एवम् एषो ऽवतीइर्णो वै पृथिव्यां पृथिवीपते विष्णुर् यदुकुलश्रेष्ठो वासुदेवेति विश्रुतः ॥
एतैश् च कारणैः श्रीमान् वसुदेवकुले प्रभुः जातो वृष्णिषु देवक्यां यन् मां त्वं परिपृच्छसि ॥
निवृत्ते नारदप्रश्ने मयोक्तं ते समासतः उक्तास् ते विस्तराः सर्वे पूर्वं ये जनमेजय ॥
विष्णोस् तु माथुरे कल्पे यत्र ते संशयो महान् वासुदेवगतिश् चैव सा मया समुदाहृता ॥
आश्चर्यश् चैव नान्यो ऽस्ति कृष्णश् चाश्चर्यसंनिधिः सर्वेष्व् आश्चर्यकल्पेषु नास्त्य् आश्चर्यम् अवैष्णवम् ॥
स एव धन्यो धनिनां धन्यकृद् धन्यभावनः देवेष्व् अपि सदैत्येषु नास्ति धन्यतरो ऽच्युतात् ॥
आदित्या वसवो रुद्रा अश्विनौ मरुतस् तथा गगनं भूर् दिशश् चैव सलिलं ज्योतिर् एव च ॥
एष धाता विधाता च संहर्ता काल एव च सत्यं धर्मस् तपश् चैव ब्रह्म चैव सनातनम् जगच् च सर्वं देवेशस् तं नमस् कुरु भारत ॥
इत्युक्तं बाणयुद्धं ते माहात्म्यं केशवस्य च वंशप्रतिष्ठां अतुलां श्रवणादेव लप्स्यसे ॥
ये चेदं धारयिष्यन्ति बाणयुद्धम् अनुत्तमम् केशवस्य च माहात्म्यं नाधर्मस् तान् भजिष्यति ॥
एषा ते वैष्णवी चर्या मया कार्त्स्न्येन कीर्तिता पृच्छतस् तात यज्ञे ऽस्मिन् निवृत्ते जनमेजय ॥
आश्चर्यपर्वम् अखिलं यो हीदं धारयेन् नृप नाशुभं प्राप्नुयात् किंचिद् दीर्घम् आयुर् अवाप्नुयात् ॥
इति पारिक्षितो राजा वैशंपायनभाषितम् श्रुतवान् अमलो भूत्वा हरिवंशं द्विजर्षभाः ॥
एवं शौनक संक्षेपाद् विस्तरेण तथैव च प्रोक्ता वै सर्ववंशास् ते किं भूयः कथयामि ते ॥
evam eṣo 'vatīirṇo vai pṛthivyāṃ pṛthivīpate viṣṇur yadukulaśreṣṭho vāsudeveti viśrutaḥ ||
etaiś ca kāraṇaiḥ śrīmān vasudevakule prabhuḥ jāto vṛṣṇiṣu devakyāṃ yan māṃ tvaṃ paripṛcchasi ||
nivṛtte nāradapraśne mayoktaṃ te samāsataḥ uktās te vistarāḥ sarve pūrvaṃ ye janamejaya ||
viṣṇos tu māthure kalpe yatra te saṃśayo mahān vāsudevagatiś caiva sā mayā samudāhṛtā ||
āścaryaś caiva nānyo 'sti kṛṣṇaś cāścaryasaṃnidhiḥ sarveṣv āścaryakalpeṣu nāsty āścaryam avaiṣṇavam ||
sa eva dhanyo dhanināṃ dhanyakṛd dhanyabhāvanaḥ deveṣv api sadaityeṣu nāsti dhanyataro 'cyutāt ||
ādityā vasavo rudrā aśvinau marutas tathā gaganaṃ bhūr diśaś caiva salilaṃ jyotir eva ca ||
eṣa dhātā vidhātā ca saṃhartā kāla eva ca satyaṃ dharmas tapaś caiva brahma caiva sanātanam jagac ca sarvaṃ deveśas taṃ namas kuru bhārata ||
ityuktaṃ bāṇayuddhaṃ te māhātmyaṃ keśavasya ca vaṃśapratiṣṭhāṃ atulāṃ śravaṇādeva lapsyase ||
ye cedaṃ dhārayiṣyanti bāṇayuddham anuttamam keśavasya ca māhātmyaṃ nādharmas tān bhajiṣyati ||
eṣā te vaiṣṇavī caryā mayā kārtsnyena kīrtitā pṛcchatas tāta yajñe 'smin nivṛtte janamejaya ||
āścaryaparvam akhilaṃ yo hīdaṃ dhārayen nṛpa nāśubhaṃ prāpnuyāt kiṃcid dīrgham āyur avāpnuyāt ||
iti pārikṣito rājā vaiśaṃpāyanabhāṣitam śrutavān amalo bhūtvā harivaṃśaṃ dvijarṣabhāḥ ||
evaṃ śaunaka saṃkṣepād vistareṇa tathaiva ca proktā vai sarvavaṃśās te kiṃ bhūyaḥ kathayāmi te ||
«Так, о владыка земли, Вишну, лучший в роду Яду, известный как Васудева, сошёл на землю. По этим причинам славный владыка родился у Деваки среди Вришни в роду Васудевы — именно об этом ты спрашивал меня. Когда вопрос Нарады завершён, я кратко сказал тебе это; прежде, Джанамеджая, я уже изложил тебе все подробности. В Матхурском разделе о Вишну, где у тебя было великое сомнение, мной был изложен путь Васудевы. Нет другого чуда: Кришна — вместилище чудес; во всех чудесных разделах нет чуда, не связанного с Вишну. Он один благословен среди богатых, он делает благими и взращивает благо; даже среди богов вместе с дайтьями нет более благословенного, чем Ачьюта. Адитьи, Васу, Рудры, два Ашвина, Маруты, небо, земля, стороны света, вода и свет — всё это он. Он держатель и устроитель, разрушитель и само Время; он истина, дхарма, аскеза, вечный Брахман и весь мир. О Бхарата, поклонись этому Богу богов. Так я рассказал тебе битву с Баной и величие Кешавы; одну лишь несравненную основу рода ты получишь уже через слушание. Тех, кто будет хранить в памяти эту непревзойдённую битву с Баной и величие Кешавы, не коснётся адхарма. Дорогой Джанамеджая, на этой жертве, когда ты спрашивал, мной полностью воспета эта вайшнавская чарья. О царь, кто будет хранить весь этот чудесный парван, тот не достигнет ничего неблагого и обретёт долгую жизнь. Так царь, сын Парикшита, услышав Харивамшу, сказанную Вайшампаяной, стал чистым, о быки среди дваждырождённых. Шаунака, так кратко и вместе с тем подробно я рассказал тебе все эти родословия. Что ещё рассказать тебе?»
d17f661c4fda · 发布于 2026年6月22日 06:39:57 UTC
可用语言RU用方向键翻颂
Финал Вишну-парвана прямо раскрывает центр повествования: все чудеса сходятся в Кришне-Васудеве. Слушание его деяний очищает, потому что связывает память с высшей истиной и дхармой.