लोमश उवाच
स तु राजा महेष्वासश् चक्रवर्ती महारथः ॥
बभूव सर्वलोकस्य मनोनयननन्दनः ॥
स शुश्राव महाबाहुः कपिलेन महात्मना ॥
पितॄणां निधनं घोरम् अप्राप्तिं त्रिदिवस्य च ॥
स राज्यं सचिवे न्यस्य हृदयेन विदूयता ॥
जगाम हिमवत्पार्श्वं तपस् तप्तुं नरेश्वरः ॥
आरिराधयिषुर् गङ्गां तपसा दग्धकिल्बिषः ॥
सो ऽपश्यत नरश्रेष्ठ हिमवन्तं नगोत्तमम् ॥
शृङ्गैर् बहुविधाकारैर् धातुमद्भिर् अलंकृतम् ॥
पवनालम्बिभिर् मेघैः परिष्वक्तं समन्ततः ॥
नदीकुञ्जनितम्बैश् च सोदकैर् उपशोभितम् ॥
गुहाकन्दरसंलीनैः सिंहव्याघ्रैर् निषेवितम् ॥
शकुनैश् च विचित्राङ्गैः कूजद्भिर् विविधा गिरः ॥
भृङ्गराजैस् तथा हंसैर् दात्यूहैर् जलकुक्कुटैः ॥
मयूरैः शतपत्रैश् च कोकिलैर् जीवजीवकैः ॥
चकोरैर् असितापाङ्गैस् तथा पुत्रप्रियैर् अपि ॥
जलस्थानेषु रम्येषु पद्मिनीभिश् च संकुलम् ॥
सारसानां च मधुरैर् व्याहृतैः समलंकृतम् ॥
किंनरैर् अप्सरोभिश् च निषेवितशिलातलम् ॥
दिशागजविषाणाग्रैः समन्ताद् घृष्टपादपम् ॥
विद्याधरानुचरितं नानारत्नसमाकुलम् ॥
विषोल्बणैर् भुजंगैश् च दीप्तजिह्वैर् निषेवितम् ॥
क्व चित् कनकसंकाशं क्व चिद् रजतसंनिभम् ॥
क्व चिद् अञ्जनपुञ्जाभं हिमवन्तम् उपागमत् ॥
स तु तत्र नरश्रेष्ठस् तपो घोरं समाश्रितः ॥
फलमूलाम्बुभक्षो ऽभूत् सहस्रं परिवत्सरान् ॥
संवत्सरसहस्रे तु गते दिव्ये महानदी ॥
दर्शयाम् आस तं गङ्गा तदा मूर्तिमती स्वयम् ॥
lomaśa uvāca
sa tu rājā maheṣvāsaś cakravartī mahārathaḥ ||
babhūva sarvalokasya manonayananandanaḥ ||
sa śuśrāva mahābāhuḥ kapilena mahātmanā ||
pitṝṇāṃ nidhanaṃ ghoram aprāptiṃ tridivasya ca ||
sa rājyaṃ sacive nyasya hṛdayena vidūyatā ||
jagāma himavatpārśvaṃ tapas taptuṃ nareśvaraḥ ||
ārirādhayiṣur gaṅgāṃ tapasā dagdhakilbiṣaḥ ||
so 'paśyata naraśreṣṭha himavantaṃ nagottamam ||
śṛṅgair bahuvidhākārair dhātumadbhir alaṃkṛtam ||
pavanālambibhir meghaiḥ pariṣvaktaṃ samantataḥ ||
nadīkuñjanitambaiś ca sodakair upaśobhitam ||
guhākandarasaṃlīnaiḥ siṃhavyāghrair niṣevitam ||
śakunaiś ca vicitrāṅgaiḥ kūjadbhir vividhā giraḥ ||
bhṛṅgarājais tathā haṃsair dātyūhair jalakukkuṭaiḥ ||
mayūraiḥ śatapatraiś ca kokilair jīvajīvakaiḥ ||
cakorair asitāpāṅgais tathā putrapriyair api ||
jalasthāneṣu ramyeṣu padminībhiś ca saṃkulam ||
sārasānāṃ ca madhurair vyāhṛtaiḥ samalaṃkṛtam ||
kiṃnarair apsarobhiś ca niṣevitaśilātalam ||
diśāgajaviṣāṇāgraiḥ samantād ghṛṣṭapādapam ||
vidyādharānucaritaṃ nānāratnasamākulam ||
viṣolbaṇair bhujaṃgaiś ca dīptajihvair niṣevitam ||
kva cit kanakasaṃkāśaṃ kva cid rajatasaṃnibham ||
kva cid añjanapuñjābhaṃ himavantam upāgamat ||
sa tu tatra naraśreṣṭhas tapo ghoraṃ samāśritaḥ ||
phalamūlāmbubhakṣo 'bhūt sahasraṃ parivatsarān ||
saṃvatsarasahasre tu gate divye mahānadī ||
darśayām āsa taṃ gaṅgā tadā mūrtimatī svayam ||
Lomasha said: 'This king, a great archer, a chakravartin and a mighty warrior on his chariot, became the joy of the mind and eyes of the whole world. He heard from the great Kapila of the terrible death of his ancestors and of how they had not reached the heavenly realm. Having entrusted the kingdom to his minister, with a heart pierced by grief, he went to the slope of Himavat to perform tapas, the lord of men, wishing by his tapas to propitiate Ganga and burn away his sins. He beheld Himavat, the best of mountains, adorned with peaks of many forms and with minerals, embraced on every side by clouds hanging in the wind, beautiful with river valleys and waters, served by lions and tigers hidden in caves and ravines. There were birds of many-colored limbs, singing in various voices: bhringarajas, geese, datyuhas, water-cocks, peacocks, shatapatras, cuckoos, jivajivakas, chakoras with dark-rimmed eyes, and putrapriyas. In its beautiful watery places it was full of lotus ponds and adorned with the sweet cries of cranes. Its rocky terraces were frequented by kinnaras and apsaras; the trees around it were rubbed smooth by the tusk-tips of the elephants of the directions; vidyadharas walked upon it, it was full of various jewels, and served by venomous serpents with blazing tongues. In places Himavat resembled gold, in places silver, in places a mass of black antimony. Having come there, the best of men undertook a fearsome tapas and for a thousand divine years lived on fruits, roots, and water. When a thousand years had passed, the great river Ganga herself appeared before him in bodily form.'
0947650b5eaf · 发布于 2026年7月16日 17:02:54 UTC
可用语言RUEN用方向键翻颂
Bhagiratha begins not with power but with relinquishing power and departing for tapas. To bring Ganga for his ancestors, he must first become empty of royal pride.