शुश्रुवुश् च तदा शब्दम् ऋषीणां भावितात्मनाम् । चारणानां च सिद्धानां स्थितानां विमले ऽम्बरे ॥
एष पर्वतसंकाशो हनूमान् मारुतात्मजः । तितीर्षति महावेगं समुद्रं मकरालयम् ॥
रामार्थं वानरार्थं च चिकीर्षन् कर्म दुष्करम् । समुद्रस्य परं पारं दुष्प्रापं प्राप्तुम् इच्छति ॥
दुधुवे च स रोमाणि चकम्पे चाचलोपमः । ननाद च महानादं सुमहान् इव तोयदः ॥
आनुपूर्व्याच् च वृत्तं च लाङ्गूलं रोमभिश् चितम् । उत्पतिष्यन् विचिक्षेप पक्षिराज इवोरगम् ॥
तस्य लाङ्गूलम् आविद्धम् अतिवेगस्य पृष्ठतः । ददृशे गरुडेनेव ह्रियमाणो महोरगः ॥
बाहू संस्तम्भयाम् आस महापरिघसंनिभौ । ससाद च कपिः कट्यां चरणौ संचुकोप च ॥
संहृत्य च भुजौ श्रीमांस् तथैव च शिरोधराम् । तेजः सत्त्वं तथा वीर्यम् आविवेश स वीर्यवान् ॥
मार्गम् आलोकयन् दूराद् ऊर्ध्वप्रणिहितेक्षणः । रुरोध हृदये प्राणान् आकाशम् अवलोकयन् ॥
पद्भ्यां दृढम् अवस्थानं कृत्वा स कपिकुञ्जरः । निकुञ्च्य कर्णौ हनुमान् उत्पतिष्यन् महाबलः । वानरान् वानरश्रेष्ठ इदं वचनम् अब्रवीत् ॥
śuśruvuś ca tadā śabdam ṛṣīṇāṃ bhāvitātmanām | cāraṇānāṃ ca siddhānāṃ sthitānāṃ vimale 'mbare ||
eṣa parvatasaṃkāśo hanūmān mārutātmajaḥ | titīrṣati mahāvegaṃ samudraṃ makarālayam ||
rāmārthaṃ vānarārthaṃ ca cikīrṣan karma duṣkaram | samudrasya paraṃ pāraṃ duṣprāpaṃ prāptum icchati ||
dudhuve ca sa romāṇi cakampe cācalopamaḥ | nanāda ca mahānādaṃ sumahān iva toyadaḥ ||
ānupūrvyāc ca vṛttaṃ ca lāṅgūlaṃ romabhiś citam | utpatiṣyan vicikṣepa pakṣirāja ivoragam ||
tasya lāṅgūlam āviddham ativegasya pṛṣṭhataḥ | dadṛśe garuḍeneva hriyamāṇo mahoragaḥ ||
bāhū saṃstambhayām āsa mahāparighasaṃnibhau | sasāda ca kapiḥ kaṭyāṃ caraṇau saṃcukopa ca ||
saṃhṛtya ca bhujau śrīmāṃs tathaiva ca śirodharām | tejaḥ sattvaṃ tathā vīryam āviveśa sa vīryavān ||
mārgam ālokayan dūrād ūrdhvapraṇihitekṣaṇaḥ | rurodha hṛdaye prāṇān ākāśam avalokayan ||
padbhyāṃ dṛḍham avasthānaṃ kṛtvā sa kapikuñjaraḥ | nikuñcya karṇau hanumān utpatiṣyan mahābalaḥ | vānarān vānaraśreṣṭha idaṃ vacanam abravīt ||
Тогда риши с очищенной душой, чараны и сиддхи, стоявшие в чистом небе, услышали слова: «Этот гороподобный Хануман, сын Марута, желает переправиться через стремительный океан, обитель макар. Ради Рамы и ради ванаров он хочет совершить трудное дело и достичь дальнего, труднодостижимого берега океана». Хануман встряхнул волосы, задрожал, подобный горе, и издал великий рык, словно огромная туча. Собираясь взлететь, он взмахнул своим округлым, покрытым волосами хвостом, как царь птиц взмахивает змеёй. Позади быстрейшего героя его закрученный хвост казался великим змеем, уносимым Гарудой. Он напряг руки, подобные огромным засовам, присел на бёдра и сжал стопы. Собрав руки и шею, славный и сильный Хануман вошёл в своё сияние, стойкость и мощь. Глядя издали на путь, направив взор вверх и созерцая небо, он задержал дыхание в сердце. Утвердившись ногами, слон среди обезьян, великосильный Хануман, прижал уши и, собираясь взлететь, сказал ванарам:
c04d30ce3885 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Перед прыжком Хануман собирает не только тело, но и дыхание, взгляд, ум и силу. Это образ совершенного действия: энергия не расплескана, а полностью собрана ради одного служения.