प्रवृत्ते संकुले तस्मिन् घोरे वीरजनक्षये । अङ्गदः कम्पनं वीरम् आससाद रणोत्सुकः ॥
आहूय सो ऽङ्गदं कोपात् ताडयाम् आस वेगितः । गदया कम्पनः पूर्वं स चचाल भृशाहतः ॥
स संज्ञां प्राप्य तेजस्वी चिक्षेप शिखरं गिरेः । अर्दितश् च प्रहारेण कम्पनः पतितो भुवि ॥
हतप्रवीरा व्यथिता राक्षसेन्द्रचमूस् तदा । जगामाभिमुखी सा तु कुम्भकर्णसुतो यतः । आपतन्तीं च वेगेन कुम्भस् तां सान्त्वयच् चमूम् ॥
स धनुर् धन्विनां श्रेष्ठः प्रगृह्य सुसमाहितः । मुमोचाशीविषप्रख्याञ् शरान् देहविदारणान् ॥
तस्य तच् छुशुभे भूयः सशरं धनुर् उत्तमम् । विद्युदैरावतार्चिष्मद् द्वितीयेन्द्रधनुर् यथा ॥
आकर्णकृष्टमुक्तेन जघान द्विविदं तदा । तेन हाटकपुङ्खेन पत्रिणा पत्रवाससा ॥
सहसाभिहतस् तेन विप्रमुक्तपदः स्फुरन् । निपपाताद्रिकूटाभो विह्वलः प्लवगोत्तमः ॥
मैन्दस् तु भ्रातरं दृष्ट्वा भग्नं तत्र महाहवे । अभिदुद्राव वेगेन प्रगृह्य महतीं शिलाम् ॥
तां शिलां तु प्रचिक्षेप राक्षसाय महाबलः । बिभेद तां शिलां कुम्भः प्रसन्नैः पञ्चभिः शरैः ॥
संधाय चान्यं सुमुखं शरम् आशीविषोपमम् । आजघान महातेजा वक्षसि द्विविदाग्रजम् ॥
स तु तेन प्रहारेण मैन्दो वानरयूथपः । मर्मण्य् अभिहतस् तेन पपात भुवि मूर्छितः ॥
pravṛtte saṃkule tasmin ghore vīrajanakṣaye | aṅgadaḥ kampanaṃ vīram āsasāda raṇotsukaḥ ||
āhūya so 'ṅgadaṃ kopāt tāḍayām āsa vegitaḥ | gadayā kampanaḥ pūrvaṃ sa cacāla bhṛśāhataḥ ||
sa saṃjñāṃ prāpya tejasvī cikṣepa śikharaṃ gireḥ | arditaś ca prahāreṇa kampanaḥ patito bhuvi ||
hatapravīrā vyathitā rākṣasendracamūs tadā | jagāmābhimukhī sā tu kumbhakarṇasuto yataḥ | āpatantīṃ ca vegena kumbhas tāṃ sāntvayac camūm ||
sa dhanur dhanvināṃ śreṣṭhaḥ pragṛhya susamāhitaḥ | mumocāśīviṣaprakhyāñ śarān dehavidāraṇān ||
tasya tac chuśubhe bhūyaḥ saśaraṃ dhanur uttamam | vidyudairāvatārciṣmad dvitīyendradhanur yathā ||
ākarṇakṛṣṭamuktena jaghāna dvividaṃ tadā | tena hāṭakapuṅkhena patriṇā patravāsasā ||
sahasābhihatas tena vipramuktapadaḥ sphuran | nipapātādrikūṭābho vihvalaḥ plavagottamaḥ ||
maindas tu bhrātaraṃ dṛṣṭvā bhagnaṃ tatra mahāhave | abhidudrāva vegena pragṛhya mahatīṃ śilām ||
tāṃ śilāṃ tu pracikṣepa rākṣasāya mahābalaḥ | bibheda tāṃ śilāṃ kumbhaḥ prasannaiḥ pañcabhiḥ śaraiḥ ||
saṃdhāya cānyaṃ sumukhaṃ śaram āśīviṣopamam | ājaghāna mahātejā vakṣasi dvividāgrajam ||
sa tu tena prahāreṇa maindo vānarayūthapaḥ | marmaṇy abhihatas tena papāta bhuvi mūrchitaḥ ||
Когда началась эта страшная смута, губящая героев, Ангада, желая битвы, встретил героя Кампану. Стремительный Кампана вызвал Ангаду и в гневе первым ударил его палицей; сильно поражённый Ангада пошатнулся. Придя в сознание, сияющий герой метнул вершину горы, и Кампана, поражённый этим ударом, упал на землю. Армия царя ракшасов, потрясённая гибелью лучших героев, двинулась к тому месту, где был сын Кумбхакарны; Кумбха успокоил эту стремительно налетавшую армию. Он, лучший из лучников, хорошо сосредоточенный, взял лук и выпустил стрелы, подобные ядовитым змеям и разрывающие тела. Его превосходный лук со стрелой сиял ещё ярче, как второй лук Индры, сверкающий молнией и Айраватой. Стрелой, натянутой до уха и выпущенной, золотопёрой, крылатой и как бы одетой в перья, он ударил Двивиду. Внезапно поражённый ею, лучший прыгун, подобный горной вершине, потерял опору, задрожал и обессиленный упал. Увидев брата поражённым в великой битве, могучий Маинда схватил большую скалу и стремительно бросился вперёд. Он метнул эту скалу в ракшаса, но Кумбха разбил её пятью ясными стрелами. Затем великосияющий воин наложил другую прекрасную стрелу, подобную ядовитой змее, и ударил старшего брата Двивиды в грудь. Маинда, вождь ванарского отряда, поражённый этим ударом в жизненное место, упал на землю без сознания.
2267f7e9c7d6 · опубликовано 22 июн. 2026 г., 00:00:00 UTC
Доступно наRUЛистайте стихи клавишами
Кумбха появляется как собранный и искусный воин: он не просто нападает, а возвращает порядок деморализованной армии. Но порядок, поставленный на сторону Раваны, остаётся силой сопротивления дхарме.