ततः सुग्रीवसचिवा दृष्ट्वा परमधन्विनौ । जग्मुर् गिरितटात् तस्माद् अन्यच् छिखरम् उत्तमम् ॥
ते क्षिप्रम् अभिगम्याथ यूथपा यूथपर्षभम् । हरयो वानरश्रेष्ठं परिवार्योपतस्थिरे ॥
एकम् एकायनगताः प्लवमाना गिरेर् गिरिम् । प्रकम्पयन्तो वेगेन गिरीणां शिखराणि च ॥
ततः शाखामृगाः सर्वे प्लवमाना महाबलाः । बभञ्जुश् च नगांस् तत्र पुष्पितान् दुर्गसंश्रितान् ॥
आप्लवन्तो हरिवराः सर्वतस् तं महागिरिम् । मृगमार्जारशार्दूलांस् त्रासयन्तो ययुस् तदा ॥
ततः सुग्रीवसचिवाः पर्वतेन्द्रं समाश्रिताः । संगम्य कपिमुख्येन सर्वे प्राञ्जलयः स्थिताः ॥
ततस् तं भयसंत्रस्तं वालिकिल्बिषशङ्कितम् । उवाच हनुमान् वाक्यं सुग्रीवं वाक्यकोविदः ॥
tataḥ sugrīvasacivā dṛṣṭvā paramadhanvinau | jagmur giritaṭāt tasmād anyac chikharam uttamam ||
te kṣipram abhigamyātha yūthapā yūthaparṣabham | harayo vānaraśreṣṭhaṃ parivāryopatasthire ||
ekam ekāyanagatāḥ plavamānā girer girim | prakampayanto vegena girīṇāṃ śikharāṇi ca ||
tataḥ śākhāmṛgāḥ sarve plavamānā mahābalāḥ | babhañjuś ca nagāṃs tatra puṣpitān durgasaṃśritān ||
āplavanto harivarāḥ sarvatas taṃ mahāgirim | mṛgamārjāraśārdūlāṃs trāsayanto yayus tadā ||
tataḥ sugrīvasacivāḥ parvatendraṃ samāśritāḥ | saṃgamya kapimukhyena sarve prāñjalayaḥ sthitāḥ ||
tatas taṃ bhayasaṃtrastaṃ vālikilbiṣaśaṅkitam | uvāca hanumān vākyaṃ sugrīvaṃ vākyakovidaḥ ||
Тогда советники Сугривы, увидев двух великих лучников, ушли с того горного склона на другую прекрасную вершину. Быстро добравшись туда, вожаки обезьян окружили лучшего ванару, быка среди вожаков, и предстали перед ним. Прыгая по одному пути с горы на гору, они своей скоростью сотрясали горные вершины. Затем все могучие ветвезвери, перепрыгивая, ломали там цветущие деревья, росшие в труднодоступных местах. Лучшие обезьяны прыгали вокруг всей великой горы, пугая зверей, диких кошек и тигров. Потом советники Сугривы укрылись на царе гор, собрались вокруг своего предводителя и стояли со сложенными ладонями. Тогда Хануман, знаток речи, обратился к Сугриве, который был потрясён страхом и опасался злодейства Вали.
27c13ec23361 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Страх Сугривы передаётся всему окружению: движение обезьян становится бурным и неуправляемым. На этом фоне Хануман выделяется спокойной речью и способностью вернуть царю ясность.