तच् छ्रुत्वा वचनं तस्या भैमी वचनम् अब्रवीत् ॥
मानुषीं मां विजानीहि भर्तारं समनुव्रताम् ॥
सैरन्ध्रीं जातिसंपन्नां भुजिष्यां कामवासिनीम् ॥
फलमूलाशनाम् एकां यत्रसायंप्रतिश्रयाम् ॥
असंख्येयगुणो भर्ता मां च नित्यम् अनुव्रतः ॥
भर्तारम् अपि तं वीरं छायेवानपगा सदा ॥
तस्य दैवात् प्रसङ्गो ऽभूद् अतिमात्रं स्म देवने ॥
द्यूते स निर्जितश् चैव वनम् एको ऽभ्युपेयिवान् ॥
तम् एकवसनं वीरम् उन्मत्तम् इव विह्वलम् ॥
आश्वासयन्ती भर्तारम् अहम् अन्वगमं वनम् ॥
स कदा चिद् वने वीरः कस्मिंश् चित् कारणान्तरे ॥
क्षुत्परीतः सुविमनास् तद् अप्य् एकं व्यसर्जयत् ॥
तम् एकवसनं नग्नम् उन्मत्तं गतचेतसम् ॥
अनुव्रजन्ती बहुला न स्वपामि निशाः सदा ॥
ततो बहुतिथे काले सुप्ताम् उत्सृज्य मां क्व चित् ॥
वाससो ऽर्धं परिच्छिद्य त्यक्तवान् माम् अनागसम् ॥
तं मार्गमाणा भर्तारं दह्यमाना दिनक्षपाः ॥
न विन्दाम्य् अमरप्रख्यं प्रियं प्राणधनेश्वरम् ॥
tac chrutvā vacanaṃ tasyā bhaimī vacanam abravīt ||
mānuṣīṃ māṃ vijānīhi bhartāraṃ samanuvratām ||
sairandhrīṃ jātisaṃpannāṃ bhujiṣyāṃ kāmavāsinīm ||
phalamūlāśanām ekāṃ yatrasāyaṃpratiśrayām ||
asaṃkhyeyaguṇo bhartā māṃ ca nityam anuvrataḥ ||
bhartāram api taṃ vīraṃ chāyevānapagā sadā ||
tasya daivāt prasaṅgo 'bhūd atimātraṃ sma devane ||
dyūte sa nirjitaś caiva vanam eko 'bhyupeyivān ||
tam ekavasanaṃ vīram unmattam iva vihvalam ||
āśvāsayantī bhartāram aham anvagamaṃ vanam ||
sa kadā cid vane vīraḥ kasmiṃś cit kāraṇāntare ||
kṣutparītaḥ suvimanās tad apy ekaṃ vyasarjayat ||
tam ekavasanaṃ nagnam unmattaṃ gatacetasam ||
anuvrajantī bahulā na svapāmi niśāḥ sadā ||
tato bahutithe kāle suptām utsṛjya māṃ kva cit ||
vāsaso 'rdhaṃ paricchidya tyaktavān mām anāgasam ||
taṃ mārgamāṇā bhartāraṃ dahyamānā dinakṣapāḥ ||
na vindāmy amaraprakhyaṃ priyaṃ prāṇadhaneśvaram ||
Bhaimi answered: "Know me to be a human woman, one who follows her husband. I am a sairandhri of noble birth, a free servant, living wherever chance takes me, eating fruits and roots, alone, taking shelter wherever evening finds me. My husband is endowed with countless virtues, and I have always followed him like a shadow. But by fate he fell into an excessive attachment to gambling; he was defeated at dice and went alone into the forest. I followed that hero, wearing but a single garment, as though following a madman, trying to comfort my husband. In the forest, for some other reason, he, overcome by hunger and heavy of mind, lost even that one garment. For many nights I did not sleep, following him — naked, in a single garment, mad, and out of his senses. Then, after a long time, he abandoned me while I slept somewhere, cutting away half of my garment, leaving me who had done no wrong. Searching for that husband, burning through the days and nights, I cannot find him, my beloved, radiant as an immortal, lord of my life and my treasure."
f8134eef2aab · 发布于 2026年7月16日 16:58:37 UTC
可用语言RUEN用方向键翻颂
Damayanti conceals names, but she does not conceal the truth of her fidelity. Her account guards Nala's honor even as it speaks of his cruel act.