर्मम् एतम् अधीतवान् ॥
वीरणश् चाप्य् अधीत्यैनं रौच्याय मनवे ददौ ॥
रौच्यः पुत्राय शुद्धाय सुव्रताय सुमेधसे ॥
कुक्षिनाम्ने ऽथ प्रददौ दिशां पालाय धर्मिणे ॥
ततः सो ऽन्तर्दधे भूयो नारायणमुखोद्गतः ॥
अण्डजे जन्मनि पुनर् ब्रह्मणे हरियोनये ॥
एष धर्मः समुद्भूतो नारायणमुखात् पुनः ॥
गृहीतो ब्रह्मणा राजन् प्रयुक्तश् च यथाविधि ॥
अध्यापिताश् च मुनयो नाम्ना बर्हिषदो नृप ॥
बर्हिषद्भ्यश् च संक्रान्तः सामवेदान्तगं द्विजम् ॥
ज्येष्ठं नाम्नाभिविख्यातं ज्येष्ठसामव्रतो हरिः ॥
ज्येष्ठाच् चाप्य् अनुसंक्रान्तो राजानम् अविकम्पनम् ॥
अन्तर्दधे ततो राजन्न् एष धर्मः प्रभोर् हरेः ॥
यद् इदं सप्तमं जन्म पद्मजं ब्रह्मणो नृप ॥
तत्रैष धर्मः कथितः स्वयं नारायणेन हि ॥
पितामहाय शुद्धाय युगादौ लोकधारिणे ॥
पितामहश् च दक्षाय धर्मम् एतं पुरा ददौ ॥
ततो ज्येष्ठे तु दौहित्रे प्रादाद् दक्षो नृपोत्तम ॥
आदित्ये सवितुर् ज्येष्ठे विवस्वाञ् जगृहे ततः ॥
त्रेतायुगादौ च पुनर् विवस्वान् मनवे ददौ ॥
मनुश् च लोकभूत्यर्थं सुतायेक्ष्वाकवे ददौ ॥
इक्ष्वाकुणा च कथितो व्याप्य लोकान् अवस्थितः ॥
गमिष्यति क्षयान्ते च पुनर् नारायणं नृप ॥
व्रतिनां चापि यो धर्मः स ते पूर्वं नृपोत्तम ॥
कथितो हरिगीतासु समासविधिकल्पितः ॥
नारदेन तु संप्राप्तः सरहस्यः ससंग्रहः ॥
एष धर्मो जगन्नाथात् साक्षान् नारायणान् नृप ॥
nāsikyajanmani purā brahmaṇaḥ pārthivottama ||
dharmam etaṃ svayaṃ devo harir nārāyaṇaḥ prabhuḥ ||
ujjagārāravindākṣo brahmaṇaḥ paśyatas tadā ||
sanatkumāro bhagavāṃs tataḥ prādhītavān nṛpa ||
sanatkumārād api ca vīraṇo vai prajāpatiḥ ||
kṛtādau kuruśārdūla dharmam etam adhītavān ||
vīraṇaś cāpy adhītyainaṃ raucyāya manave dadau ||
raucyaḥ putrāya śuddhāya suvratāya sumedhase ||
kukṣināmne 'tha pradadau diśāṃ pālāya dharmiṇe ||
tataḥ so 'ntardadhe bhūyo nārāyaṇamukhodgataḥ ||
aṇḍaje janmani punar brahmaṇe hariyonaye ||
eṣa dharmaḥ samudbhūto nārāyaṇamukhāt punaḥ ||
gṛhīto brahmaṇā rājan prayuktaś ca yathāvidhi ||
adhyāpitāś ca munayo nāmnā barhiṣado nṛpa ||
barhiṣadbhyaś ca saṃkrāntaḥ sāmavedāntagaṃ dvijam ||
jyeṣṭhaṃ nāmnābhivikhyātaṃ jyeṣṭhasāmavrato hariḥ ||
jyeṣṭhāc cāpy anusaṃkrānto rājānam avikampanam ||
antardadhe tato rājann eṣa dharmaḥ prabhor hareḥ ||
yad idaṃ saptamaṃ janma padmajaṃ brahmaṇo nṛpa ||
tatraiṣa dharmaḥ kathitaḥ svayaṃ nārāyaṇena hi ||
pitāmahāya śuddhāya yugādau lokadhāriṇe ||
pitāmahaś ca dakṣāya dharmam etaṃ purā dadau ||
tato jyeṣṭhe tu dauhitre prādād dakṣo nṛpottama ||
āditye savitur jyeṣṭhe vivasvāñ jagṛhe tataḥ ||
tretāyugādau ca punar vivasvān manave dadau ||
manuś ca lokabhūtyarthaṃ sutāyekṣvākave dadau ||
ikṣvākuṇā ca kathito vyāpya lokān avasthitaḥ ||
gamiṣyati kṣayānte ca punar nārāyaṇaṃ nṛpa ||
vratināṃ cāpi yo dharmaḥ sa te pūrvaṃ nṛpottama ||
kathito harigītāsu samāsavidhikalpitaḥ ||
nāradena tu saṃprāptaḥ sarahasyaḥ sasaṃgrahaḥ ||
eṣa dharmo jagannāthāt sākṣān nārāyaṇān nṛpa ||
«В прежнем носовом рождении Брахмы Сам Бог, лотосоокий Хари Нараяна, изрёк эту дхарму на глазах у Брахмы. Затем её изучил Бхагаван Санаткумара, а от Санаткумары - Праджапати Вирана. В начале Крита-юги, тигр Куру, Вирана изучил эту дхарму и передал её Ману Раучье. Раучья передал её своему чистому, доброобетному и мудрому сыну по имени Кукши, дхармичному стражу сторон. Затем эта дхарма, вышедшая из уст Нараяны, снова исчезла. В яйцерождённом рождении Брахмы, чьё происхождение - Хари, эта дхарма снова возникла из уст Нараяны. Брахма принял её и применил по правилу; он обучил муни по имени Бархишады. От Бархишадов она перешла к брахману Джйештхе, достигшему конца Самаведы и известному как Джйештхасамаврата Хари; от Джйештхи - к царю Авикампане. Затем, царь, эта дхарма Владыки Хари скрылась. В нынешнем, седьмом, лотосорождённом рождении Брахмы Сам Нараяна рассказал эту дхарму чистому Питамахе, держателю миров, в начале юги. Питамаха прежде передал её Дакше; Дакша - своему старшему внуку по дочери, Адитье Савитру; затем её принял Вивасван. В начале Трета-юги Вивасван передал её Ману, а Ману ради блага миров - своему сыну Икшваку. Икшваку рассказал её, и она, проникнув миры, установилась; в конце разрушения она снова уйдёт к Нараяне. Дхарма соблюдающих обеты уже была прежде кратко рассказана тебе в песнях Хари. Нарада получил эту дхарму с тайной и кратким изложением прямо от Господа мира, Самого Нараяны».
80964ad6f9a7 · опубликовано 21 июн. 2026 г., 08:58:30 UTC
Доступно наRUЛистайте стихи клавишами
Перечень линий передачи подчёркивает непрерывность и хрупкость традиции: дхарма появляется, передаётся достойным и скрывается, когда завершается её эпохальная функция. В нынешнем цикле она связана с линией Вивасвана, Ману и Икшваку, как в Гите.