नारद उवाच
उपरि परिमलान्धैः सुस्वरं सम्पतद्भिर्मधुकरनिकुरम्बैरुह्यमाना भरेण । अविरलमधुधारासारसंसिक्तभूमिः सदसि सुरविमुक्ता प्रापतत्पुष्पवृष्टिः
हते तदा सिन्धुसुते हरेण नाराचघातैस्त्रिजगत्तदा बभौ । प्रसूनवृष्टिर्ननृतुस्तदाङ्गना जगुश्च यक्षाः सुरकिन्नराद्याः
शम्भुर्वीरजयोत्थितेन यशसा स्फाराङ्गकीर्तिगिरिं स्वं भेजे सुरसिद्धचारणगणैः संस्तूयमानः सदा । गौरी चापि जगाम चाशु गिरितः श्वेतं सखीसंवृता सञ्चक्रुस्त्वाभिसेवनं सुमनसां वर्षेण देवाङ्गनाः
देवोऽसौ करुणामयः सुरगणान्स्वे स्वे पदे स्थापयन्प्रादादन्यदपि स्वकं वसु ततो ज्ञात्वा पतिः शङ्करः । कोऽयं वा त्रिदिवो धरातलमिदं स्यादात्मसात्सर्वतः
देवाः स्वराज्यमासाद्य यथा पूर्वं चकाशिरे । बुभुजुर्यज्ञभागांस्ते लोकपालत्वमाश्रिताः
इति जालन्धरस्योक्तं यथावदनुपूर्वशः । चरितं लोकवीरस्य राजन्नत्यद्भुतं तव
विष्णुस्त्यजति नाद्यापि क्षीराब्धिं यादृशो नृप । सर्वोऽपि भुङ्क्ते स्वं कर्म कर्म तद्विद्ध्यसंशयम्
तुभ्यं दुःखनिरासाय प्रोक्तमाख्यानमुत्तमम् । यावद्देहोऽस्ति कर्माणि सुखदुःखानि कर्मतः
देही भुङ्क्ते वशो राजंस्त्राणं न ज्ञानतः परम् । कृष्णादीनां देहबन्धे सुखदुःखादि वर्तते
तत्रेतरेषां किं वाच्यं ये वैराग्यपराङ्मुखाः । ज्ञात्वेदृशीं कर्मगतिं सर्वेभ्यो बलवत्तमाम्
धीरो भव प्रतीक्षस्व शुभकर्मागमं पुनः । शत्रूञ्जित्वा तु समये स्वं राज्यं पुनराप्स्यसि
इतिहासमिमं श्रुत्वा न दुःखैः परिभूयते । धर्मार्थकाममोक्षाश्च यथावच्चात्र कीर्तिताः
स्वर्ग्यं पापहरं पुण्यं शोकमोहविनाशनम् । ब्राह्मणो ज्ञानमाप्नोति राज्यं प्राप्नोति क्षत्रियः
वैश्यश्च बह्वीं सम्पत्तिं श्रुत्वा शूद्रः सुखं लभेत् । यो राजा भ्रष्टराज्योऽपि रतः सन्नेव सत्पथि
स राज्यं पुनराप्नोति श्रवणान्नित्यमस्य तु । आकर्ण्यैतत्सतां राजन्काव्यमन्यन्न रोचते
कलं च कोकिलालापं रूक्षं ध्वाङ्क्षरुतं यथा । आख्यानमेतदनघं श्रुत्वा सज्जनहृत्प्रियः
हिरण्यतिलवस्त्राद्यैर्धेनुभूमिप्रदानतः । सन्तोषयेद्वाचकं तु तस्मिंस्तुष्टे फलं लभेत्
देवताश्च प्रसीदेयुरर्चिते वाचके गुरौ । अन्नदानानि दद्याच्च ब्राह्मणेभ्यः प्रपूजयेत्
जायते विजयी नित्यं पुत्रपौत्रसमृद्धिमान् । जायते विष्णुलोके यः शृणोत्याख्यानमुत्तमम् ॥ इति व्याजेन भो भूप तुलस्युत्पत्तिकारणम् । ये शृण्वन्ति नरश्रेष्ठा न तेषां पातकं क्वचित्
तुलसीमाहात्म्यमिदं पवित्रं पापनाशनम् । श्रुत्वा तु लभते मोक्षमुक्त्वा चैव न संशयः
स्वगृहे रोपिता चैव तुलसी पापनाशिनी । दर्शनाद्ब्रह्महत्याऽपि नश्यते नात्र संशयः
कार्तिके चैव माघे तु तुलस्या पूजयेद्धरिम् । वैशाखे तु विशेषेण पूजनं च हरेः स्मृतम्
ये शूद्रा भुवि सन्ति दाननिरताः कालेन शुद्धिं गताः । तेऽपि स्युः सुरपूजनार्हतनवः पापाच्च दूरं गताः ये वै विष्णुजनाश्च दुर्लभतरा ह्यस्मिन्कलौ साम्प्रतम्
upari parimalāndhaiḥ susvaraṃ sampatadbhirmadhukaranikurambairuhyamānā bhareṇa | aviralamadhudhārāsārasaṃsiktabhūmiḥ sadasi suravimuktā prāpatatpuṣpavṛṣṭiḥ
hate tadā sindhusute hareṇa nārācaghātaistrijagattadā babhau | prasūnavṛṣṭirnanṛtustadāṅganā jaguśca yakṣāḥ surakinnarādyāḥ
śambhurvīrajayotthitena yaśasā sphārāṅgakīrtigiriṃ svaṃ bheje surasiddhacāraṇagaṇaiḥ saṃstūyamānaḥ sadā | gaurī cāpi jagāma cāśu giritaḥ śvetaṃ sakhīsaṃvṛtā sañcakrustvābhisevanaṃ sumanasāṃ varṣeṇa devāṅganāḥ
devo'sau karuṇāmayaḥ suragaṇānsve sve pade sthāpayanprādādanyadapi svakaṃ vasu tato jñātvā patiḥ śaṅkaraḥ | ko'yaṃ vā tridivo dharātalamidaṃ syādātmasātsarvataḥ
