अंशुमान् एवम् उक्तस् तु कपिलेन महात्मना ॥
आजगाम हयं गृह्य यज्ञवाटं महात्मनः ॥
सो ऽभिवाद्य ततः पादौ सगरस्य महात्मनः ॥
मूर्ध्नि तेनाप्य् उपाघ्रातस् तस्मै सर्वं न्यवेदयत् ॥
यथा दृष्टं श्रुतं चापि सागराणां क्षयं तथा ॥
तं चास्मै हयम् आचष्ट यज्ञवाटम् उपागतम् ॥
तच् छ्रुत्वा सगरो राजा पुत्रजं दुःखम् अत्यजत् ॥
अंशुमन्तं च संपूज्य समापयत तं क्रतुम् ॥
समाप्तयज्ञः सगरो देवैः सर्वैः सभाजितः ॥
पुत्रत्वे कल्पयाम् आस समुद्रं वरुणालयम् ॥
प्रशास्य सुचिरं कालं राज्यं राजीवलोचनः ॥
पौत्रे भारं समावेश्य जगाम त्रिदिवं तदा ॥
अंशुमान् अपि धर्मात्मा महीं सागरमेखलाम् ॥
प्रशशास महाराज यथैवास्य पितामहः ॥
तस्य पुत्रः समभवद् दिलीपो नाम धर्मवित् ॥
तस्मै राज्यं समाधाय अंशुमान् अपि संस्थितः ॥
दिलीपस् तु ततः श्रुत्वा पितॄणां निधनं महत् ॥
पर्यतप्यत दुःखेन तेषां गतिम् अचिन्तयत् ॥
गङ्गावतरणे यत्नं सुमहच् चाकरोन् नृपः ॥
न चावतारयाम् आस चेष्टमानो यथाबलम् ॥
तस्य पुत्रः समभवच् छ्रीमान् धर्मपरायणः ॥
भगीरथ इति ख्यातः सत्यवाग् अनसूयकः ॥
अभिषिच्य तु तं राज्ये दिलीपो वनम् आश्रितः ॥
तपःसिद्धिसमायोगात् स राजा भरतर्षभ ॥
वनाज् जगाम त्रिदिवं कालयोगेन भारत ॥
aṃśumān evam uktas tu kapilena mahātmanā ||
ājagāma hayaṃ gṛhya yajñavāṭaṃ mahātmanaḥ ||
so 'bhivādya tataḥ pādau sagarasya mahātmanaḥ ||
mūrdhni tenāpy upāghrātas tasmai sarvaṃ nyavedayat ||
yathā dṛṣṭaṃ śrutaṃ cāpi sāgarāṇāṃ kṣayaṃ tathā ||
taṃ cāsmai hayam ācaṣṭa yajñavāṭam upāgatam ||
tac chrutvā sagaro rājā putrajaṃ duḥkham atyajat ||
aṃśumantaṃ ca saṃpūjya samāpayata taṃ kratum ||
samāptayajñaḥ sagaro devaiḥ sarvaiḥ sabhājitaḥ ||
putratve kalpayām āsa samudraṃ varuṇālayam ||
praśāsya suciraṃ kālaṃ rājyaṃ rājīvalocanaḥ ||
pautre bhāraṃ samāveśya jagāma tridivaṃ tadā ||
aṃśumān api dharmātmā mahīṃ sāgaramekhalām ||
praśaśāsa mahārāja yathaivāsya pitāmahaḥ ||
tasya putraḥ samabhavad dilīpo nāma dharmavit ||
tasmai rājyaṃ samādhāya aṃśumān api saṃsthitaḥ ||
dilīpas tu tataḥ śrutvā pitṝṇāṃ nidhanaṃ mahat ||
paryatapyata duḥkhena teṣāṃ gatim acintayat ||
gaṅgāvataraṇe yatnaṃ sumahac cākaron nṛpaḥ ||
na cāvatārayām āsa ceṣṭamāno yathābalam ||
tasya putraḥ samabhavac chrīmān dharmaparāyaṇaḥ ||
bhagīratha iti khyātaḥ satyavāg anasūyakaḥ ||
abhiṣicya tu taṃ rājye dilīpo vanam āśritaḥ ||
tapaḥsiddhisamāyogāt sa rājā bharatarṣabha ||
vanāj jagāma tridivaṃ kālayogena bhārata ||
Having received this word from the great Kapila, Amshuman took the horse and came to the sacrificial ground of the great Sagara. Having bowed at the feet of the great Sagara and been smelled by him upon the head, he told him everything -- what he had seen and heard, how the sons of Sagara had perished, and that the horse had arrived at the sacrificial ground. Hearing this, King Sagara set aside the grief born of his sons, honored Amshuman, and completed the sacrifice. Having finished the sacrifice, Sagara, honored by all the gods, accepted the ocean, the abode of Varuna, as his son. Having ruled the kingdom for a long time, the lotus-eyed one passed the burden to his grandson and then departed for heaven. The righteous Amshuman likewise ruled the earth girdled by the ocean, as his grandfather had. A son was born to him, Dilipa, knower of dharma. Having entrusted the kingdom to him, Amshuman too completed his course. Dilipa, hearing of the great destruction of his forefathers, suffered from grief and pondered their fate. He made a very great effort to bring down the Ganga, but, striving to the utmost of his strength, he could not bring her down. A glorious son was born to him, devoted to dharma, known as Bhagiratha, truthful in speech and free of envy. Having anointed the great Bhagiratha, devoted to truth and dharma, to the kingship, Dilipa withdrew to the forest and, through union with the perfection of austerity, in time attained heaven."
ad8775a5787e · 发布于 2026年7月16日 17:02:54 UTC
可用语言RUEN用方向键翻颂
The work of saving the family passes through several generations. Dilipa's failure is not fruitless: it hands on to Bhagiratha a debt already ripened within the family.