ततः परिषदं सर्वाम् आमन्त्र्य वसुधाधिपः । हितम् उद्धर्षणं चेदम् उवाचाप्रतिमं वचः ॥
दुन्दुभिस्वनकल्पेन गम्भीरेणानुनादिना । स्वरेण महता राजा जीग्मूत इव नादयन् ॥
सो ऽहम् इक्ष्वाकुभिः पूर्वैर् नरेन्द्रैः परिपालितम् । श्रेयसा योक्तुकामो ऽस्मि सुखार्हम् अखिलं जगत् ॥
मयाप्य् आचरितं पूर्वैः पन्थानम् अनुगच्छता । प्रजा नित्यम् अतन्द्रेण यथाशक्त्य् अभिरक्षता ॥
इदं शरीरं कृत्स्नस्य लोकस्य चरता हितम् । पाण्डुर् अस्यातपत्रस्यच् छायायां जरितं मया ॥
प्राप्य वर्षसहस्राणि बहून्य् आयूंषि जीवितः । जीर्णस्यास्य शरीरस्य विश्रान्तिम् अभिरोचये ॥
राजप्रभावजुष्टां हि दुर्वहाम् अजितेन्द्रियैः । परिश्रान्तो ऽस्मि लोकस्य गुर्वीं धर्मधुरं वहन् ॥
सो ऽहं विश्रमम् इच्छामि पुत्रं कृत्वा प्रजाहिते । संनिकृष्टान् इमान् सर्वान् अनुमान्य द्विजर्षभान् ॥
tataḥ pariṣadaṃ sarvām āmantrya vasudhādhipaḥ | hitam uddharṣaṇaṃ cedam uvācāpratimaṃ vacaḥ ||
dundubhisvanakalpena gambhīreṇānunādinā | svareṇa mahatā rājā jīgmūta iva nādayan ||
so 'ham ikṣvākubhiḥ pūrvair narendraiḥ paripālitam | śreyasā yoktukāmo 'smi sukhārham akhilaṃ jagat ||
mayāpy ācaritaṃ pūrvaiḥ panthānam anugacchatā | prajā nityam atandreṇa yathāśakty abhirakṣatā ||
idaṃ śarīraṃ kṛtsnasya lokasya caratā hitam | pāṇḍur asyātapatrasyac chāyāyāṃ jaritaṃ mayā ||
prāpya varṣasahasrāṇi bahūny āyūṃṣi jīvitaḥ | jīrṇasyāsya śarīrasya viśrāntim abhirocaye ||
rājaprabhāvajuṣṭāṃ hi durvahām ajitendriyaiḥ | pariśrānto 'smi lokasya gurvīṃ dharmadhuraṃ vahan ||
so 'haṃ viśramam icchāmi putraṃ kṛtvā prajāhite | saṃnikṛṣṭān imān sarvān anumānya dvijarṣabhān ||
Затем владыка земли обратился ко всему собранию и произнёс благую, воодушевляющую и несравненную речь. Глубоким, звучным, могучим голосом, подобным звуку барабана, царь огласил залу, словно грозовое облако: «Я хочу наделить благом весь мир, достойный счастья, тот самый мир, который охраняли прежние цари из рода Икшваку. И я, следуя пути предков, неустанно и по мере сил всегда защищал подданных. Моё тело состарилось, действуя ради блага всего народа, побелело под сенью этого царского зонта. Прожив многие тысячи лет, я желаю покоя для этого изношенного тела. Я устал, неся тяжёлую ношу дхармы ради мира: царская власть, исполненная величия, трудна для тех, кто не победил чувства. Поэтому я хочу отдохнуть, поставив сына ради блага подданных и получив согласие всех присутствующих лучших из дваждырождённых».
60a9e50184ca · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Дашаратха говорит о власти как о тяжёлой дхарме, а не как о привилегии. Его желание передать царство Раме связано не с усталостью от ответственности только ради себя, а с заботой о благе подданных и с признанием, что управлять должен тот, кто владеет собой.