नारीणां योनिसेवा हि योनिसङ्कटकारिणी । पुनः पुनः पतेद्योनौ यन्त्रनिष्पीडितो यथा
पुनस्तामेवाभिलषेद्विद्यादस्य विडम्बनम् । ऊर्ध्वबाहुरहं वच्मि शृणु मे परमं वचः
गोविन्दे धेहि हृदयं न योनौ यातनाजुषि । नारीसङ्गं परित्यज्य यश्चापि परिवर्तते
पदे पदेऽश्वमेधस्य फलमाप्नोति मानवः । कुलाङ्गना दैवयोगादूढा यदि नृणां सती
पुत्रमुत्पाद्य यस्तत्र तत्सङ्गं परिवर्जयेत् । तस्य तुष्टो जगन्नाथो भवत्येव न संशयः
नारीसङ्गो हि धर्मज्ञैरसत्सङ्गः प्रकीर्त्यते । तस्मिन्सति हरौ भक्तिः सुदृढा नैव जायते
सर्वसङ्गं परित्यज्य हरौ भक्तिं समाचरेत् । हरिभक्तिश्च लोकेऽत्र दुर्लभा हि मता मम
हरौ यस्य भवेद्भक्तिः स कृतार्थो न संशयः । तत्तदेवाचरेत्कर्म हरिः प्रीणाति येन हि
तस्मिंस्तुष्टे जगत्तुष्टं प्रीणिते प्रीणितं जगत् । हरौ भक्तिं विना नृणां वृथा जन्म प्रकीर्तितम्
तस्य माता महाभागा पिता तस्य महाकृती । जनार्दनपदद्वन्द्वं हृदये येन धार्यते
जनार्दन जगद्वन्द्य शरणागतवत्सल । इतीरयन्ति ये मर्त्या न तेषां निरये गतिः
nārīṇāṃ yonisevā hi yonisaṅkaṭakāriṇī | punaḥ punaḥ patedyonau yantraniṣpīḍito yathā
punastāmevābhilaṣedvidyādasya viḍambanam | ūrdhvabāhurahaṃ vacmi śṛṇu me paramaṃ vacaḥ
govinde dhehi hṛdayaṃ na yonau yātanājuṣi | nārīsaṅgaṃ parityajya yaścāpi parivartate
pade pade'śvamedhasya phalamāpnoti mānavaḥ | kulāṅganā daivayogādūḍhā yadi nṛṇāṃ satī
putramutpādya yastatra tatsaṅgaṃ parivarjayet | tasya tuṣṭo jagannātho bhavatyeva na saṃśayaḥ
nārīsaṅgo hi dharmajñairasatsaṅgaḥ prakīrtyate | tasminsati harau bhaktiḥ sudṛḍhā naiva jāyate
sarvasaṅgaṃ parityajya harau bhaktiṃ samācaret | haribhaktiśca loke'tra durlabhā hi matā mama
harau yasya bhavedbhaktiḥ sa kṛtārtho na saṃśayaḥ | tattadevācaretkarma hariḥ prīṇāti yena hi
tasmiṃstuṣṭe jagattuṣṭaṃ prīṇite prīṇitaṃ jagat | harau bhaktiṃ vinā nṛṇāṃ vṛthā janma prakīrtitam
tasya mātā mahābhāgā pitā tasya mahākṛtī | janārdanapadadvandvaṃ hṛdaye yena dhāryate
janārdana jagadvandya śaraṇāgatavatsala | itīrayanti ye martyā na teṣāṃ niraye gatiḥ
«Служение женскому лону ввергает в теснину лона: снова и снова падает [человек] в лоно, как сдавленный жомом, — и снова желает того же; пусть знает, что это насмешка [над ним]. Воздев руки, я возглашаю: слушай моё высшее слово. Вложи сердце в Говинду, а не в лоно, причастное мучению. Кто, оставив общение с женщинами, так и живёт, тот на каждом шагу обретает плод ашвамедхи. Если же по воле судьбы взята в жёны добродетельная женщина из хорошего рода, — кто, породив сына, избегает и с нею общения, тем доволен Владыка мира, нет сомнения. Общение с женщинами знатоками дхармы называется дурным обществом: при нём не рождается твёрдая преданность Хари. Оставив всякую привязанность, пусть творит преданность Хари; а преданность Хари, по-моему, труднодостижима в этом мире. У кого она есть, тот достиг цели, нет сомнения; и пусть совершает то самое дело, которым радуется Хари. Когда Он доволен — доволен мир; когда Он обрадован — обрадован мир. Без преданности Хари рождение людей названо напрасным. Многосчастлива мать того и велик делами отец того, кем носится в сердце чета стоп Джанарданы. „О Джанардана, чтимый миром, милостивый к прибегшим!“ — у смертных, что возглашают так, нет пути в преисподнюю».
2e5a0edae8e4 · опубликовано 3 сент. 2026 г., 04:13:42 UTC
Доступно наRUЛистайте стихи клавишами
Здесь эта речь доходит до предела: воздержание предписано и в законном браке, после рождения сына. Ход мысли ясен — всякая привязанность названа помехой, и семья не исключение. Так рассуждала часть древних отшельнических школ; домохозяйским главам этой же кханды это прямо противоречит, и противоречие остаётся неразрешённым. И тут же речь оборачивается: довольно двух слов обращения, чтобы не было пути в преисподнюю.