उक्तं पूर्वं जातमात्रे सुते ते; मया यत् ते हितम् आसीत् तदानीम् ॥
पुत्रं त्यजेमम् अहितं कुलस्येत्य्; एतद् राजन् न च तत् त्वं चकर्थ ॥
इदानीं ते हितम् उक्तं न चेत् त्वं; कर्तासि राजन् परितप्तासि पश्चात् ॥
यद्य् एतद् एवम् अनुमन्ता सुतस् ते; संप्रीयमाणः पाण्डवैर् एकराज्यम् ॥
तापो न ते वै भविता प्रीतियोगात्; त्वं चेन् न गृह्णासि सुतं सहायैः ॥
अथापरो भवति हि तं निगृह्य; पाण्डोः पुत्रं प्रकुरुष्वाधिपत्ये ॥
अजातशत्रुर् हि विमुक्तरागो; धर्मेणेमां पृथिवीं शास्तु राजन् ॥
ततो राजन् पार्थिवाः सर्व एव; वैश्या इवास्मान् उपतिष्ठन्तु सद्यः ॥
दुर्योधनः शकुनिः सूतपुत्रः; प्रीत्या राजन् पाण्डुपुत्रान् भजन्ताम् ॥
दुःशासनो याचतु भीमसेनं; सभामध्ये द्रुपदस्यात्मजां च ॥
युधिष्ठिरं त्वं परिसान्त्वयस्व; राज्ये चैनं स्थापयस्वाभिपूज्य ॥
त्वया पृष्टः किम् अहम् अन्यद् वदेयम्; एतत् कृत्वा कृतकृत्यो ऽसि राजन् ॥
uktaṃ pūrvaṃ jātamātre sute te; mayā yat te hitam āsīt tadānīm ||
putraṃ tyajemam ahitaṃ kulasyety; etad rājan na ca tat tvaṃ cakartha ||
idānīṃ te hitam uktaṃ na cet tvaṃ; kartāsi rājan paritaptāsi paścāt ||
yady etad evam anumantā sutas te; saṃprīyamāṇaḥ pāṇḍavair ekarājyam ||
tāpo na te vai bhavitā prītiyogāt; tvaṃ cen na gṛhṇāsi sutaṃ sahāyaiḥ ||
athāparo bhavati hi taṃ nigṛhya; pāṇḍoḥ putraṃ prakuruṣvādhipatye ||
ajātaśatrur hi vimuktarāgo; dharmeṇemāṃ pṛthivīṃ śāstu rājan ||
tato rājan pārthivāḥ sarva eva; vaiśyā ivāsmān upatiṣṭhantu sadyaḥ ||
duryodhanaḥ śakuniḥ sūtaputraḥ; prītyā rājan pāṇḍuputrān bhajantām ||
duḥśāsano yācatu bhīmasenaṃ; sabhāmadhye drupadasyātmajāṃ ca ||
yudhiṣṭhiraṃ tvaṃ parisāntvayasva; rājye cainaṃ sthāpayasvābhipūjya ||
tvayā pṛṣṭaḥ kim aham anyad vadeyam; etat kṛtvā kṛtakṛtyo 'si rājan ||
‘I told you before, when your son had just been born: “Abandon this son, harmful to the family.” That would have been good for you, but you did not do it. If even now you do not accept what is beneficial, you will grieve later. If your son agrees to live in a single kingdom at peace with the Pandavas, you will have no burning grief. But if he does not accept this, restrain him together with his allies and set the son of Pandu upon the throne. Let Ajatashatru, free from passion, rule this earth by dharma; then all kings will come to serve us like vaishyas. Let Duryodhana, Shakuni, and the charioteer's son embrace the sons of Pandu with love; let Duhshasana beg forgiveness of Bhimasena and of the daughter of Drupada in the midst of the assembly. Console Yudhishthira and, honoring him, establish him in the kingdom. You asked me: what more should I say? Having done this, you will have fulfilled your duty, O king.’
63d9794b5661 · 发布于 2026年7月16日 16:33:28 UTC
可用语言RUEN用方向键翻颂
Vidura demands not merely a political concession but a moral restoration: Duhshasana must ask Draupadi's forgiveness. Where adharma was committed in public, repentance must be public as well. Without this, peace would be nothing more than a crack papered over.