महादेव उवाच
विनिष्क्रम्य पुरात्तस्मात्सत्या कोपसमन्विता । समेत्य कृष्णं भर्तारमुवाच कमलेक्षणा
एषा शची यदुश्रेष्ठ पारिजातेन गर्विता । अदत्त्वा मम गोविन्द बबन्ध स्वस्य मूर्धनि
सत्याया भाषितं श्रुत्वा वासुदेवो महाबलः । उत्पाट्य पारिजातं तु निवेश्य गरुडोपरि
आरुह्य सत्यया तूर्णं वैनतेयं महाबलम् । प्रययौ द्वारकां रम्यां नगरीं देवकीसुतः
ततः कोपसमाविष्टो देवराजः शतक्रतुः । रुद्रैर्वसुभिरादित्यैः साध्यैश्च मरुतां गणैः
ऐरावतं समारुह्य ययौ युद्धाय केशवम् । ततो देवगणाः सर्वे परिवार्य जनार्दनम्
ववृषुः शस्त्रवर्षाणि मेघा इव महाचलम् । कृष्णश्चिच्छेद चक्रेण तान्यस्त्राणि दिवौकसाम्
वैनतेयस्तु संक्रुद्धः पक्षपातेन वीर्यवान् । पातयामास तान्देवांस्तालानिव महानिलः
ततः क्रुद्धः सहस्राक्षो देवानामीश्वरः प्रभुः । मुमोच सहसा दीप्तं वज्रं कृष्णजिघांसया
जग्राह कृष्णस्तं वज्रं हस्तेनैकेन लीलया । ततो भीतः सहस्राक्षो नागेन्द्रादवरुह्य सः
प्राञ्जलिः पुरतः स्थित्वा नमस्कृत्य जनार्दनम् । प्राह गद्गदया वाचा स्तुत्वा स्तुतिभिरेव च
viniṣkramya purāttasmātsatyā kopasamanvitā | sametya kṛṣṇaṃ bhartāramuvāca kamalekṣaṇā
eṣā śacī yaduśreṣṭha pārijātena garvitā | adattvā mama govinda babandha svasya mūrdhani
satyāyā bhāṣitaṃ śrutvā vāsudevo mahābalaḥ | utpāṭya pārijātaṃ tu niveśya garuḍopari
āruhya satyayā tūrṇaṃ vainateyaṃ mahābalam | prayayau dvārakāṃ ramyāṃ nagarīṃ devakīsutaḥ
tataḥ kopasamāviṣṭo devarājaḥ śatakratuḥ | rudrairvasubhirādityaiḥ sādhyaiśca marutāṃ gaṇaiḥ
airāvataṃ samāruhya yayau yuddhāya keśavam | tato devagaṇāḥ sarve parivārya janārdanam
vavṛṣuḥ śastravarṣāṇi meghā iva mahācalam | kṛṣṇaściccheda cakreṇa tānyastrāṇi divaukasām
vainateyastu saṃkruddhaḥ pakṣapātena vīryavān | pātayāmāsa tāndevāṃstālāniva mahānilaḥ
tataḥ kruddhaḥ sahasrākṣo devānāmīśvaraḥ prabhuḥ | mumoca sahasā dīptaṃ vajraṃ kṛṣṇajighāṃsayā
jagrāha kṛṣṇastaṃ vajraṃ hastenaikena līlayā | tato bhītaḥ sahasrākṣo nāgendrādavaruhya saḥ
prāñjaliḥ purataḥ sthitvā namaskṛtya janārdanam | prāha gadgadayā vācā stutvā stutibhireva ca
Выйдя из того города, Сатья, исполненная гнева, встретила супруга Кришну и сказала, лотосоокая: «Эта Шачи, о лучший из Яду, возгордилась париджатою; не дав мне, о Говинда, она повязала её на свою голову». Услышав сказанное Сатьёю, весьма мощный Васудева вырвал париджату, поместил её на Гаруду и, взойдя с Сатьёю на весьма мощного сына Винаты, поспешно отправился в отрадный город Двараку, сын Деваки. Тогда царь богов, Совершитель ста жертв, охваченный гневом, с Рудрами, Васу, Адитьями, садхьями и сонмами Марутов, взойдя на Айравату, двинулся на битву с Кешавою. Затем все сонмы богов, окружив Джанардану, пролили дожди оружий — как тучи на великую гору; но Кришна рассёк диском те оружия небожителей. А доблестный сын Винаты, весьма разгневанный, взмахом крыла повалил тех богов, как великий ветер — пальмы. Тогда разгневанный тысячеокий, владыка и господин богов, внезапно метнул пылающую ваджру, желая убить Кришну; но Кришна играючи схватил ту ваджру одною рукою. Тогда устрашённый тысячеокий сошёл с владыки слонов и, встав впереди со сложенными ладонями, поклонившись Джанардане, сказал прерывающимся голосом, восхвалив Его хвалами:
51dabeb2b6c1 · опубликовано 3 сент. 2026 г., 04:14:07 UTC
Доступно наRUЛистайте стихи клавишами
Ваджру, перед которой не устояли и горы, ловят одною рукой — играючи. Оружие, которым были добыты все победы того, кто его метнул, оказывается детской игрушкой в руках Того, к кому он же приходил за помощью.