devāḥ svarājyamāsādya yathā pūrvaṃ cakāśire | bubhujuryajñabhāgāṃste lokapālatvamāśritāḥ
iti jālandharasyoktaṃ yathāvadanupūrvaśaḥ | caritaṃ lokavīrasya rājannatyadbhutaṃ tava
viṣṇustyajati nādyāpi kṣīrābdhiṃ yādṛśo nṛpa | sarvo'pi bhuṅkte svaṃ karma karma tadviddhyasaṃśayam
tubhyaṃ duḥkhanirāsāya proktamākhyānamuttamam | yāvaddeho'sti karmāṇi sukhaduḥkhāni karmataḥ
dehī bhuṅkte vaśo rājaṃstrāṇaṃ na jñānataḥ param | kṛṣṇādīnāṃ dehabandhe sukhaduḥkhādi vartate
tatretareṣāṃ kiṃ vācyaṃ ye vairāgyaparāṅmukhāḥ | jñātvedṛśīṃ karmagatiṃ sarvebhyo balavattamām
dhīro bhava pratīkṣasva śubhakarmāgamaṃ punaḥ | śatrūñjitvā tu samaye svaṃ rājyaṃ punarāpsyasi
itihāsamimaṃ śrutvā na duḥkhaiḥ paribhūyate | dharmārthakāmamokṣāśca yathāvaccātra kīrtitāḥ
svargyaṃ pāpaharaṃ puṇyaṃ śokamohavināśanam | brāhmaṇo jñānamāpnoti rājyaṃ prāpnoti kṣatriyaḥ
vaiśyaśca bahvīṃ sampattiṃ śrutvā śūdraḥ sukhaṃ labhet | yo rājā bhraṣṭarājyo'pi rataḥ sanneva satpathi
sa rājyaṃ punarāpnoti śravaṇānnityamasya tu | ākarṇyaitatsatāṃ rājankāvyamanyanna rocate
kalaṃ ca kokilālāpaṃ rūkṣaṃ dhvāṅkṣarutaṃ yathā | ākhyānametadanaghaṃ śrutvā sajjanahṛtpriyaḥ
hiraṇyatilavastrādyairdhenubhūmipradānataḥ | santoṣayedvācakaṃ tu tasmiṃstuṣṭe phalaṃ labhet
devatāśca prasīdeyurarcite vācake gurau | annadānāni dadyācca brāhmaṇebhyaḥ prapūjayet
jāyate vijayī nityaṃ putrapautrasamṛddhimān | jāyate viṣṇuloke yaḥ śṛṇotyākhyānamuttamam || iti vyājena bho bhūpa tulasyutpattikāraṇam | ye śṛṇvanti naraśreṣṭhā na teṣāṃ pātakaṃ kvacit
tulasīmāhātmyamidaṃ pavitraṃ pāpanāśanam | śrutvā tu labhate mokṣamuktvā caiva na saṃśayaḥ
svagṛhe ropitā caiva tulasī pāpanāśinī | darśanādbrahmahatyā'pi naśyate nātra saṃśayaḥ
kārtike caiva māghe tu tulasyā pūjayeddharim | vaiśākhe tu viśeṣeṇa pūjanaṃ ca hareḥ smṛtam
ye śūdrā bhuvi santi dānaniratāḥ kālena śuddhiṃ gatāḥ | te'pi syuḥ surapūjanārhatanavaḥ pāpācca dūraṃ gatāḥ ye vai viṣṇujanāśca durlabhatarā hyasminkalau sāmpratam
Сонмы йогинь стали тогда с острыми клыками и огромнотелые; они и поныне пожирают мясо и в срок пьют кровь — потому Джаландхара, убитый в бою, и не встаёт. Затем сошлись туда Брахма и прочие сонмы божеств, риши, Маруты и боги, и славят Махешвару. Прояснились стороны света, повеял благоуханный ветер, и с неба пали на землю дожди цветов; и литавры, огласившись, издавали звуки у Совершившего помазание. Несомый тяжестью роёв пчёл, ослеплённых благоуханием и сладкозвучно слетающихся сверху, пал в собрании дождь цветов, отпущенный богами, — и земля была орошена непрерывным ливнем медовых струй. Когда сын океана был убит Харой ударами стрел, воссияли тогда три мира: дождь цветов, плясали жёны, пели якши, боги, киннары и прочие. Шамбху славою, поднявшеюся от победы над витязем, обрёл свою гору славы, всегда восславляемый сонмами богов, сиддхов и чаранов. И Гаури скоро пошла с горы на Швету, окружённая подругами, и жёны богов совершили служение дождём цветов. Тот бог, исполненный сострадания, ставя сонмы богов каждого на своё место, дал им и иное своё достояние; узнав