तेषां पुत्राश् च पौत्राश् च शतशो ऽथ सहस्रशः एष मन्वन्तरे तात सर्गः स्वारोचिषे स्मृतः ॥
वैवस्वते तु महति वारुणे वितते क्रतौ जुह्वानस्य ब्रह्मणो वै प्रजासर्ग इहोच्यते ॥
पूर्वं यत्र तु ब्रह्मर्षीन् उत्पन्नान् सप्त मानसान् पुत्रत्वे कल्पयाम् आस स्वयम् एव पितामहः ॥
ततो विरोधे देवानां दानवानां च भारत दितिर् विनष्टपुत्रा वै तोषयाम् आस कश्यपम् ॥
तां कश्यपः प्रसन्नात्मा सम्यगाराधितस् तया वरेण च्छन्दयाम् आस सा च वव्रे वरं तदा ॥
पुत्रम् इन्द्रवधार्थाय समर्थम् अमितौजसम् स च तस्यै वरं प्रादात् प्रार्थितं सुमहातपाः ॥
दत्त्वा च वरम् अव्यग्रो मारीचस् ताम् अभाषत इन्द्रं पुत्रो निहन्ता ते गर्भे चेच् छरदां शतम् ॥
यदि धारयसे शौचं तत्परा व्रतम् आस्थिता भविष्यति सुतस् ते ऽयं यद्य् एनं धारयिष्यसि ॥
तथेत्य् अभिहितो भर्ता तया देव्या महातपाः धारयाम् आस गर्भं तु शुचिः सा वसुधाधिप ॥
ततो ऽभ्युपगमाद् दित्यां गर्भम् आधाय कश्यपः रोचयन् वै गणश्रेष्ठं देवानाम् अमितौजसाम् ॥
तेजः संभृत्य दुर्धर्षम् अवध्यम् अमरैः सदा जगाम पर्तवायैव तपसे संशितव्रतः ॥
तस्याश् चैवान्तरप्रेप्सुर् अभवत् पाकशासनः ऊने वर्षशते चास्या ददर्शान्तरम् अच्युतः ॥
अकृत्वा पादयोः शौचं दितिः शयनम् आविशत् निद्राम् आहारयाम् आस तस्याः कुक्षिं प्रविश्य ह वज्रपाणिस् ततो गर्भं सप्तधा तं न्यकृन्तत ॥
स पाट्यमानो गर्भो ऽथ वज्रेण प्ररुरोद ह मा रोदीर् इति तं शक्रः पुनः पुनर् अभाब्रवीत् ॥
मरुतो नाम देवास् ते बभूवुर् भरतर्षभ ॥
यथोक्तं वै मघवता तथैव मरुतो ऽभवन् देवा एकोनपञ्चाशत् सहाया वज्रपाणिनः ॥
तेषाम् एवं प्रवृद्धानां भूतानां जनमेजय निकायेषु निकायेषु हरिः प्रादात् प्रजापतीन् क्रमशस् तानि राज्यानि पृथोः पूर्वं तु भारत ॥
स हरिः पुरुषो वीरः कृष्णो जिष्णुः प्रजापतिः पर्जन्यस् तपनो व्यक्तस् तस्य सर्वम् इदं जगत् ॥
भूतसर्गम् इमं सम्यग् जानतो भरतर्षभ नावृत्तिभयम् अस्तीह परलोकभयं कुतः ॥
teṣāṃ putrāś ca pautrāś ca śataśo 'tha sahasraśaḥ eṣa manvantare tāta sargaḥ svārociṣe smṛtaḥ ||
vaivasvate tu mahati vāruṇe vitate kratau juhvānasya brahmaṇo vai prajāsarga ihocyate ||
pūrvaṃ yatra tu brahmarṣīn utpannān sapta mānasān putratve kalpayām āsa svayam eva pitāmahaḥ ||
tato virodhe devānāṃ dānavānāṃ ca bhārata ditir vinaṣṭaputrā vai toṣayām āsa kaśyapam ||
tāṃ kaśyapaḥ prasannātmā samyagārādhitas tayā vareṇa cchandayām āsa sā ca vavre varaṃ tadā ||
putram indravadhārthāya samartham amitaujasam sa ca tasyai varaṃ prādāt prārthitaṃ sumahātapāḥ ||
dattvā ca varam avyagro mārīcas tām abhāṣata indraṃ putro nihantā te garbhe cec charadāṃ śatam ||
yadi dhārayase śaucaṃ tatparā vratam āsthitā bhaviṣyati sutas te 'yaṃ yady enaṃ dhārayiṣyasi ||
tathety abhihito bhartā tayā devyā mahātapāḥ dhārayām āsa garbhaṃ tu śuciḥ sā vasudhādhipa ||
tato 'bhyupagamād dityāṃ garbham ādhāya kaśyapaḥ rocayan vai gaṇaśreṣṭhaṃ devānām amitaujasām ||
tejaḥ saṃbhṛtya durdharṣam avadhyam amaraiḥ sadā jagāma partavāyaiva tapase saṃśitavrataḥ ||
tasyāś caivāntaraprepsur abhavat pākaśāsanaḥ ūne varṣaśate cāsyā dadarśāntaram acyutaḥ ||
akṛtvā pādayoḥ śaucaṃ ditiḥ śayanam āviśat nidrām āhārayām āsa tasyāḥ kukṣiṃ praviśya ha vajrapāṇis tato garbhaṃ saptadhā taṃ nyakṛntata ||
sa pāṭyamāno garbho 'tha vajreṇa praruroda ha mā rodīr iti taṃ śakraḥ punaḥ punar abhābravīt ||
maruto nāma devās te babhūvur bharatarṣabha ||
yathoktaṃ vai maghavatā tathaiva maruto 'bhavan devā ekonapañcāśat sahāyā vajrapāṇinaḥ ||
teṣām evaṃ pravṛddhānāṃ bhūtānāṃ janamejaya nikāyeṣu nikāyeṣu hariḥ prādāt prajāpatīn kramaśas tāni rājyāni pṛthoḥ pūrvaṃ tu bhārata ||
sa hariḥ puruṣo vīraḥ kṛṣṇo jiṣṇuḥ prajāpatiḥ parjanyas tapano vyaktas tasya sarvam idaṃ jagat ||
bhūtasargam imaṃ samyag jānato bharatarṣabha nāvṛttibhayam astīha paralokabhayaṃ kutaḥ ||
«Их сыновья и внуки были сотнями и тысячами. Таково творение, известное в манвантаре Сварочиши, о дорогой. В великом Вайвасвата, на развёрнутом жертвоприношении Варуны, говорится о творении существ Брахмы, совершающего жертву. Там сам Праотец назначил своими сыновьями семерых уморождённых брахмариши. Затем, во время противостояния богов и данавов, о Бхарата, Дити, потерявшая сыновей, умилостивила Кашьяпу. Довольный Кашьяпа, должным образом почтённый ею, предложил ей выбрать дар, и она тогда попросила благословение: сына, способного убить Индру, неизмеримой силы. Великий подвижник дал ей испрошенный дар и, дав его, невозмутимый сын Маричи сказал: “Твой сын убьёт Индру, если сто осеней будет находиться в утробе. Если ты соблюдёшь чистоту, преданная этому и стоящая в обете, он станет твоим сыном, если ты сохранишь его”. Супруг был так отвечен богиней, и чистая Дити, о владыка земли, носила плод. После согласия Дити Кашьяпа вложил в неё зародыш, желая лучшего отряда среди богов неизмеримой силы. Собрав неприступную силу, всегда неуязвимую для бессмертных, он ушёл совершать обряд и аскезу, строгий в обетах. Пакашасана, желая найти у неё нарушение, когда до ста лет оставалось немного, увидел промежуток, о Ачьюта. Дити легла в постель, не совершив омовения ног; войдя в её чрево, Индра навёл сон, и затем Ваджрапани рассёк плод на семь частей. Когда зародыш, разрубаемый ваджрой, заплакал, Шакра снова и снова говорил ему: “Не плачь”. Те боги стали Марутами, о лучший из Бхаратов; как сказал Магхаван, так они и стали Марутами — сорок девять богов, помощники Ваджрапани. Когда эти существа так возросли, о Джанамеджая, Хари в каждом их сонме поставлял Праджапати, и эти царства следовали по порядку до Притху, о Бхарата. Этот Хари — Пуруша, герой, Кришна, Джишну, Праджапати; Парджанья, Тапана и Вьякта — всё это его мир. Для того, кто должным образом знает это сотворение существ, о лучший из Бхаратов, здесь нет страха возвращения; откуда же страх иного мира?»
4aafc760fe2e · 发布于 2026年6月22日 03:30:30 UTC
可用语言RU用方向键翻颂
Рождение Марутов соединяет конфликт и милость. Дити ищет сына, который победит Индру, но итогом становится не враг богов, а сорок девять помощников Ваджрапани. Даже разрубленный плод не уничтожается окончательно: через слово “не плачь” возникает новое божественное имя и новое место в космическом порядке. Так глава завершает тему творения: судьба существ определяется не только родом и силой, но и вмешательством высшей воли, превращающей угрозу в служение.