то, владыка Шанкара. И боги, обретя своё царство, воссияли, как прежде, и вкушали доли жертв, обретши хранительство мира. Так поведано, как должно и по порядку, весьма дивное житие Джаландхары, витязя миров, о царь. Вишну и поныне не покидает молочного океана — каков он, о царь; всякий вкушает своё деяние — знай это без сомнения. Тебе ради устранения горя поведано наилучшее сказание. Покуда есть тело, есть и деяния; счастье и горе — от деяния. Воплощённый вкушает их подвластным, о царь; нет спасения выше знания. У Кришны и прочих при телесных узах бывает счастье, горе и прочее — что уж говорить об иных, отвратившихся от бесстрастия? Познав такой ход деяния, сильнейший всего, будь стойким и жди снова прихода благого деяния: победив врагов, в срок опять обретёшь ты своё царство. Услышав это сказание, человек не одолеваем горестями; дхарма, польза, желание и освобождение воспеты здесь как должно. Оно ведёт на небо, уносит грех, благое, уничтожающее скорбь и наваждение: брахман обретает знание, кшатрий обретает царство, вайшья — обильное богатство, а шудра, услышав, обретает счастье. И царь, лишившийся царства, но пребывающий на пути праведных, обретает царство от постоянного его слушания. Услышав это, праведным иная поэзия уже не нравится — как после сладкого голоса кукушки резкий крик вороны. Услышав это безгрешное сказание, дорогое сердцу праведных, да удовлетворит человек чтеца золотом, сезамом, одеждами и прочим, дарением коровы и земли: когда тот доволен, обретёт он плод. И божества будут благосклонны, когда почтён наставник-чтец; и да даёт он дары пищи и почитает брахманов. Становится он победоносным, богатым сыновьями и внуками, и рождается в мире Вишну — тот, кто слушает это наилучшее сказание. Так, о царь, под предлогом поведана причина появления туласи; у тех лучших из людей, кто слушает её, нигде нет греха. Это величие туласи очистительно и уничтожает грех: услышав его и поведав, человек обретает освобождение — нет сомнения. Посаженная в своём доме туласи уничтожает грех; от одного лицезрения её гибнет даже убийство брахмана — нет здесь сомнения. В карттику и в магху да почитает человек Хари туласи; а в вайшакху почитание Хари предписано в особенности. И те шудры, что есть на земле, преданные даянию и со временем достигшие чистоты, — и они будут с телами, достойными почитания богов, и уйдут далеко от греха; ибо люди Вишну весьма редки ныне, в этот век Кали.
93e9bbf60a44 · опубликовано 3 сент. 2026 г., 04:13:52 UTC
Доступно наRUЛистайте стихи клавишами
Вывод из всей повести дан без утешительных оговорок: всякий вкушает своё деяние, и у Кришны при телесных узах бывает то же счастье и горе. Утешение царю не в том, что его беда чужая, а в том, что она по общему закону. И заключение неожиданно: сказание о войне богов оказывается «причиной появления туласи» — то есть рассказано было ради листа, без которого не принимают подношения. А последнее слово отдано шудрам, преданным даянию: они станут достойны почитания богов, ибо людей Вишну ныне мало.